Aiseya 28
28
Sameria ra maisa pakan ba
1¡Alai pali kabia Sameria,
Efraín prautka lâka bara kraunka ba,
tangnika painkira pranakira ba srawan,
baha il plahpia laih purara bâra kan ba,
bara wain di lal saura takan ba!
2Kaiks Dawan nâra brisa,
waitna kum karna pali,
pâsa baku karnika brisa,
lî diara sauhkaia auhi ba baku,
kauhla pâsa krawi ba baku karna sa,
lisamra dingkaia laya auhi ba baku sa,
lisamra tara aubrika karna platukbi ba baku sa
karnika ba wal tasba ba sauhkisa.
3Bara ai mina ra taibia,
praut lâka nani ra bara kraun ra,
baha Efraín tawanka dadira nani ba.
4Bara tangni srasrawra painkira
baha il plahpia pura prana ba,
tâura kwah mâ nani alkan ba baku kabia,
ani uplika pas baha kaikuya ba,
mahka ai mihta ra alki pibia.
5Baha yua ra karnika sut bri Dawanka ba,
ai uplika kau tâka swin ba kraunka pranakira aimakbia,
yamni kulkan kraunka pranakira ba baku kabia;
6lâ kasak daukaia spiritka yabia
wihta nani lâ dauki bara
suldiar nani ra sin
kupia karna daukbia tawan ba kan kahbaia.
Jerusalem ra maisa paki pramis takan ba
7Baha nani wain di pirwi tauki ba,
wain karna piawi kisni taki ba di pirwi ai ninara wapi ba:
prîs nani, prapit nani sin
dih baku dauki ba;
witin nani sut bla taki sinskas taki ba;
wain karna di ai mina ra wapi ba,
diara aihka kaikan ra sin pirwi kan bara bla sa,
lâ daukan piua ra.
8Ai tibilka purara aikaban tâskika wan âuya warbisa
bara pliska kum sin klin âpu sa.
9Witin nani ba yang wina walan wisi
daihra aisi si, bara wisa:
“¡Yawan ra aula smalkan wankaia,
wan smalki wan marikaia!
¡Yawan na tuktan lupia bamna,
10bara aisi kaikaia namika ra lan taki ba;
a i u#28.10 Bahara ulban ba Hibru aisi natka kat, upla bla twisa mangki kakahwi sip pain aisaras ba tnata luki aisin bîla ba, prapit dahra aisin bîla kum upla sip tânka briras ba. aisi kaiki ba baku!”
11Bamna aitani, witin nani ra
un briras kabia kaka,
bîla tringsar ra blaki aisinka baku kabia
Gâd mita naha uplika nani ra baku aisabia.
12Gâd upla nani ra kainara pat win kan:
“Nahara sa wan riska ba,
swapan nani ba ris bribia.”
Sakuna witin nani baha walaia apia win.#2 Ko 14.21.
13Baha mita Dawan bui witin nani ra aisabia
tuktan sirpi nani ra baku,
namika ra aisi kaikaia lan taki ba;
witin nani wapbia bara kauhbia ba ra,
insauhkan kabia,
mina alkaika ra dimbia,
bara bahara takaskbia.
14Bahamna man nani kakikra,
upla mina pruki nani
Jerusalem ra uplika nani wihtka aimakisma ba,
man nani bui Dawan bîla na wals.
15Man nani lika naku aisisma:
“Yang nani prura wal lâ daukri,
prura kingka tasbaya wal sin lâ daukri
sari lâka klalka balbia ba ra,
yang nani ra ai alkbia apia;
kumi lâka ra yukuwaia plikisni,
kunin ai muni bara yukuwaiki daukri.”
16Baha mita, Dawan ba naku wisa:
“Saion ra walpa kum mangkamni,
walpa kum mana tara pali bâk saki briri ba,
walpa pas, sut wihtka ba,
baha purara mâki kaia walpaya ba,
ya witin ra kasak luki ba
ai âuyapah kaia sip kabia.#Law 118.22-23; Ro 9.33; 10.11; 1 Pi 2.6.
17Baha watla mâkaia lâka ba ni
kulki kaikaia kiwka daukamni,
watla mâkaia ba
wapni mâkaia sakaia dukiara.”
Kunin aisaia lâka ra,
man nani yukuwaika wantka briram ba
baha slingbamni,
lî klaswan awi ba bara lî aubra mita
yukuwaika watla ba aubi brih wabia.
18Man nani prura wal lâ daukram ba bahki ra lakan kabia,
bara man lâmka ba, prura kingka tasbaya ba wal bahki ra tawbia.
Klala saura balbia bara man nani puramra taibia.
19Aima an taim balbia
sut witin nani ra raski brih wabia,
titan bani bal lubia,
kakna ra bara tihmia ra sin.
Aula ba sturka baman wali bara pat tatatwi kabia.
20Krikri sirpi kum ra aitniki sip ai mina sakbras ba baku,
pura bikaika bîla sirpi aiblakwaia sip apia ba baku.
21Kan Dawan aiklabia
Perasim ilka ra#2 Sa 5.20; 1 Kr 14.11. aiklaban ba baku,
Gabaón#Jas 10.10-12. ilka bîla ra aiklabi kan wih kaikan ba baku,
ai warkka ba daukaia dukiara,
ai warkka aihkakira ba,
warkka daukaia win ba yaka daukaia,
ai warkka aihkakira ba daukaia.
22Bamna, ¡nanara man nani,
upla mina praprukra lawaska kakikra nani kapara!,
mai priskanka nani ba kau karna mai taibaia apia.
Kan sauhki tikaia karnika sut bri Dawanka ba wina yang walri,
pat luki kaikan sa kuntri aiska purara daukaia ba.
23Man nani wals: Yang bui man nani ra aisisna ba wals;
bîli aisinka nani ba, man nani aman wals:
24Insla mamangkra kum mangkaia auya bara
yu aiska ra tasba tukbi yu dimras,
apia kaka tasba baiki, apia kaka tasba aubi.
25¿Baku daukisa apia,
tasba pura ba sut ridi daukan ba ra,
eneldo saumukka ba mangkisa
apia kaka kumin saumukka ba sin mangki,
baha ningkara barli mâ nani ba sin lainka ra mangkuya,
insla un ra utmil sin,
saumuk wala nani sin mangkisa?
26Gâd mita smalkisa,
witin ra sin marikisa nahki daukaia ba.
27Eneldo ba taya sakaika ra mangkras,
karita wilwaika ba sin kumin mâ purak karbi lukras;
ban sakuna dus kum ni eneldo ba drusban,
kunin ba sin dakbaika dusa ni dakban.
28Plawar ba taya sakisa,
sakuna takaskras taya saki kabia apia;
ai karitika wilwaika ba ni mâ ba akbras,
taya sakaika napa ba ni sin mâ ba krikras.
29Karnika sut bri Dawanka ba sin
ai warkka ba baku daukisa.
Witin ai warkka daukaia natka nani sut aihkakira nani brisa,
sins tânka tara nani ni warkka nani ba sut daukisa.
Currently Selected:
Aiseya 28: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
