Machitidu gha Ŵakutumika 3

Munthu wamukwakwa wachizgika

1Kweni Petro ndi Yohane ŵakweriyanga ku kasopi pa ora la marombo, ndilo lachinkhonde ndi chinayi. 2Ndipo munthu ngana, yo wenga mkwakwa kutuwa ku kawi kake, wanyamulikanga, ndi wajarikikanga zuŵa ndi zuŵa pa likomo la kasopi, lakuzumbulika Thora,#3.2 Thora: ndiku kuti chakutowa pakuŵa likomo, tingati lakutowa. kwachipempha kawezi ku ŵakusere mu kasopi.#3.2 kasopi: ndi mazugho ghang'anamuwa tempele. 3Pakuwona Petro ndi Yohane ŵakuŵondika kusere mu kasopi bwanguŵafumba kuti warondeko chawanangwa. 4Kweni Petro wangulereska pake, pamoza ndi Yohane, ndipo wanguti, “Tilereske.” 5Ndipo iyo wanguŵaphwere, wakugomekezga kurondako kanthu kwaku wo. 6Kweni Petro wanguti, “Siliva ndi golide ndirive; kweni cho nde nacho ndicho nditukupaska. Mu zina laku Yesu Kristu waku Nazareti, yendanga!” 7Ndipo wati wamkole janja lamarghe, wangumsoska: ndipo sosonukweni misoronthe yake ndi tusingininge tungukhomeskeka. 8Ndipo wakuzininika, wangusoka, ndi wendayendanga; ndipo wangusere pamoza nawo mu kasopi yo, wakwendayenda, ndi wakuzininika, ndi wakuthamika Chiuta. 9Ndipo khamu lose lamwonanga wakwendayenda ndi wakumthamika Chiuta, 10ndipo ŵangumteska kuti ndiyo wajariyanga kawezi pa Thora, khomu la kasopi; ndipo ŵanguzazika chirwita ndi chizizwisku paku cho chingumuŵiya.

Uthenga waku Petro mu kasopi

11Ndipo wachimeremete iyo Petro ndi Yohane, khamu lose lo lingumotoke pamoza kwaku wo mu khondi lakuzumbulika laku Solomoni ŵakurwita ukongwa. 12Kweni wachiwona, Petro wangunene khamu lo, “Mwaŵanthu mwaŵaYisraele muzizwiyanji paku chenichi, pamwenga mulereskiyanji paku ifwe, nge ndi nthazi yidu pamwenga usopi widu tayendeska mwenuyu? 13Chiuta iyo waku Abrahamu, ndi waku Yisaki, ndi waku Yakobe, Chiuta yo wa auskefwe, wamkankhuska Mwana wake Yesu, mweniyo imwe mungukombo ndi mungukana paku Pilato, wachidumuwa yuwa kuti wamfwatuwe. 14Kweni wakupaturika ndi murunji yo imwe mungumkana, ndipo mungupempha kuti munthu wambanda wapaskike waka kwaku imwe, 15kweni chirongozgi wa Umoyo mungubaya, mweniyo Chiuta wanguyuska ku ŵakufwa; waku chenicho te ŵakaboni ifwe. 16Ndipo ndi chivwanu chamu zina lake, zina lake lo lamkhomeska mweniyo mutumwona ndi kumziŵa: nadi, chivwanu cha mwaku iyo champaska umusuma#3.16 umusuma: uku ndiku umoyo wanthazi: wambura kutama. wenuwu uzirima pa maso paku wose.

17“Ndipo sono, mwa ŵabali, ndaziŵa kuti munguchita cho mu ujira, ulindimo ŵanguchitiya ŵaraŵara ŵinu nawo. 18Kweni vyenivyo Chiuta wangutauliya limu mu milomo ya ŵamchimi wose, kuti Kristu wake wakomwenge, wafiska iyo viyo. 19Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya: 20ndipo kuti wangutuma Kristu yo watemeke limu kwaku imwe, 21ndiyo Yesu: mweniyo kutenere kuchanya kumronde mpaka nyengo za chiwerezga chaku vyose, vyenivyo Chiuta wangurongorole ndi mlomo wo ŵamchimi ŵake wose wakupaturika kutuwa ku mwaka. 22Mosese nadi wanguti, ‘Mbuya Chiuta wamyuskiya imwe mchimi mu ŵabali ŵinu ulaka ndine; mweniyo muvwiyenge mwaku vyose vyo wamkukukambiyani. 23Ndipo kukaŵanga kuti mzimu wose wo ukarekanga kumuvwa Mchimi yo ukanangikiyanga limu mu khamu lo.’ 24Ndipo ŵamchimi wose kutuwa kwaku Samuele ndi ŵapavuli pake, wo wose ŵarongoro ŵanguloska nawo so mazuŵa yagha. 25Imwe mwe ŵana ŵa ŵamchimi wo, ndi ŵa chipanganu cho wangupangana Chiuta ndi auskemwe, wachikamba ndi Abrahamu, ‘Mu mbeu yako ndimo zamtumbikikiya mbumba zose za panupasi.’ 26Chiuta wati wayuska Muŵanda wake, wangumtuma danga kwaku imwe kukutumbikani, mu kunyongo munthu yose waku imwe ku viheni vinu.”

Currently Selected:

Machitidu gha Ŵakutumika 3: TongaMw

Highlight

Copy