Luka 9

’Ba mudri drini iri ’diyi ti pezu

1 # Mat 10:1, 7, 9-14; Mar 6:7-13 Eri omve ’ba mudri drini in ’diyi tualu, nga yi dri okpo pi fe e’yo ecozani be, orindi onzi ma dria azini azo atizu, 2Eri pe yi ti suru Munguniri ma e’yo oluzu, ’ba rua atizu indi. 3#Luk 10:4-11; ’Yeta 13:51Eri ’yo yi tia, Emi ma ’du afa acitani aluni ku, kani kalini, kani juruani, kani enyani, kani silingini; emi ma ’du koti iri iri ku. 4#Luk 10:5-7Jo dria emini fizu aleniaria emi ma ovu ’daa, emi ma fu ’dasi. 5#Luk 10:11Te ’ba ka emi a’i ku, emini aku ’dari kuria emi ma we irifura emi paari ’daa, e’yo eti nzezu yi ma dria. 6Yi ko dri mu aku vusi aku vosi, e’yo bari oluzu, ’ba rua atizu angu drisi dria.

Yohana baputizi fepiri ma dri lizu

7 # Mat 16:14; Mar 8:28; Luk 9:19 Te opi Herode eri e’yo Yesuni ’yele ’diyi dria ra, eri aba tu e’yo ’ba azinini ’yole kini Yohana enga ’ba draza eselia ’borisi, 8te ’ba azini kini Eliya e’da ini, ’ba azini kini nabi ’ba oku drio ’diyi ma azi enga dikani. 9#Luk 23:8Herode nga ’yo ra, Ma li Yohana ma dri ma’i; te ’ba ’diri mani e’yo awa’dinile ’diyi erizu eri ma e’yosiri a’di’i ya? Eri le eri ndre ani.

Nyaka fezu ’ba alifu towi dri

10 # Mat 14:13-21; Mar 6:30-44; Yoh 6:1-13 ’Ba ti opele ’diyi ka emvi ra, yi olu eri tia e’yo dria yini ’yeleri. Eri nga i nze ’ba ini ’diyi be ’ba ma eseliarisi, nga yi ji aku omvele Betesaida’iria. 11Te ’ba ongulumuru ka ni ra, yi mu vutinia; eri a’i yi ra, nga suru Munguni ma e’yo ’yo yi be, nga vini ’ba rua atiza lepi ’diyi ati ra. 12Etu si ka ’ba ambi ’bo, ’ba mudri drini iri ’diyi emu ra, nga ’yo eri tia, Mi pe ’ba ongulumuru ti mvizu, yi ma mu aku ama ageia ’diyi vusi angu ageiniari be, yi ma isu pari lazu, nyaka ndazu yi dri, a’disiku ama ovu ’doa angu roko driaria. 13Te eri ’yo yi tia, Emi fe yi dri nyaka nyazu emi’i. Yi ’yo ra, Afa amani ovuzu yi be ’diyi lu kiri mikate towi e’bi iri be a’dule-ama ka mu nyaka jezu ’ba ’doyi dria dri kuria. 14Te ’ba agupiru ’diyi yi kile alifu towile. Eri nga ’yo ’ba erini imbale ’diyi ma tia, Emi ma fe yi ma ri va eselesi eselesi, ekile ’ba kali towi kali towi. 15Yi ’ye ’dinile, yi fe yi ri va dria. 16Eri ’du mikate towi e’bi iri be ’diyi, eri nga i mile enga ’bua, nga asi ndriza a’i drinia, nga nyo fe ’ba erini imbale ’diyi dri ’bazu ’ba ongulumuru ma palaa. 17#2 Opi 4:44Yi nya ra, yi dria nga tra ra. Yi oku jolokoni acepi onyozaru ’diyi evu mudri drini iri.

E’yo e’daza Peteroni

18 # Mat 16:13-28; Mar 8:27–9:1 Eri nga eca ’dini, erini Mungu ziria a’dulesi, ’ba erini imbale ’diyi ovu eri be indi; eri zi yi tia kini, ’Ba ongulumuru kini ma a’di’i ya? 19#Mat 14:1-2; Mar 6:14-15; Luk 9:7-8Yi nga e’yo omvi, ’yo ra, Yohana baputizi fepiri’i; ’ba azini kini, Eliya’i; ’ba azini kini nabi oku drio ’diyi ma azi enga dikani. 20#Yoh 6:68-69Eri zi yi tia, Te emi’i, emi ’yo ma a’di’i ya? Petero nga e’yo omvi, ’yo kini, Mi Kristo Munguniri’i.

Yesuni drata ini ma e’yo ecezu

21Te eri imba yi okposi, eri azi e’yo yi dri yi ma olu e’yo ’diri ’ba aluni ma tia ku, 22#Luk 9:44; 18:32, 33kini, Mvi ’bani ma isu candi kakau, ’ba ’wara piyi ma ga eri si kuhani amboru ’diyi pie, karani pie, yi ma fu eri ra, o’du nasi eri ma enga ’ba draza ma eselia dika.

23 # Mat 10:38; Luk 14:27 Eri ’yo yi tia dria, ’Ba azini ka le ma vuti bi, eri ma ga i ma ngulupi si, eri ma ’du pati alaza iniri etu vusi eru vusi, eri ma bi ma vuti ani. 24#Mat 10:39; Luk 17:33; Yoh 12:25’Ba dria alu alu ka le idri ini pani, idri eriniri nga dri ja ra; te ’ba dria alu alu ka idri ini ma dri ja e’yo manisini, eri nga eri pa ra. 25Te ’ba ka angu wudrikuru dria isu eri ma orodriru, te eri ma ngulupi ka dri ja ra, kani ovu ndezaru e’yo lizasi ra, e’yo ’diri nga eri aza ko ngoni ngoni ya? 26#Mat 10:33Te ’ba ka ovu drinzasi masi azini e’yo mani ’yole ’diyisi, Mvi ’bani eri nga ovu drinzasi ’ba nde ’dirisi o’du erini emuzu diza eri ma ngulupi pini, Ata erini pie, malaika alatararu pieri berisi. 27Te ma ’yo emi tia ndi ndi, ’ba pa sopi ’doa ’diyi ma azi indi, yi ngani dra ma aji ’bi ’de ku, de nga yini suru Munguni ndreria kuria.

Yesuni i ma wura ojazu ndu

28 # 2 Pet 1:17-18; Mat 17:1-9; Mar 9:2-9 Eri nga eca ’dini o’du aro e’yo erini ’yole ’diyi ma vutia, eri ’du Petero pi, Yohana pie, Yakobo pie, nga tu yi be oni dria Mungu zizu. 29Erini Mungu ziria mile erini ma wura nga i oja ndu, bongo erini nga mve emve ndrindri dizaru. 30Mi ndre, ’ba iri yi e’yo ’yo eri be, yi Musa pi Eliya be; 31#Luk 9:22yi e’da diza alia, yi nga asiza erini ngapi i ’yepi i paria Yerusalemuari ma e’yo ’yo. 32#2 Pet 1:16-18; Yoh 1:14Petero pi, ’ba ovupi eri be ’diyi pie, yi ma mile ovu o’du dri nzizaru, te yi ka di oru ’bo, yi nga diza erini ndre, azini ’ba iri pa sopi eri be ’diyi. 33Eri nga eca ’dini, yini eri kuria Petero ’yo Yesu tia, Ambo la, onyiru amani ovuzu ’doa; mi fe ama si boroko na, alu mini, alu Musani, alu Eliyani-te eri nini e’yo erini ’yoleri ku. 34Erini e’yo ’diyi ’yoria, iriti nga esi yi dria, endriniri nga yi a’bu ci; yini firia iriti alia uri nga yi bi ra. 35#Isa 42:1; Mat 3:17; 12:18; Mar 1:11; Luk 3:22Te o’duko nga efu iriti ma alia kini, ’Ba ’diri eri ma Mvi, mani peleri’i; emi eri e’yo erini! 36O’duko ka de e’yo ’yozu ’bo, yi isu di Yesuni a’dule. Yi adri ciri o’du ’dayisi, yi oluni ’ba aluni tia afa yini ndreleri ma e’yo aluni ku.

Yesuni mva orindi onzi beri atizu

37 # Mat 17:14-23; Mar 9:14-32 Eri nga eca ’dini, drusi yini esiria oni driarisi va, ’ba ongulumuru kakau nga dri fu eri be. 38Isu agu alu ’ba ongulumuru ma eselia eri nga otre uru kini, ’Ba ’ba Imbapiri, ma matu ’ba mi vu, mi ndre mva mani, eri mva mani alu ilipiliruri’i; 39te mi ndre, orindi adri eri bi, eri nga di otre coti; eri rua nga ya ya, Kafuto emizu eri ma tilia, ka eri rua osi akazaru ’bo, orindi nde nga eri ku ewaru ndo. 40Ma ’ba matu ’ba mini imbale ’diyi vu yi ma dro eri amve, te econi yini ku. 41Yesu nga e’yo omvi, ’yo kini, Emi a’bianzi a’ita kokoru emi ojapi onziru ’diyi la, ma nga ovu emi be ewu ngopi ma ecandizu emisi ya? Mi eji mvi mini ’doa. 42#Luk 7:15Erini nga emuria, orindi nga eri rua asi ra, nga eri oya okposi indi. Te Yesu nga ega orindi onzi ma dria, nga mva ma rua ad ra, nga eri omvi fe ati dri, 43’Ba dria yi osu tu okpo amboru Mungunirisi,

Yesuni drata ini ma e’yo ecezu dika

De ’ba dria yini osuria e’yo dria erini ’yele ’diyisi, eri nga ’yo ’ba erini imbale ’diyi ma tia, 44#Luk 9:22Emi fe e’yo ’diyi ma fi emi bilia; yi ’ye Mvi ’bani fe ’ba ma dria. 45#Luk 18:34; Mar 9:32Te yi nini e’yo ’diri ku, e’yo ’diri ma eti ovu zizaru yi dri, yi ma va eri ku beni; yi ru e’yo ’diri zizu eri tia indi.

A’dini amboru ndenini ya?

46 # Luk 22:24 # Mat 18:1-5; Mar 9:33-40 Agata efu yi eselia, kini yi eselia ’ba amboru agapiri a’di’i ya. 47Te Yesuni agata gaza yi asiari niria, eri nga mva were ’du, fe pa sozu i ageia, 48#Mat 10:40; Luk 10:16; Yoh 13:20nga ’yo yi tia, ’Ba azini ka mva ’diri a’i ma rusi, eri di ma a’i, te ’ba ma a’ipiri eri di ’ba ma ti epepiri a’i; a’disiku ’ba ovupi emi ’dria ma eselia werearu turi, ’ba ’diri eri ’ba amboruni.

’Ba ovupi ari’bo eminiru kuri ovu ’ba emi aza kopiri

49Yohana nga e’yo omvi, ’yo ra Ambo la, ama ndre ’ba azini erini orindi onzi odroria mi rusi; ama oga eri dri si, erini mi vuti bile ama be kurisi. 50#Luk 11:23; Fil 1:18Te Yesu ’yo eri tia, Emi oga eri ku; a’disiku ’ba emi dri arupi kuri eri ’ba fipi eminiruri’i.

Yesuni egazu Yakobo pi ma dria! Yohana beri

51 # Mar 10:32; Yoh 7:1 Eri nga eca ’dini, etu yini eri ’duzu ’buari ka ’ye eca ogogo, eri ’ba mile erini okporu muzu drile Yerusalemua. 52#Yoh 4:4Eri nga ojiou ma ti ope muzu i drilia; ’ba nde ’diyi nga mu ra, nga fi aku ’ba Samariaa ’diyinia, yi ma ede ani afa ku ngonde eri dri beni; 53#Yoh 4:9te ’ba aku ndea ’diyi a’ini eri ku, erini i mile ’bale muzu Yerusalemuarisi. 54#2 Opi 1:9-16Te ’ba erini imbale Yakobo pi Yohana be ’diyi ka ndre ’dini, yi ’yo ra, Opi, mi le ama ma omve aci ma esi ’buarisi va yi dri jazu ya? 55Te eri nga ti co vile, nga ega yi dria. 56Yi mu aku azinia.

’bi lepi te Yesu ma vuti bipi ’diyi

57 # Mat 8:19-22 Yini muria geria, agu alu ngai ’yo eri tia, Ma nga mi vuri bi pari mini muzuria dria. 58Te Yesu ’yo tinia, Obalako ovu ’bile yini be, aria ’bua ’diyi ovu jorovu yini be indi; te Mvi ’bani ma pari dri ’bazuri yo. 59Eri nga ’yo ’ba aziniri ma tia, Mi bi ma vuti. Te eri ’yo ra, Opi, mi ku ma mu ma atini sa raka. 60Te eri nga ’yo eri tia, Mi ku ’ba odraza ma osa ’ba odraza yi ma ngulupini ’diyini; te tiri fu mu suru Munguni ma e’yo olu’i. 61#1 Opi 19:20’Ba aziniri ’yo vini kini, Ma nga mi vuti bi, Opi; te tiri fe ma ma mu ’ba ovupi ma vile joa ’diyi azi raka. 62Te Yesu nga ’yo eri tia, ’Ba i dri ’bapi e’bu tini seleri bipi, i ojapi i vuti nepiri, funi I dri fizu suru Munguniria aluni ku.

Currently Selected:

Luka 9: LB66

Highlight

Copy