Sakaraya 1

Dawan winisa witin ra kli tawi balbia

1Darío mani kumi king aimakan ba ningkara, kati matlalkahbi pura wâl aimakan ba ra, Dawan mita naha bîla nani prapit Sakaraya ra#Esd 4.24—5.1; 6.14; Nih 12.16. aisin. Sakaraya, Berequías luhpia, ai damika nina Idó. Witin ra naku win:

2“Karnika sut brisna Dawanka, yang bui man nani damikam nani mapara uya kupi sauhkri. 3Bahamna nanara, yang bîli na upla nani ra wis: ‘Yang ra kli tawi bal, bara yang sin man nani ra tawamna.#Ais 55.7; Mal 3.7. Yang, Dawan, kasak aisisna. 4Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna. 5¿Sakuna nanara damikam nani kata ba anira sa? Witin nani prapit nani ba sut pat pruan sa, ¿ban apia? 6Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Aras âiulra nani diara lilka aihka kaikan ba

7Darío mani kumi king aimakan ba ningkara, kati matawalsip pura kumi, Sebat kati, yua 24 aimakan ba ra, yang, prapit, Sakaraya, Berequías luhpia, Idó mulika, naha bîla nani Dawan bui yang ra ai win. 8Tihmia kum naha lilka aihka kaikri: Waitna kum aras pauni ra uli kan; witin il bîla langnika kumi ra takaskan kan, tangni nani pâwi kan ba tilara, bara baha ninara aras wala nani sin bûi kan, tila taya pauni, taya sai, pihni sin kan.#Sak 6.2-3; Par M 6.2-4. 9Yang makabi walri: “Dawanki, ¿aras uli nani ba ya nani?” Bara insal yang wal aisi kata ba pana ai win: “Yang mai wimna, witin nani ba ya nani sa.” 10Bamna tangni nani tilara kan ba mita naku aisin: “Naha nani sika, Dawan bui blikan tasba aiska ra watauki kaiki kaia dukiara.”

11Bara aras âiulra nani ba mita, Dawan insalka tangni nani tilara bûi ba ra naku win: “Yang nani tasba aiska ra wataukri, bara tasba ba lamni, bin âpu kaikri.” 12Bamna Dawan insalka naku win: “Dawan, man karnika sut alki brisma ba, pat mani 70#Jir 25.11; 29.10; Sak 7.5. Jerusalem bara Juda tawanka nani mapara kupiam baiwanka brisma. ¿Ahkia kat man bui kli witin nani ra umpira kaikma ki?”

13Dawan pana baha insalka, yang wal aisi kan ba ra maisa nihkaia bîla yamnikira nani ni aisin; 14bara baha ningkara witin ai win, yang naha bîla naku aisamna: “Karnika sut bri ba Dawanka ba, naku aisisa: ‘Yang lika Jerusalem ra latwan pali kaikisni, Saion ilka ra sin. 15Baha tâwan kupi kasak baiwan, baha lukras uplika kiamka nani ba mapara, kan yang na wiria man kupi baikri ba ra, baha nani mita saurka ba kau tara daukan. 16Bahamna, yang Dawan sna ba, naku aisisna: Yang kupi pihni lâka wal Jerusalem ra kli tawi kaikuna; bara tempel bara tawan aiska ba sin kli paski daukamna.’ ”

17Baha purkara, insal sin ai win naha na latan aisamna: “Karnika sut bri ba Dawanka, naku wisa: ‘Yang tawanki nani kli yamni pali taki kabia; Saion ra kli maisa nihkaia sna, bara Jerusalem ba bâk saki brisna, tawan baku kli kulkaia.’ ”

Bîp aringka lilka aihka kaikan ba

18 #Naha borska nani 1.18—2.13 na bors. wala 2.1-17 ra kli baku ulban sa, baku Hibru nani ulbanka baku sa. Diara aihka wala lilka kaikri, bara bîp aringka walhwal lilka mairikan kan. 19Bamna insal yang wal aisi kata ba ra makabi walri, aringka nani ba dîa tânka sapa, bara witin ai win: “Baha aringka nani ba sika, baha uplika karnakira nani ba, witin nani mita Juda, Israel, Jerusalem uplika nani sut, tasbaya wina kangbi sakan bara tasba aiska ra wan ba.”

20Baha ningkara, Dawan kli upla walhwal ayan ni diara paski ba lilka mairikan. 21Yang makabi walri: “¿Baha nani dîa daukaia bal takan?” Bara witin pana ai win: “Witin nani balan ba sika, nisan nani ba tayahki batakaia, witin nani mita Juda uplika sut ra rausauhki, tasbaya wina kangbi saki tasba aiska ra yakaban ba ra, pana witin nani ra sin baku munaia.”

Currently Selected:

Sakaraya 1: MSKTU

Highlight

Copy