Matayo 17

Yesuni i ma wura ojazu ndu

1 # 2 Pet 1:17-18 O’du azia ma vutia, Yesu nga Petero pi ’du i be, Yakobo pie, Yohana adripi erini be, nga yi ji uru oni izuru ma dria a’dule. 2#2 Pet 1:16-18Rua erini nga ovu ojazaru yi milia, mile erini nga eli ekile etule, afa suza erini nga ovu emvendrindriru diza etunile. 3Mi ndre, Musa pi Eliya be nga yi e’da yi vu, e’yo ’yozu eri be. 4Petero nga e’yo omvi ’yo Yesu ria, Opi, e’yo amani ovuzu ’doari onyiru; mi ka le ra, ma nga boroko si ’doa na, alu dri, alu Musa dri, alu Eliya dri. 5#E’do 22:2; Azi 18:15; Zab 2:7; Isa 42:1; Mat 3:17; 12:18; Mar 1:11; Luk 3:22Erini nga e’yo ’yoria, mi ndre, iriti dizaru ma endri ’de yi ma dria ci, te mi ndre, o’duko enga iriti ma alia kini, ’Di Mvi mani lele turi’i, ma ovu ayikosi tu erisi; emi eri. 6’Ba erini imbale ’diyi ka eri ra, yi nga o’de a’bukuru va, yi ovu urisi tu. 7Te Yesu nga eca, nga yi rua elo, nga ’yo kini, Emi enga, emi ru ku. 8Yi ka yi mile enga ’bo, yi ndreni ’ba azini ku, pe lu Yesu’i a’dule.

9 # Mat 16:20 Yini siria oni driarisi va, Yesu nga e’yo azi yi tia kini, Emi olu afa ndreza ’dori ma e’yo ’ba aluni ma ria ku, de nga Mvi ’bani engani ’ba draza ma eselia ku. 10#Mal 2:23; 4:5; Mat 11:14’Ba erini umbale ’diyi nga eri tia, yi ’yo ra, ’Ba waraga sipi ’diyi ’yo kini Eliya ma eca raka, ’dini a’disi ya? 11Eri nga e’yo omvi, nga ’yo ’ra, Eliyani nga eca ada, afa dria edezu; 12#Mat 11:14; 14:9, 10te ma ’yo emi tia, Eliya eca di ’bo, azini yi nini eri ku, te yi ’ye eri yini lelerile. Te Mvi ’banini nga candi, isu yi dri ’dinile indi. 13#Luk 1:17’Ba erini imbale ’diyi nga di va eri ’yo yi tia Yohana baputizi fepiri e’yo.

Yesuni mva orindi onzi beri atizu

14 # Mar 9:14-29; Luk 9:37-42 Yi ka eca ’ba ongulumuru vu ’bo, ’ba azini nga emu eri vu, kumuti osizu tinia, kini, 15Opi, mi ovu yiki be ma mva ma e’yosi, azo ediani fi eri ruaani, ’ye eri onzi tu; a’disiku pale kakau eri ode acia, azini pale kakau eri o’de yia. 16Ma eji te eri ’ba mini imbale ’diyi vu ’bo, te econi yini eri atizaru u. 17#Azi 32:5; Yoh 14:9Yesu nga e’yo omvi, ’yo ra, Emi a’bianzi a’ita kokoru yi ojapi onzi ’diyi, ma nga ovu emi be ewu ngopi ya? Ma nga ovu emi vu asi tezasi ewu ngopi ya? Emi eji eri ma vu ’doa. 18Yesu nga ega eri ma dria; orindi onzi nga efu eri ma aliasi ra, mva ovu di atizaru etu ’darisi. 19#Mat 10:1’Ba erini imbale ’diyi nga di eca Yesu vu oyokolosi, yi ’yo ra, Econi amani eri drozaru ku a’disi ya? 20#Mat 21:21; Mar 11:23; 1 Kor 13:2; Luk 17:6Eri riga ’yo yi tia, A’ita eminini ovule wererisi. Te ndi ma ’yo emi tia emi ka ovu a’ita be haradali efile dipi, emi nga ’yo oni ’diri ma tia Mi nga ’doa, mi mu ’dale, eri nga mu ra; azini afa aluni ngani ovu ewaru emi ndezu ku. 21Te esele,doyi econi fuzaru ku pe Mungu ziza pisi nyaka ’daza be.

Yesuni drata ini ma e’yo ecezu dika

22 # Mar 9:30-32; Luk 9:43-45 # Mat 16:21 Yini ovuria Galilia, Yesu nga’yo yi tia, Yi nga Mvi ’bani fe ’ba dria, 23yi nga eri fu ra, o’du nasi eri nga enga ra. Yi ovu candisi tu.

Musoro hekaluniri jezu

24 # Efu 30:13; 38:26 Yini ecaria Kaperinaumua, ’ba sekeli nusu a’ipi ’diyi nga eca Petero vu, nga ’yo ra, ’Ba emi imbapiri beni sekeli nusuni ku ya? 25Eri ’yo ra, Eri ’be ra. Eri ka efi joa ’bo, Yesu nga ’yo eri tia oko, kini, Simoni, mi osu ngoni ya? Meleki nyakua ’diyi adri musoro pi oku, silingi lile ’ba driari be, a’di vu ya? Ami yini vu, kani anzi juruni vu? 26Erini ’yoria kini, Anzi juruni vu, Yesu nga di ’yo eri tia, Ka’dini anzi melekini ovu di truzaru. 27Te ama kazu kumu ’bazu yi dri ku, mi mu miria mi ’be ewu, mi e’du e’bi mini epele okori, mi zi tileni, mi ji nga isu;mi ji sekeli nderi, mi fe yi dri, mani mini.

Currently Selected:

Matayo 17: LB66

Highlight

Copy