Matayo 3
3
E’yo Yohana baputizi fepirini oluleri
1 #
Mar 1:1-8; Luk 3:3-18 #
Luk 1:13
O’du ’dayisi Yohana baputizi fepiri eca ra, e’yo oluzu angu rokoru Yudianiria, eri kini, 2#Mat 4:17; Mar 1:15Emi oja emi asi; suru ’buari eca ogogo ’bo. 3#Isa 40:3; Yoh 1:23’Ba ’diri eri ’ba ndra nabi Isayani e’yoni ’yoleri’i, kini,
0’duko ’ba oyupi roko driarini: Emi ede geri Opini,
emi ’ba leti erini ’diyi kililiru.
4 #
2 Opi 1:8
Yohana ma ngulupi ma afa suza eri bongo cale ngamia ma ’bikosiri, kafa enyiru eri opilia ci; nyaka erini ombi pi anyuoso aseari be. 5’Ba Yerusalemua ’diyi pi nga di fu mu eri vu, Yudiaa ’diyi pie dria, angu Yoridani ma ageiaria ’diyi be dria, 6baputizi bizu eri vu yi ara,Yoridania, yini e’yo onzi yini e’daria.
7 #
Mat 12:34; 23:33; E’do 3:15 Te eri ka ’ba Farisaini piyi ma azi ndre ’ba Sadukayoni be yini emuria baputizi bizu, eri ’yo yi tia, Emi ori urini! A’di ece emini apazu adra emupirisini ya? 8Emi ma ka efi i sipi asi ojaza be si siri; 9#Yoh 8:33, 39; Rum 2:28, 29; 4:12emi osu ’yozu emi asia, Ama ovu Iburahimu be a’biru, ’dini ku; te ma ’yo emi tia, Mungu eco oni ’diyi engazaru Iburahimu dri anziru. 10#Mat 7:19; Luk 13:6-9; Yoh 15:6Ji di ogara, ku pati ndua ’bo; pati dria efi onyiru kapi kuri, ’ba ga ra, ’ba ’be acia.
11 #
Yoh 1:15, 26, 27, 33; ’Yeta 1:5 Ma’ini, ma baputizi fe emi dri yisi asi ojazu, te ’ba emupi ma vutia ovupi okpo be ma agapi ra, mani dri fuzu eri ma jijima ’duzu kuri, eri’i eri nga baputizi fe emi dri Orindi Alatararu pisi aci be. 12#Mat 13:30Ko’bi erini ovu eri dria, eri nga akuma ini ko alaru, nga anya ini oku eroa, te drilekoniri eri nga ve aci i depi kurisi.
Yesuni baputizi bizuri
13 #
Mar 1:9-11; Luk 3:21-11; Yoh 1:31-34 Yesu nga di enga Galiliarisi, nga mu Yoridania Yohana vu, baputizi bizu vunia beni. 14Te Yohana le oga eri dri si, kini, Si te mani baputizi bizu mi vu, mi vini emu ma vu ya? 15Te Yesu nga e’yo omvi, ’yo tinia kini, Curu’do di mi a’i; onyiru amani e’yo kililiru ’yezu dria’i, Eri nga di a’i eri dri ra. 16Te Yesu ka baputizi bi ’bo, eri efu yiarisi, etu amve coti, te mi ndre, ’bu zi i eri dri ra, eri ndre Orindi Mungunini esiria va a’balaule, emuria i dria; 17#E’do 22:2; Zab 2:7; Isa 42:1; Mat 12:18; 17:5; Mar 1:11; Luk 9:35te mi ndre, o’duko ibi ’bua, ’yo ra, ’Di Mvi mani lele turi’i, ma ovu ayikosi tu erisi.
Currently Selected:
Matayo 3: LB66
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.