Génesis 14
14
Abrã Lotere ã jichʉ jipihti to cjʉaa cʉ̃hʉre yʉhdʉ witichʉ yoaha
Resumen: Sodomapʉ Lote to jia tiri pjapʉre cahma wajãa tuaro jia tiha. Cʉ̃ nʉmʉ paye yahparipʉ macaina pʉhtoa, pititiaro jiina sehe, ti surara mehne wahaa, Sodoma, Gomorra macaina mehne cahma wajãa sʉa tiha. Cahma wajãa sʉina sehe tí macari macainare payʉ waro wajãa tiha.
11Pititiaro pʉhtoa, ã jichʉ ti surara cʉ̃hʉ Sodoma, Gomorra macaina ti yare, ti chʉare, ã jichʉ ti ya wapa bʉjʉa cʉ̃hʉre na pahñonocaa tiha. Na pahño, tjuaa wahaa tiha. 12Tí pjapʉre Lote, Abrã bahʉro macʉno sehe Sodomapʉ jia tiha. Ã jia tiro cʉ̃hʉre ñaha, to ya jipihtiro mehne tirore naa wahaa tiha tina. 13Wiho mejeta cʉ̃iro Sodoma macariro, tinare yʉhdʉ witiriro sehe tí quitire Abrã, hebreo masʉnopʉre yahuro sʉha.
Tí pjapʉre Abrã sehe Maré ya nʉcʉcã, encina yucʉri jiri nʉcʉcãi jia tiha. Tiro Maré sehe amorreo masʉno jiha. Escó, Aner cʉ̃hʉ ti wahmino jiha tiro. Tina tiaro sehe Abrãre cahma wajãdohoina jia tiha.
14Ã yoa Abrã sehe to bahʉro macʉnore ti ñaha wahcãri quitire tʉhoro, to bʉcʉo, to cahma wajã buherinare pji cahmachuha. Tina sehe tresciento dieciocho waro jia tiha. Tina mehne Lotere ñaha wahcãinare nʉnʉ ti wahcãha tiro, pʉ Dã wama tiri macapʉ. 15Tópʉ tinare mʉ sʉ, tina mehne cahma wajãno taro, ñami tiro Abrã to masare cãa curuari tju wa dapoha. Tju wa dapo tuhsʉ, wacũenoca tina mehne cahma wajã dʉcaha. Cahma wajã nʉnʉ ti wahcãha tinare pʉ Obá wama tiri macapʉ. Tí maca sehe Damasco wama tiri maca yʉhdʉropʉ jiha. 16Tó sehe yoa, to bahʉro macʉno Lotere to ya jipihtiro mehne yʉhdʉ witichʉ yoaha Abrã. Tuhsʉ, numiare, mʉare tiro mehne ñahañorina cʉ̃hʉre yʉhdʉ witichʉ yoaha. Tuhsʉ, jipihtia pache ti yaca wahcãmari cʉ̃hʉre tjua na pahñonocaha.
Cohamacʉre dahra cohtariro sacerdote Melquisede wama tiriro Abrãre piti boca, tirore sini payoha
17Abrã tópʉ cahma wajãno sʉriro to majare tjua tachʉ, Sodoma macariro pʉhtoro sehe tʉ̃ yucʉri watoi jiri dʉhtero, Savé wama tiri dʉhteropʉ Abrãre piti bocaro sʉha. Mipʉ macaina sehe “Pʉhtoro ya dʉhtero” ni pisuca tí dʉhterore. 18Ã yoa pairo Melquisede, Salẽ wama tiri maca macariro pʉhtoro cʉ̃hʉ pãore, ã jichʉ se core naa, Abrãre piti bocaro sʉha. Tiro sehe Cohamacʉ Jipihtina Bui Ji Yʉhdʉrʉcʉ Sʉrirore dahra cohtariro, sacerdote jia tiha. 19Tiro Abrãre piti bocaro sʉro, õ sehe ni sini payoha tirore:
—Cohamacʉ Jipihtina Bui Ji Yʉhdʉrʉcʉ Sʉriro,
ahri yahpare, mʉano cʉ̃hʉre bajuamehneriro,
mʉhʉre noano wahachʉ yoajaro.
20Ã yoa tirore wahche payojihna mari.
Tirota jiri jira
mʉhʉre cahma wajã yʉhdʉrʉcachʉ yoariro
—ni sini payoha Abrãre.
To ã ni sini payochʉ tʉhoro, Abrã sehe Cohamacʉre ño payoha. Cohamacʉre ño payoro, Melquisede sehere paye baro to tjua naripere mahano, mahano waha.
21Ã yoa Sodoma macariro pʉhtoro õ sehe niha Abrãre:
—Ahri pache jipihtia mʉ tjua nari mʉ ya jijaro. Wiho mejeta yʉ masa pinihtare yʉhʉre wiaga —niha.
22To ã nichʉ, Abrã õ sehe ni yʉhtiha:
—Yawe, Jipihtina Bui Ji Yʉhdʉrʉcʉ Sʉriro, mʉano, ã jichʉ ahri yahpare bajuamehneriro to tʉhoroi cua pisaro mehne õ sehe nija: 23“Ne mʉ yare nasi yʉhʉ. Ne cʉ̃ria yutacã, ne sapato dʉhteri dare nasi, mʉhʉpʉ, ‘Yʉhʉ jihi Abrãre pache pʉro wahachʉ yoai’ niri nicʉ. 24Ã jicʉ cahmaeraja. Wiho mejeta yaina masa mʉsa chʉare ti chʉri pinihtare dohse yoa masieraca yʉhʉ. Ã yoa yʉhʉ mehne macaina, yʉhʉre cahma wajãdohorina, Maré, Escó ã jichʉ Aner cʉ̃hʉ pinihta ti cahmaare najaro” —niha.
Currently Selected:
Génesis 14: GVC
Highlight
Share
Copy
Want to have your highlights saved across all your devices? Sign up or sign in
Todo os direitos são reservados a:
©Missão Novas Tribos do Brasil
Rua Itália, Qd. 57 L. 5-7 – Santa Isabel
75083-310 Anápolis, GO
