Malaki 1
1
Leta Yehovani Yakobo vuri
1E’yo eceza Yehovani ecele Israeli dri Malaki ma tiarisiri. 2#Isa 34:5-17; 63:1-6; Yer 49:7-22; Eze 25:12-14; 35:1-15; Amo 1:11-12; Oba 1-14Ma le emi ra, Yehova kini. Te emi ’yo kini, Mi le ama e’yo ngosi ya? Yehova kini, Esau ovuni ndra Yakobo ma adri’i ku ya ? Te ma le ndra Yakoboni’i, 3te Esauni ma ngu ndra onzi, azini ma oja oni erini andruru, ma fe vini awuruso erini obalako angu didia ’diyi dri. 4Edomuni ’yole ’dinirisi kini, Oco ama va ’bo, te ama nga dri atri muzu pari ezale ’bo ’diyi sizu dika; te Yehova sikari ongulumuruniri ’yo ’dini, Yi nga si ra, te ma nga ogu va; ’ba nga yi omve Angu e’yo onzini ma eseleru, azini ’Ba Yehovani ngule onzi ’dani ’dani ’diyiru. 5#Zab 35:27; 83:18Te emi mileni nga ndre ra, emi nga ’yo ani kini, Yehova ovu amboru kalati Israelini ’aa’dasiria!
Yehovani egazu kuhani ma driari
6 #
Efu 20:12; Azi 5:16; Mat 15:4; Efe 6:2; Luk 18:20; 6:46 Mvani i ma atini inzi ra, azini ati’boni opi i vileri inzi ra indi. Ma ka di ovu atani, inzita ma inzizuri ngoa ya ? Ma ka ovu opini, ruta ma ruzuri ngoa ya? Yehova asikari ongulumuruniri ’yo emi tia ’dini, emi atalau edeta edepi, ma ru onzopi ’diyi la! Te emi ’yo kini, Ama onzo mi ru ngoa ya ? 7#Eze 41:22Emi adri nyaka ondiruri fe pari edeta edezu maniri ma dria. Azini emi ’yo kini, Ama eza mi ondisi e’yo ngosi ya? Emini ’yoria kini, Mesa Yeho-vaniri toko-risi. 8#Yob 42:8; Azi 15:21Emini anyapa mile koko ’diyi feria edetaru, ’di ovuni onzi ku! Emini vini anyapa acoza ’diyi feria azo be ’diyi be, edetaru, ’di ovuni onzi ku! Mi o’bi afa nde ’diyi fe ’ba angu mini dri cepiri dri; eri nga ovu mi vu ayikosi ra ya ? Kani eri nga mi a’i ra ya? Yehova asikari ongulumuruniri ’yoni. 9#Hos 13:9Curu’do, ma matu ’ba emi vu, emi ma a’i asi ndriza Mungu vu, ’dini eri ma ’ba asi ndriza ama vu ani. E’yo ’diri eca emi ma e’yosi; 10#1 Kor 9:13; Fil 3:18, 19; Isa 1:11’Ba ’diyi la! ’ba alu emi eselia ka te ovu jotile opizu cini, ’dini emi ngani aci edu pari edeta edezuri ma dria toko ku fo! Ayiko mani errusi aluni yo, Yehova asikari ongulumuruniri ’yoni, ma ngani vini afa feza a’i emi dria ku indio 11#Isa 59:19; 66:19; Yoh 4:21; 1 Tim 2:8; Eceza 8:3Te engazu etuni efuria kpere etuni ’deria, ma ru ovu amboru ’ba jururu ’diyi ma eselia, azini pari dri dria obiese pi ovu fezaru ma rusi, edeta feza alatararuri be; ma runi ovule amboru ’ba jururu ma eseliarisi, Yehova asikari ongulumuruniri ’yoni. 12Te emi eza eri ra, emi ka ’yo kini, Mesa Yehovaniri ovu ondiru, azini efi kaza eriniri, adaru afa nyaza driniari, yi toko. 13#Lev 22:20; Isa 1:12Emi ’yo vini indi kini, Mi lu, e’yo ’ba andepi ’doni ’dori! Te emi ngu eri aji onzi ’bo, Yehova asikari ongulumuruniri ’yoni. Emi eji afa ’bani ’dule okposi ’diyi pi, anyapa acoza ’diyi pie, afa azoru ’diyi pie; ’dini emi eji edeta fezaru. Ma eco te afa nde ’diyi a’izaru emi dria ra ya? Yehova ’yoni. 14#’Yeta 5:1Te ’ba ’ba dri icipi inzosiri, ma tri eri tri, eri’i ovupi anyapa ago be anyapa erini ’diyi ma eselia, oyo isopi, te anyapa nyibile beri fepi edetaru Opi driri’i; a’disiku ma ovu Opi amboruri, Yehova asikari ongulumuruniri ’yoni, azini ru mani ovu uriuriru ’ba jururu ’diyi ma eselia.
Currently Selected:
Malaki 1: LB66
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.
