1 Kurintuwaraita 16
16
Aintaumuatiri uferta amuita supe
1Kuiri hambeu penye arama sese kua pemuatiriwaa pexari Deus umukaturuwaita supe, hambeu penye arama kuaye hambeuwaa yawe ingreja Galasia upe.
2Mitu yaweyawe pemuatiri peyara Deus rese peyaweyawe isuiwara kua Deus uxari peganyari, tiarama yapurandu peirumu ae hayuiri rame kuri.
3Asui hayuiri kuri hamundu papera aintairumu kuaita apigawaita peparawakawaita aintaurasu arama kua pexariwaa Jeruzalẽ kiti.
4Puranga rame kuri hasu aintausu kuri seirumu.
Paulu viaji rese
5Kuiri kuri hayuiri hamaa pepiri hayuiri rame Masedunia kiti nyãse hasasawa kuri Masedunia piterupi.
6Hamanduari haiku kuri peirumu paranawasu rame pemundu arama ixe maa kiti hasu.
7Nyãse tihaputari hamaa penye kutara hasasawa rame, maa haputari haiku peirumu uikupuku Deus uxari rame yawe.
8Haputari haiku Efezu upe ate usika Pentekuste ara upe.
9Nyãse puranga hapuderi hapuraki ike Deus supe, maa siya seruanyanaita.
Timuteu Apulu yuiri
10Usu rame kuri pepiri kua Timuteu pexari uiku puranga peirumu, nyãse upuraki yaneruixawa supe kuaye seyawe.
11Ape tepexari amu timaarese Timuteu sui, maa pexari usu arama sapee upe puranga uyuiri arama kuri sepiri nyãse hasaru uri aintairumu kuaita yanemuita.
12Kua yanemu Apulu kirimbawa hambeu ae usu arama pepiri aintairumu kuaita yanemuita, maa tire uputari usu pepiri, maa usu kuri pepiri mairame upuderi.
Yamaa yanesui yawewarawate
13Pemaa pesui yawewarawate; peiku santa sese kua pexariwaa pepia sese, peiku puranga, peyumukirimbawa.
14Pemunya panye maantu pemunyawaita pegustarisawa irumu.
Estefana, Furtunatu Akaiku yuiri
15Semuita, pekuawate kuaita Estefana ruka puraita aintautrukari aintaumanduarisawa Yurupari sui Azia upe, asui kuiri aintauwajudari kuaita uruyariwaita yawewarawate.
16Hambeu penye arama, pesendu ainta supe puranga kuaita apigawaita aintayawe, pesendu ainta supe panye kuaita yanemuita upurakiwaita yaneirumu Deus supe.
17Suuri hamaa aintauri sepiri kuaita Estefana, Furtunatu yuiri, Akaiku yuiri, nyãse tiseirumu penye kuiri,
18Suuri aintauxari hamanduari Deus, suuri yuiri aintauxari pemanduari Deus, ape perikute pemaa puranga ainta supe kuaita apigawaita aintayawewaita.
Kuekatu
19Aintaumundu kuekatu penye arama kuaita ingreja Azia upe. Aintayuiri aintaumundu kuekatu penye arama yaneruixawa rera rupi kuaita Akila, Prisila yuiri irumu kua ingreja umuatiriwaa aintaruka upe.
20Panye yanemuita umundu penye arama kuekatu yuiri. Pesuanti ainta puranga, pebejari ainta.
21Ixe Paulu hampinima kua kuekatu seipu irumu.
22Kua tiwa ugustari yaneruixawa ipekadu utiari ae Deus sui. Yaneruixawa uri kuri.
23Yaneruixawa Jesus uxari ipurangasawa pepia upe.
24Hagustarisawa uiku peirumu panye penye Kristu Jesus rese.
Currently Selected:
1 Kurintuwaraita 16: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
