Blasi Sturka 36

Isau kiamka nani ba

(1 Kr 1.34-54)

1Isau nina wala ba Edom, kiamka nani ba naha nani sika. 2Isau ba Kenan#Bla St 26.34. mairka nani wal ai maya takan: Elón hitita luhpia mairin Adá wal ai maya takan ba; Aná, Sibón mulika heveo ba luhpia mairin Oholibamá wal sin ai maya takan ba, 3Basemat, Ismael luhpia mairin Nebaiot#Bla St 28.9. lakrika ba wal sin ai maya takan. 4Isau Adá wal Elifaz baikan. Isau Basemat wal, Reuel baikan. 5Bara Oholibamá wal baikan ba Jeús, Jaalam bara Coré. Naha nani sika Isau luhpia waitna nani ba, witin Kenan tasbaya ra iwi kan ba piua ra naha nani bahara aisubi takan.

6Bara Isau ai maya nani ba brin, ai luhpia waitna, ai luhpia mairin nani, bara ai uplika nani sut witin aikuki bahara iwi kan nani ba sin. Baha wina taki tasba wala ra iwaia wan, ai muihni Jekob wina dakwi takaia dukiara. Ai daiwra bara ai dukia nani sut Kenan wina bri balan nani ba brih taki wan. 7Witin nani wâlsut ba ai yuyaka ailal bri kan bamna, bahara tasba sirpi ra aikuki asla iwi kaia sip apia kan. Baha purkara, twi ailal âpu kan daiwan nani sut pata pain yabaia. 8Baha ba mita sika Isau nina wala Edom mâkan ba, witin baha wina mahka taki wan Seír tasbaya ra, il walpa nani tilara iwaia.

9Naha nani sika Isau kiamka nani ba, Edom aisika almukka nani ba, Seír tasbaya il nani tilara iwi kan ba. 10Isau luhpia nani nina ba: Adá wal baikan ba nina Elifaz, Basemat wal baikan ba nina Reuel. 11Elifaz luhpia waitna nani nina ba: Temán, Omar, Sefó, Gatam bara Quenaz. 12Elifaz ai lila mairin kumi bri kan nina Timná; bara witin sin Elifaz luhpia kum baikan bara nina ba Amalec mâkan, naha nani na, Adá Isau maya kumika ba kiamka nani ba. 13Reuel luhpia waitna nani ba: Náhat, Zérah, Samá bara Mizá. Naha nani na Isau maya wala Basemat kiamka nani ba. 14Bara Oholibamá sin Isau maya mairin wala yumhpika ba. Witin sin ai luhpia nani baikan bara baha nani nina ba Jeús, Jaalam, bara Coré. Oholibamá yaptika nina Aná, kukika nina Sibón.

15Isau kiamka nani tilara, kiamka nani wihta aimaki nani kan ba nina nani ba naha nani sa: Isau ai maya Ana wal ai tawahkia baikan ba nina Elifaz. Muihnika nani ba Temán, Omar, Sefó, Quenaz. 16Coré, Gatam bara Amalec, baha nani sut ba Edom tasbaya ra, Elifaz lainka ra ai kiamka nani ba pura wihta aimaki kan. 17Isau ai maya wala Basemat wal baikan ba nina, Reuel, witin ai lainka ra muihnika nani ba: Náhat, Zérah, Samá, bara Mizá. Naha nani Basemat kiamka nani ba purara wihta aimaki kan, Reuel lainka ra. 18Isau maya yumhpika ba Oholibamá, Aná luhpia mairin ba. Ai kiamka nani purara wihka nani kan ba, Jeús, Jaalam bara Coré. 19Naha nani sut ba Isau nina wala Edom witin ai kiamka nani atia kan. Baha nani ba witin nani ai masraka nani ba purara wihta aimaki kan.

20Seír, Hor uplika nani ba, luhpia nani: Lotán, Sobal, Sibón, Aná, 21Disón, Éser bara Disán. Naha nani sika Seír kiamka nani, blasi witin nani Edom tasbaya ra iwi kan ba. Witin nani sin ai kiamka nani ba pura wihtka nani kan Edom ra. 22Lotán luhpia waitna nani kan ba: Horí bara Hemam. Lakrika kum kan ba nina Timná. 23Sobal luhpia waitna nani kan ba: Alván, Manáhat, Ebal, Sefó bara Onam. 24Sibón luhpia nani ba: Aiá bara Aná. Aná sika lî kârma nani pliki sakan ba upla iwras tasbaya ra, witin ai aisika Sibón birikuka nani twi ra main kaiki kan ba yua nani ra. 25Aná ai luhpia nani wâl baikan. Ai luhpia waitna ba nina Disón, ai luhpia mairin ba nina Oholibamá. 26Disón luhpia nani ba nina: Hemdán, Esbán, Itrán bara Querán. 27Éser luhpia nani ba nina: Bilhán, Zaaván bara Acán. 28Disán luhpia nani nina ba: Us bara Arán.

29Hor uplika nani, tâ uplika kan nani ba nina nani: Lotán, Sobal, Sibón, Aná, 30Disán, Éser. Naha waitnika nani ba Hor uplika nani wihtka aimaki kan. Witin nani bani ba, wihta kum aimakan ai taya nani ba tilara Seír tasbaya ra.

31Naha waitnika nani ba, Edom tasbaya ra king aimaki kan, Israel luhpia nani kau ai kingka mangki briras kan ba kainara. 32Bela, Beor luhpia waitna kan ba, Edom kingka aimaki kan, ai tawanka nina ba Dinhaba mâkan. 33Bela pruan ba ra, witin ai watlika ra, Jobab king aimakan; Zérah luhpia ba, witin Bosrá tawanka wina kan. 34Jobab pruan ba ra, witin ai watlika ra Husam king aimakan; witin Temán tasbaya wina kan. 35Husam pruan ba ra, witin ai watlika ra Hadad king aimakan; Bedad luhpia waitna ba, witin sika Madián uplika nani wal aiklabi pura luan Moab twaya ra. Witin ai tawanka ba, Avit wina kan. 36Hadad pruan ba ra, Samlá witin ai watlika ra king aimakan, Samlá ba Masrecá tawanka wina kan. 37Samlá pruan bara ai watlika ra, Saúl king aimakan; witin ai tawanka ba Rehobot wina, awala lamara iwi kan. 38Saúl pruan bara watlika ra, Acbor luhpia, Baal-hanán king aimakan. 39Baal-hanán pruan ba ningkara, Hadad king aimakan, witin ai watlika ra. Ai tawanka nina ba Pau; ai maya nina ba Mehetabel. Mehetabel yaptika nina Matred, bara ai kukika nina ba Mezaab.

40Naha waitnika nani na sika, Isau masraka wina bal takan, nina nani ba. Bara ya kiamka wina sahwan ba, tawanka nina nani sin: Timná, Alvá, Jetet, 41Oholibamá, Elá, Pinón, 42Quenaz, Temán, Mibsar, 43Magdiel bara Iram. Naha nani na Edom masraka nani tilara, pura aimaki kan, ai tasbaya, ai tawanka nani ra. Isau nina sin Edom mâki kan, bara naha waitnika nani ba Edom wihtka nani aimaki kan, ani ani ra witin nani ai tasbaya nani bri kan ba purara.

Currently Selected:

Blasi Sturka 36: MSKTU

Highlight

Copy