Marako 3

’Ba dri be ondrizari

1 # Mat 12:9-14; Luk 6:6-11 Eri nga fi dika pari ’bani yi okuzuria; ’ba azini indi ’daa, eri ma dri ovu ondrizaru. 2Yi nga eri ndre kani eri nga eri ati etu sabatonisi yani, yi ma su asu ruania beni. 3Eri nga ’yo ’ba dri be ondrizaruri ma tia kini, Mi enga uru ’ba ma eselia ’dia. 4Eri nga ’yo yi tia kini, Azita a’i ra ’bani e’yo onyiru ’yezu etu sabatonisi, kani e’yo onzi ’yezu ya? ’Ba ma idri pazu, kani ’ba fuzu ya? Te yini, yi adri ciri. 5#Yoh 11:33Eri ka yi one adrasi, mile suzu yi ruaa alu alu, asi mbaza yinini eri ecandilerisi, eri nga ’yo agu takari ma tia kini, Mi eju mi dri. Eri nga eri eju ra, drini nga ovu atizaru. 6#Mat 22:16’Ba Farisaini nga perepere ru amve, yi nga ti eci ’ba Herodeni be eri dri.

’Ba ongulumuru miri tia ’diyi

7 # Mat 12:15, 16; Luk 6:17-19 Yesu pi ’ba erini imbale ’diyi be nga mvi miria; ’ba ongulumuru amboru egazu Galilia nga mu yi vutisi, azini ’ba angu Yudia pia, 8#Mat 4:25Yerusalemu pie, Idumaya pie, angu Yoridani ’aa’dasiri pie, angu Turo pi ma ageia Sidoni be dria, yi ’ba ongulumuru kakau, yini e’yo erini ’yeleri eriria, yi nga mu vunia. 9#Mar 4:1; Luk 5:1-3Eri nga ’yo ’ba erini imbale ’diyi ma tia, yi ma ’ba o’bo ma te eri vu ogogo ’ba ongulumuru dri, ’ba kazu eri omizu ku; 10a’disiku eri ati ’ba kakau ma rua, ’dini ’ba dria azo beri nga eri ari ari, yi ma elo eri ma rua beni, 11#Luk 4:41Orindi onzi, yini eri ndreria, yi eco yi va palania, yi oyu uru kini, Mi Mvi Munguni, 12#Mar 1:34Te eri nga yi azi okporu, kini, yi ma e’da eri ku.

Yesuni ’ba mudri drini iri ’diyi opezu

13 # Mat 10:1-4; Luk 6:12-16 Eri nga tu uru oni dria, eri nga ’ba erini Ide ’diyi omve i vu; yi nga efu mu eri vu ani. 14Eri nga ’ba ope mudri drini iri, yi ma ovu i be tualu, azini eri ma pe yi ti e’yo oluzu, 15yi ma ovu okpo be orindi onzi odrozu indi: 16#Yoh 1:42Simoni, runi azini erini ’dale Petero’iri pi; 17#Luk 9:54Yakobo Zebedayo mvi pi, Yohana Yakobo ma adri pi, eri ’da yi ma ru Boanerege, efini Anzi ovi onozani; 18Andarea pi, Filipo pi, Baritolomayo pi, Matayo pi, Tomasi pi, Yakobo Alifayo mvi pi, Tadayoi pi, Simoni ’ba Kanani pi, 19Yudasi Isikariote eri ma o’di nyapiri pie dria.

Suru i esele copi ndu nduri econi pa sozaru okporu ku; Orindi Alatararu o’dazu

Eri nga fi joa. 20’Ba onguluInuru nga yi oku vunia dika, ’dini econi ani yini nyaka nyazaru ku. 21#Yoh 7:20; 8:48, 52; 10:20Agyi erini ka e’yo eri ra, yi efu eri bizu, yini ’yole kini, Eri aza aza-risi. 22#Mat 12:24-32; Luk 11:15-22; 12:10#Mat 9:34; 10:25’Ba karanini engapi Yerusalemua ’diyi ’yo ra kini, Eri ovu Beelizebuli be, eri orindi onzi dro opi orindi onzi ma driliari ma i okposi. 23Eri nga yi omve i vu,i nga e’yo eti olu yi tia kini, Eco Satanini Satanini drozu ngoni ngoni ya? 24Te suru ka i ale ali, ceoni, suru ’darini pa sozaru ku. 25Jo ka ’i ale ali, jo ’dal’i econi pa sozaru ku. 26Satani ka enga omba ’bazu i ngulupi be, ka i ale ali, econi erini pa sozaru ku, te eri nga i de ra. 27Econi ’ba aluni fizaru ’ba okporuri ma joa afa erini opazu ku, te eri ka ’ba okporu ’diri ombe oko raka eri nga di afa eri ma joa ’diyi opa ndo.

28Ma ’yo emi tia ndi ndi, yi nga e’yo onzi wu dria ’ba ma ori dri, ezata piyi o’data yini o’dale ’diyi be dria; 29#Luk 12:10te ’ba azini ka Orindi Alatararu o’da’i, yi ngani e’yo onzi erini wu ’dani ’dani ’de ku, te ezata ’dani ’daniri nga ovu eri ma dria- 30#Mar 3:22yini ’yole eri ovu orindi onzi berisi.

Yesu andri pi adripi be

31 # Mat 12:46-50; Luk 8:19-21 Andri erini pi adripi be nga emu ra; yini pa soria amve, yi nga ’ba azini ma ti pe vunia eri omvezu. 32’Ba ongulumuruni de riria eri ageia, yi nga ’yo tinia kini, Mi lu, mi andri pi mi adripi be yi emu mi ndru amve. 33Eri nga e’yo omvi yi tia kini, Andri mani adripi mani be yi a’di piyi ya? 34Erini ’ba ripi eri ma ageia kuru ’diyi ma dri luria, eri ’yo ra, Emi lu, ma andri ma adripi yi ’doyi! 35’Ba ka e’yo Munguni leleri ’ye ra, ’ba ’diri eri ma adri’i, eri ma amvi’i, eri ma andri’i.

Currently Selected:

Marako 3: LB66

Highlight

Copy