1 Jan TÂ BÎLA NANI
TÂ BÎLA NANI
Smalkanka aiska ba sika latwan lâka tânka dukiara aisisa, Gâd tânka kasak ba marikanka baku. Kan Gâd ba “latwan lâka sa”, baha nani ai muihni ra latwan kaiki nani ba baman, Gâd kasak lâka ba kaikisa. Param kaikisa, âiulbra ba kunin smalkanka wal mapara brukwi aisi ba; tasba ra diara nani sut bâra ba saurka bahara sa, baha mapara aisan sa, Timoti ulbanka wauhkataya pas ba ra, Jisas Gâd Luhpia ba, witin kasak pali upla takras kan, bara swak takan lâka ba naha tasba wal diara âpu kan, bara upla dukiara sin, baha ba Gâd sinska lâka yukuwan ra ba, kunin lukanka Pal wauhkataya ra mapara brukwi aisan ba.
Kli mapara aisisa ingni bara tihmia ba wal tânka dukiara baha piua Juka nani mapara smalkanka lalka kum kan, kristian nani ra smalki kan “ingni ra iwi kaia”, kan Gâd ba ingni sa (sapta 1). Sapta 2 ra tâ kriki aisisa wan muihni aikuki latwan lâka ra iwaia, bara maisa pakisa Kraist mapara babura tara nani bal takan tânka ba, bara witin nani lika Jisas Kraist ba Gâd apia wisa, baku aisi nani ba kuninkira nani sa, baha smalkanka kaikaia sip sa; 4.1-6. Gâd luhpia nani daukanka ba sika latwan lâka, bara kristian rayaka ra pâwi kaia tânka ba Jisas Kraist kat kasak lukaia, Gâd lâka bîla nani ba wali daukaia bara pana pana wan walka wal latwan kaikaia (sapta 3; 4.7-21).
Wauhkataya ba prakisa, kasak lukan lâka ra pura luanka kum aisi, bara sins tânka kum kum lâs mariki wal (sapta 5).
Currently Selected:
1 Jan TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua