2 Macabeo 5
5
Jasón pruanka ba
1Baha piua nani ra, Antíoco ba aima wala kli Idsip tasbaya ra dimi waia ridi taki kan. 2Bara yu 40, witin ai nakra ra kaiki kan, tawan bîla bâk upla nani ailal aras ra uli, ai lama prakaika ba gul wal paskan, rakska nani ai mihta ra brih bara sin ai isparka nani watlika wina saki ridi pali bri kan, asla takan kan dakni ra, bara pâsa purak pâli tauki kan witin kaiki kan; 3aras pura wina aiklabi dakni tara nani war aiklabaia natka ra, ridi takan ba tani ailal ra ai rakska bara langsika ailal bri kan ba buki, bin tara nani dauki kan. 4Bara witin nani sut asla Dawan ra makabi kan, naha sainka nani kaikan ba tawan purara diara kum pain takbia dukiara.
5Tawan bilara sturi bahki kum bukan Antíoco ba pruan wisi, bara Jasón ba#5.5 Jasón: cf. 2 Mac 4.7-10,26. witin waitna nani 1,000 lama pitka asla dauki brih, upla ra maisa pakras, tawan ba mapara aiklaban. Lâs kat kutbanka tara nani kaina suni kan uplika ra kangbi sakan bara Jasón tawan ba mihta dakbi brin, bara Menelao lika baha bîla kat yukuwan kata. 6Jasón baha tawanka ra diman taim, ai kupia lukras pali ai tawanka uplika nani ailal ra nana dakbi ikan kata, witin ai tânka briras kan ai uplika nani ba lus tiwanka tara nani bri ba, bara Jasón luki kan baku dauki ba ra, ai waihla nani ra sauhki tikisa. 7Ban sakuna, sip pura lui karnika alkras munan, ai saurka mana ba lika swira lâka baman kan kaiki kli plapi, Amón tawanka ra witin yukuwan kata. 8Ai daukanka saura pali bri kan ba tâka, lâs kat saura pali takaskan kata, Arabia wina nani lalka tara Aretas mihta ra silak ra kauhan ba ningkara, tawan nani ailal ra plapi yukuwan; upla sut bui ai nina bliki kan, lâ pura luan ba tâka misbara kaiki kan, ai kuntri ra saura mamunra baku kaiki kan, bara lâs kat Idsip tawanka ra wih takaskan kata. 9Witinka, upla ailal ra ai tasbaya wina kangbi sakan ba baha nani tasba tringsar kat wih pruan, kainara luki kan Lacedemonia ra waia, bahara plis kum saki yukuwaia dukiara, tingki wisa Lacedemonia uplika nani Ju nani wal asla kan bamna.#5.9 1 Mac 12.7. 10Naha waitnika upla nani ailal ra ikan, bikaia pliska sin âpu swi kan ba, witin pruan taim upla kumi sin ai pura mata inras kata; pruan ba kulkanka sin yabras kan, bara sin anira bikaia pliska sin sakras kata.
Tempel ra dimi implikan ba
(1 Mac 1.16-28)
11King ba naha sturka walan taim bara witin ban lukan, Judia uplika nani ba ai mapara buaisa. Bara daiwan wail kraskira nani baku Idsip wina takan ai war daknika kwâra kira, bara Jerusalem tawanka ra diman bara aiklabi dakbi brin kata. 12Bara ai war daknika nani ra adar yaban, upla sut wal prawbia ba latwan saura yabia, baku sin ani uplika nani utla ra dimi yukuwaia trai munbia ba, alki nana dakbi ikbia win kata. 13Upla watlas ikan, wahma, tiara, almuk nani, mairin bara tuktan sirpi nani sin ailal ikan kata, tuktan mairin tiara nani ailal sin nana dakbi ikan. 14Yu yumhpa bilara baman upla nani 80,000 ikan kata: 40,000 ba alki ikan, 40,000 wala ba alba baku atkan wan kata.
15Naha dukia saura nani daukan ba wal, king ba aitani ai dahra walras kan, bara tasba aiska ra tempel kau kulkanka tara bri ba ra diman; bara Menelao lâ pura lui witin bahara dimaia tâ brin kata. 16King ai mihta sunu apia ba wal tempel bilara kâp holikira nani ba alkan, baku sin king wala nani diara nani ailal bri si tempel mayunra daukaia wisi swin kan ba implikan kata.
17Antíoco ba aimayunra tara bri kan, sakuna ai tânka briras kan Jerusalem ai saurka daukan ba tâka, Dawan ba piua wiria kum ai kupia sauhkan kan#5.17 2 Mac 6.12-16; 7.16-17. bara tempel holikira ba ai âuya tikan baku mariki kan. 18Ju nani ba ai saurka ailal daukras kan sa kaka, Gâd bui Antíoco ra kaina wina klala yaban kaia kan, baku ba ra ai karnika nani mariki kan ba sut krikaia kan, Heliodoro ra munan baku, witin ra sika king Seleuco bui tempel ritska tânka turbi kaikaia blikan kata ba. 19Dawan ba upla nani ra wahbi briras kan tempel ra latwanka ba dukiara, sakuna tempel ra latwan kaiki bamna, upla nani ba wahbi brin kata. 20Baku ba mita, tempel ba upla nani bui saura pali munan, dîa yamni nani bri kan ba sut implikan, sakuna kli ban swin kata, kan Dawan ba ai kupia sauhkan tâka, kuna kli naha tempelka ba raya paskan, dîa ai prana nani sut bri kan ba wal, Gâd bui witin bahara kli ai kingka lâka brih balan ba wal.
Jerusalem ra upla ailal ikan ba
(1 Mac 1.29-40)
21Antíoco ba tempel bîla wina 60,000 kilo nani prais silbar brih wan ningkara Antioquía ra isti pali wan, aimayunra tara bri ba ra kasak luki, ban sin luki kan duri tara nani ba yaka tasba purak plapaia, bara upla nani ba kabu purak yaka wapaia. 22Ban sakuna, aiklaklabra lalka nani swin kata, Ju nani ra ban saura muni kabia dukiara. Jerusalem ra lika Filipo ba swin,#5.22 Filipo: 1 Mac 6.14 ra bara 2 Mac 9.29 ra mâki ba apia sa. witin ba Frigia wina, bara witin lika ai wihtka purara kau lukanka saura bri kata. 23Guerizim ilka ra lika Andrónico ra swin, witinka wal Menelao ba sin swin kata, naha ai uplika nina blablikra pali ba. Naku king ba param mariki kan nahki pitka kat Ju nani ra misbara kaiki kan ba, 24bara Apolonio ra wahbi saki blikan wan,#5.24 1 Mac 1.29. Misia ra upla âikra nani lalka ba, war daknika nani 22,000 aikuki, naha nani adar kum brih auya kan waitna almuk nani sut nana dakbaia, mairin nani bara tuktan nani ra atkaia. 25Jerusalem ra dimi wan taim, Apolonio ba upla kum pain baku daukanka marikan bara ris yua holikira ba bîla kaikan; bara Ju nani sut ai riska bri kan sanska ra, ai suldiarka nani ra adar yaban yabal bîlak marts muni wapi banhbia dukiara;#5.25-26 1 Mac 2.34-41. 26ya nani sut baha suldiarka nani marts muni ba ra taki kaikbia ba baha kat iki kan, baku bamna tawan bîla aiska ba wapan bara upla nani ailal pali ikan kata.
27Sakuna Judas Macabeo ba, waitna nani matawalsip asla daukan bara twi langni kum ra taki wan,#5.27 1 Mac 2.27-31. Cf. Dn 11.30-33. baha pliska ra ai pânika nani aikuki daiwan baku bâra kan, baku bamna sunu kaia dukiara twi baman pi kan.#5.27 1 Mac 1.62-63.
Currently Selected:
2 Macabeo 5: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua