MATEO Mafala akutoma nawo
Mafala akutoma nawo
Mphangwa Zadidi za Yesu Khristu zakulembwa na Mateo zikulonga kuti Yesu ndi Nyankhombo wakulongwaletu na Mulungu. Kudzera muna iyeyo Mulungu adachitisa kuti pikwane-kwane pinthu pyonsene pidalonga iye kuti anapichita kuna anthu a m'chiverano chakale. Mphangwa Zadidizi si za kuna Ayuda okha tayu, ale akuti Yesu adabalwa na kukula pakati pawo, mbwenye nsa kuna anthu a padziko yonsene yapansi.
Bukhu ya Mateo idalongwa na nyandandanda wadidi kutoma na kulonga pya kubalwa kwa Yesu, kubatizwa na kuyeswa kwache. Kubuluka penepo ikulonga pya basache ya kulalika, kufunzisa na kuwangisa anthu mu Galilea. Pidamala penepi ikulonga pya ulendo wa ku Yerusalemu, pontho na pidachitika kuna Yesu m'dimingu yache yakumalisa, mbadzati kukhomerwa pamtanda pontho kulamuka kwache kuimfa.
Mphangwa Zadidizi zikuonesa Yesu ninga mfunzisi wamkulu, ule ana utongi wakutchulula mwambo wa Mulungu, pontho ule ambafunzisa pya Ufumu wa Mulungu. Chifunziso chache chizinji chagumanywa m'magulu mashanu kutewezana na misolo yache: (1) Chifunziso cha paphiri, chile chikulonga pya makhaliro, mabasa, mwayi na kudzakhazikika kwa mzika mu Ufumu wa Kudzulu (Ndima 5-7); (2) Yesu apanga anyakufunza khumi na awiri pyakuchita thangwi ya basa idatumwa iwo (Ndima 10); (3) Misangani yakulonga pya Ufumu wa Kudzulu (Ndima 13); (4) Chifunziso chakulonga pya unyakufunza (Ndima 18); (5) Chifunziso chakulonga pya kumala kwa ndzidzi uno, pontho kudza kwa Ufumu wa Kudzulu (Ndima 24-25).
Pya m'bwalomu
Nyandandanda wa makolo na kubalwa kwa Yesu Khristu 1.1—2.23
Basa ya Yohani Nyakubatiza 3.1-12
Kubatizwa na kuyeswa kwa Yesu 3.13—4.11
Basa ya pakwecha ya Yesu mu Galilea 4.12—18.35
Kubulukira ku Galilea kwenda ku Yerusalemu 19.1—20.34
Dimingu yakumalisa mu Yerusalemu na m'nthemba zakuzungulira 21.1—27.66
Kulamuka kuimfa na kuonekera kwa Mbuya kuna anthu 28.1-20
Currently Selected:
MATEO Mafala akutoma nawo: SenaMw
Highlight
Share
Copy
Want to have your highlights saved across all your devices? Sign up or sign in
© Bible Society of Malawi