Epesus TÂ BÎLA NANI
TÂ BÎLA NANI
Naha wauhkataya tâ bîla tihuka ba lika, Gâd ban kaia lukanka marikisa, naha tasba ra paskanka sut bâra ba, Kraist karnika ra kumi ra asla prakaia, baha yua balaia win ba baila ra. Gâd ya ai uplika nani ba ra param marikisa, naha lukanka na upla wala ra param sakras prakan ba. Bara witin ra luki, Gâd uplika nani ba, aitani sa asla Kraist ra iwan kaia; yabal kumi bâk baman, upla sut ba asla lâka ra brih wabia.
Tâ sakaia bîla ba kau prahni sa wauhkataya wala nani ba wal (1.1,2); ningkara ulbanka na baikanka tara wâl brisa: Pas ra (1.3—3.21), aisisa asla kaia lâka ba, nahki Gâd ai uplika nani ba bâk saki brin, nahki pâtka swih tikan bara pri sakan saurka lâka wina, ai Luhpia Jisas Kraist bâk mika; bara nahki pali tara sa Kraist latwanka lâka ba.
Baikanka wâl ba (4.1—6.20), kli kupia kraukisa Spirit Holikira ra asla kaia, rayaka raya Kraist ra briaia bara nahki Gâd luhpia nani ba watauki kaia. Prakaia ra (6.21-24) maisa pakisa, bîla twilki uplika kum blikuya, Tíquico.
Tânka yumhpa ra marikisa kasak lalukra nani asla kaia lâka ba, wîna tara bara serts wal lalka ba Kraist sa; watla paskanka bara serts ba, Kraist wal walpa paskanka kum baku sa, marit lâka bara serts wal, Kraist maritka. Kraist latwanka dukiara aisi ba ra, Gâd ra mayunra tara yabisa (3.20,21). Kau prakras ba ra smalkisa bapi buaia bara kupia sin karna kaia, baha ba spirit tani aiklabaia dukia kum sa, kristian nani ba; baha yua ra aiklaklabra nani aiklabaia dukia sât bri kata wal prakan sa (6.10-20).
Currently Selected:
Epesus TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua