Abakuk TÂ BÎLA NANI
TÂ BÎLA NANI
Abakuk naha dahra nani aisin, mani 600 Kraist naha tasba ra kau balras kan ba kainara, Babilon uplika nani karnika tara alki bri kan ba piua ra.
Babilon uplika nani, Asiria nani ba wal aiklabi pura lui kan. Nahum baha dahra aisi kan. Babilon uplika nani ba, Ninibi uplika nani pura luan ba ningkara, king aimakaia karnika tara alkan. Ai suldiar nani ba, Asiria suldiarka nani baku upla ra rausasauhkra pali kan.
Nahum ba Ninibi kauhaia ba dukiara dahra aisi kan kaka, Abakuk naha trabilka tara aula ba dukiara tâ iwi lukisa, ai dahra walan bâk sakan uplika nani ba, saurka lâka ra kauhan kan ba witin pat ai dara wali kan, Babilon uplika nani ba mita witin nani ra klala yabia ba. Witin nani ai âuyapah lilia apia kabia ba piua ra pât ba bal alkbia; baha mita witin nani Job dukiara luki ai kupia kraukbia, Dawan ra sin ai pura suni kaia dukiara kupia krauki kan. ¿Dawan ba nahki pali baha warkka aihka ba daukaia adarka upla ra yabisa? ¿Babilon uplika nani dauki ba dukiara, witin luki kaiki ba ra, Dawan ba sunu sa kaka, nahki baha sât uplika saura nani ba wal ban ai kupia alki takaski pât wahwisa? (sapta 1). Bara Dawan pana witin ra win: “Kupiam alki takaski, yang ra lukankam ba mangki bri bas. Baha wapnika daukaia ba piua pali kat aimakbia, yang luki kaikamna baha yua ba yabrika bal aimakaia, bara witin pali ai mana briaia ba bribia. Watawikira nani ba sauhki tikan kabia; Dawan ra kasak luki nani ba kasak lukan lâka ba tâka mita pruras ban raya kabia.” (sapta 2). Sapta 3 ba pura sunra kum, witin lawana aiwani ba natka ra ai pura sunisa, Dawan tara pali ba nina mayunisa, kasak lukanka karna kitwi waras bara ban bapi bûi ba tânka aisisa.
Currently Selected:
Abakuk TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua