Machitidu gha Ŵakutumika 6

Kumikika kwa ŵamurimu ŵankhonde ndi ŵaŵi

1Kweni mu mazuŵa yagha, ŵachiŵa ŵanandi ŵasambizi wo, kunguŵapo dinginiku la ŵaHeleniste pa ŵa Hebere, pakuti vyajowolekanga vyoko vya wo mu uteŵeti wa zuŵa ndi zuŵa. 2Kweni chumi ndi ŵaŵi wo, ŵanguti ŵadaniya pamoza urapasi wa ŵasambizi ŵanguti, “Kuti kuyiyamu ifwe cha kusiya mazu ghaku Chiuta kwachitieŵete magome. 3Viyo, mwa ŵabali, mwaku imwe penjanimo ŵanthurumi ŵankhonde ndi ŵaŵi, ŵakusimikizgika, ŵakuzazika Mzimu ndi zeru, ŵeniwo tingamikiya pa mlimu uwu; 4kweni ifwe tifwiririyengepo pa kuromba ndipa uteŵeti wa Mazu.” 5Ndipo mazu gho ghangukondweska urapasi wose wo: ndipo ŵangutondo Stefano, munthu wakuzara chivwanu ndi Mzimu Wakupaturika, ndi Filipu, ndi Prokhoro, ndi Nikanora, ndi Timona, ndi Permena, ndi Nikolau mkhozi waku Antioke. 6Wo ŵangumika paurongo pa ŵakutumika: ndipo ŵati ŵaromba, ŵanguŵika manja pakuwo.

7Ndipo mazu ghaku Chiuta ghawandanga; ndipo unandi wa ŵasambizi mu Yerusalemu ungwandana ukongwa; ndipo so ŵazukuru ŵanandi ŵavwiyanga ku chivwanu cho.

Kumangika kwaku Stefano

8Kweni Stefano, wakuzara wezi ndi nthazi, wachitanga minthondwi ndi visimikizgu vikuru mu khamu lo. 9Kweni ŵangusoka ŵanyake ŵaku sinagoge lakuzumbulika sinagoge la ŵaLibertini, ndi la ŵaKurene, ndi la ŵaAlekezandara ndi la ŵaku Kilikia ndi Asia, ŵakukweskana ndi Stefano. 10Ndipo ŵanguŵavi nthazi kumikirana ndi zeru ndi Mzimu mwenimo warongororenga. 11Ndipo ŵangupangizga kwautesi wo ŵakambanga kuti, “Tamuvwa wachirongoro vyautokosi paku Mosese, ndi paku Chiuta iyo.” 12Ndipo ŵanguyuska khamu lo, ndi so ŵara, ndi ŵalembi, ndipo pakuziya pake ŵangumkwekwete nthazi ŵangumgumizgiya ku upu wo, 13ndipo ŵangumika ŵakaboni ŵatesi, wo ŵanguti, “Munthu mwenuyu kuti wareka cha kukamba mazu pa malo ghano ghakupaturika ndi pa chilangulu; 14chifukwa tamuvwa wachikamba kuti Yesu waku Nazareti mwenuyu wakabwanganduwanga malo ghano, ndipo wakasanduskanga, marusu ghenigho Mosese wangupereka kwaku ifwe.” 15Ndipo wose ŵakuteka mu upu wo, pakumudodoliska, ŵanguthoŵa chisku chake ulaka ndi chisku cha mungelo.

Currently Selected:

Machitidu gha Ŵakutumika 6: TongaMw

Highlight

Copy