ŴaLevi 1
1
Mipasku yakocha
1Ambuya angudana Mosese ndipo angurongoro nayo kutuwa mu hema lakuwunganamo, anguti, 2“Ukambe ku ŵaYisraele, ndipo uŵanene kuti, penipo munthu yose waku imwe watuza ndi mpasku ku Ambuya, uŵe wa ng'ombe yakutuwa ku miskambu.
3“Asani mpasku wake ndi mpasku wakocha wakutuwa ku mskambu, wakaperekanga yinthurumi yambura kalema, wakayiperekiyanga pa khomo la hema lakuwunganamo, alinga kuti walondereke paurongo pa Ambuya. 4Wakalarikanga janja lake pa mutu wa mpasku wakocha, ndipo ukarondekiyanga iyo kuŵa wakumuŵeyerere. 5Ndipo wakabayanga nkhuzi yo paurongo pa Ambuya; ndipo ŵana ŵaku Aroni ŵazukuru wo, ŵakarongonga ndopa zo, ndipo ŵakawazganga kwakuzunguliya uku ndi uku pa jochero la sembe lo le pa khomo pa hema lakuwunganamo. 6Ndipo ŵakafuŵanga nkhuzi yo, yakuperekeka ndi yakudumurika vipikita-vipikita; 7ŵana ŵaku Aroni mzukuru ŵakaŵikanga moto pa jochero, ndi kuŵikapo nkhuni kwakululika pachanya pa moto, 8ndipo ŵakalalikanga vipikita, mutu, ndi mafuta mu mululiku pachanya pa nkhuni zo ze pa moto pa jochero lo; 9kweni vya mukati mwake ndi marundi ghake ŵakasukanga ndi maji. Ndipo mzukuru wakawochanga vyose pa jochero kuŵa mpasku wakocha, mpasku wakupereka wapa moto, fungu lakukondweska Ambuya.
10“Asani wapereka mpasku wakocha wachakuturiya ku mskambu, mberere pamwenga mbuzi, wakaperekanga yinthurumi yambura kalema. 11Ndipo wakayibayiyanga kuchiri ku nkhonde kwa jochero paurongo pa Ambuya, ndipo ŵana ŵaku Aroni ŵazukuru ŵakadiranga ndopa zake pa jochero kwakuzunguliya. 12Ndipo wakayidumuwanga vipikitavipikita, ndi mutu wake, ndi mafuta ghake, ndipo mzukuru wakavilalikanga mu mululiku pachanya pa nkhuni zo ze pa moto pa jochero. 13Kweni vya mukati ndi marundi wakasukanga ndi maji. Ndipo mzukuru wakaperekanga vyose ndi kuvyocha pa jochero, ndi mpasku wakocha, mpasku wakupaskika wap moto, ndi mpasku wa fungu lakukondweska Ambuya.
14“Asani mpasku wake ku Ambuya ngwakocha wa viyuni, iku wakazanga ndi mpasku wake wa nkhunda pamwenga viunda. 15Ndipo mzukuru wakazanga nacho ku jochero ndi kudumuwako mwakunyongolo mutu wake, ndi kuchiwocha pa jochero. Ndopa zake zikasululiyanga kurwande limoza la jochero. 16Ndipo iyo wakatuzgangapo chidukuluku ndi mavungwa, ndi kwachivitaya pafupi ndi jochero kuchiri ku vuma, pa malo gha choto. 17Wakaparuwanga vipapiku vyake kweni kuti wayiphwatuwenge cha. Ndipo mzukuru wakayiwochanga pa jochero, pachanya pa nkhuni zo ze pa moto; ndi mpasku wakocha, mpasku wakuperekeka wapa moto, fungu lakukondweska Ambuya.”
Currently Selected:
ŴaLevi 1: TongaMw
Highlight
Share
Copy
Want to have your highlights saved across all your devices? Sign up or sign in
Bible Society of Malawi
