Malaki 4
4
O’du Yehovaniri emu emu
1Te mi lu, o’du nde emu emu, eri ve ekile oka aya dizurile, ’ba afuru ’diyi pi dria nga ovu ase amururile, ’ba azi onzi ’yepi ’diyi be dria; o’du nde emupiri nga yi ve kieikiei, Yehova asikari ongulumuruniri ’yoni, ’dini eri ngani ola ku yi dri ku, kani arakalani aluni ku ’indi. 2#Luk 1:78; Efe 5:14; 2 Pet 1:19Te emi ru mani rupi ’diyi dri, etu onyiniri nga efu, atiza be eri ma opilia. Emi nga fu amve avizu ekile kojana koloteni avile licoasirile. 3#Mik 7:10Azini emi nga ’ba azi onzi ’yepi ’diyi otu pasi, yini ngale ovule ofutale emi pa agelearisi, o’du mani ngale e’yo ’yezurisi, Yehova asikari ongulumuruniri ’yoni. 4#Azi 4:10Emi ma ega azita Musa ati’bo manirini, mani azile tinia Horebua ’ba Israelini dria ’diyi driri, adaru azita piyi e’yo liza pie indio; 5#Yoe 2:31; Mat 11:14; 17:10-13; Mar 9:11-13; Luk 1:17; Yoh 1:21Emi ndre, ma nga nabi Eliya ma ti pe emi vu de nga o’du amboru uriuriru Yehovaniri ecani nga ku. 6#Luk 1:17; Dan 9:26; Luk 19:27, 43; 21:20; Mar 13:14Azini eri nga asi atapini oja anzi vu, azini asi anzini oja atapi vu, ma kazu emuzu angu dri jazu otrinasi ku.
Currently Selected:
Malaki 4: LB66
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.