Sofonías 3
3
Jerusalem saura daukanka bara atki sakanka ba
1¡Jerusalem tawanka tara,
mapara babura ba,
upla tataibra taki tâski takan ba,
sarka pali ai daukisa!
2Witin ba Dawan bîla baikra ba walan daukras sa,
ai saurka nani wina wapni takaia sin brin daukras sa,
witin ra kasak lukras kan,
ai Dawanka ra plikras kan.
3Wihta tara nani ba layan baku uhbisa;
wihta sirpi nani ba yul kraskira
plun dauki kan, wîna dusa sut pi ba baku sa,
yauhka dukiara dusa kum pan swiras.
4Ai dahra aisasarika nani ba,
saura daukisa kunin lâka ra;
ai prîska nani ba, Dawan lâka kriki
bara Dawan wal prawaia watla holi ba
bahki lâka ra daukisa.
5Sakuna Dawan baha tawanka tara bilara sa;
witin yamni baman daukisa,
saura lika apia.
Titan bani ai piua kat
ai lâka ba bapisa,
ban sakuna, saura dauki nani ba
ai swira lâka ba tânka sin briras.
6Dawan kasak aisisa:
“Yang nisan nani ba âpu daukri,
tawerka nani, tawanka kutbanka nani ba
sin slingbi âpu daukri,
bara tawanka yabalka nani bîla ba,
upla iwras yabalka daukri.
Upla kumi sin bâk lui waia apia daukri.
¡Tawanka tara ba bîla man swin,
upla kumi sin bâra âpu!
7Yang klala yabri ba mita lukri:
‘Jerusalem ba yang ra siaibribia
bara watawi dauki ba mahka swibia;
baku yang bui witin nani slingbi sauhkaia apia kapri.’
Sakuna witin nani kau istikira saura lâka sâtka nani sut ba daukan.
8Baku ba mita, man nani baha yua bîla kaiks,
yang bui man nani mampara aisaia kamna ba.
Yang, Dawan, kasak aisisna:
Pat kupi wal aisari,
nisan nani sut, king tasbaya nani sin sut asla dauki,
lawanki ba witin nani purara laikamna,
kupi baiwanka laptika ba.
¡Kupi baiwan pâta klauhanka ba wal,
tasba aiska ba sauhki swimni!
9“Baha yua ba balbia ba ra,
upla nani ba kasakka tânka bîla nani baman aisaia daukamni,
bara upla sut yang ra ai pura sunbia,
upla sut kumi baku warkki daukbia.
10Upliki nani Etiopía awala baila wala ra yakaban nani ba,
baha wina prisantka nani brih,
ai pura suni bri sal aikbia.
11Baha piua ra, tawanki, man lika yang maipara bûi
diara saura nani daukram ba, baha dukiara
man nani swiram lukma apia.
Man nani tilam wina prautkira pura luan dauki nani ba sakamni,
bara yang ilki holikira ra,
man nani kli pura luan lâka daukma apia.
12Upla bawikira, ai lukanka ra umpira nani ba, tilamra swimna,
yang nini kat luki ai kasak lukanka ba mangki bribia.
13Israel luhpia nani pruras kan ba,
witin nani diara saura daukbia apia,
kunin sin aisabia apia;#Par M 14.5.
ai bîla kunin lâka ni banhki kabia apia.
Upla kumi ra sin sibrin lukras
ai pata pi ris bri kabia.”#Law 23.2-4; Isi 34.13-16.
Jerusalem lilia taki aiwanaia lawana
14¡Saion tawanka tara, aiwans!
¡Israel luhpia nani,
bîlam baikra liliakira wini bin dauks!
¡Jerusalem uplika, liliam bas,
kupiam aiska ni liliam bas!
15Dawan pât ra mai lakaia mampara aisin ba kli swin,
bara waihlam nani ba kangbi sakan. tilamra sa;#Sak 9.9.
Dawan, Israel kingka, man nani
bara diara saura kumi sin sîa yama apia.
16Baha piua ra Jerusalem uplika nani ra wibia:
“¡Saion uplika nani, si bripara,
wark taki bas!”
17Dawan, man nani Gâdkam,
man nani tilamra sa.
¡Witin karnika sut pali brisa,
bamna swaki mai sâkbia!#Ais 12.2.
Dawan ba man nani dukiamra ai âuyapah kabia.
Ai latwanka lâka ni upla raya mai daukbia;
bara witin ai liliakira aiwanbia
18lilia tara dauki yua ra aiwani ba baku.
Dawan kasak aisisa:
“Swiram dauki saura mai munaia luki ba wina,
dakbi mai sakamni,
swira lâka nani puramra kahbi ba wina sin.
19Baha piua mai taibi bri nani sut ba mapara buamni.
Sîpki prutwi nani ba tâ baikamni,
bara aimawahki nani ba sin asla kukamni;#Ais 40.11; Isi 34.11-16; Miq 4.6-7; Jn 10.7-16.
tasba aiska ra witin nani ai nina ra
yamni kulki mayuni aisaia daukamni
bahki kulkan kan lâka ba wina.
20Baha piua ra, man nani sut kli mai bri balamni,
asla mai daukamni.
Tasba ra upla nani sut bâra ba tilara
man nani iwankam natka ba lakamni
yamni mai kulkaia ra,
bara kulkanka yabamni
bara rispikka lâka sin.#Bla St 12.2-3; Sak 10.8-12.
Yang, Dawan, baku aisisni.”
Currently Selected:
Sofonías 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
