Luka 1
1
Waraga sizu Teofilo dri
1Ba kakau yini dri ’bale e’yo ovupi ’yezaru yi paria ama eselia ’diyi otizu waraka ma alia kililirurisi, 2#Yoh 15:27ekile ’ba e’yo nde ndrepi milesi engazu okokele e’yo ma azi ngapi ’diyini idrile ama vurile, 3#’Yeta 1:1e’yo ’disi ma ndre eri onyiru ma ma si ani waraka e’yo alu alu ecezu mi dri indi, ambo Teofilo, mani e’yo dria ma vuti drole kililiru engazu driorisi; 4mi ma ni e’yo yini mi imbazuri ma ada ani.
Malaikani osita Yohana baputizi fepirini ecezu
5 #
1 Sur 24:10
Ewu Herodeni ovuzu opiru Yudiaarisi, ’ba edeta edepiri ndra indi runi Zakaria’i, amutini Abiya vileri’i eri vile okuri ezoanzi Aronini ’diyi ma azi, ma ru Elizabeti’i. 6Yi iritro ovu ’ba kililiru Mungu ma milia, yi aci azita azini e’yo Opini azile ’diyi ma alia e’yo onzi kokoru. 7Te mva yini yo, Elizabetini ovule ondonirisi, yi iri tro ’ba dezani.
8Eri nga eca ’dini, erini azi kuhanini ovupi pezaru eri driri ngaria amuti erini ma alia Mungu milia, 9#Efu 30:7ekile kubanini adrile ’yele rile, pe eri fizu Opi vile hekalua afa aji be arikariruri vezu. 10Te etu ’bani afa aji be arikariruri vezuria, ’ba dria yi okupi nguluru ’diyi yi yini de Mungu a’iria amve. 11Malaika Opini pa sopi pari afa aji be arikariruri vezuri ma dri ndiriari nga i e’da eri ma milia. 12Zakaria erini ndreria asi erini nga ori oti, urini nga eri bi ci. 13Te malaika ’yo eri tia, Mi ru ku, Zakaria, a’disiku zita mini ovu erizaru ’bo, oku mini Elizabetini nga mva ti mi dri, mi nga runi ’da Yohana’i.
14Mi nga ovu ayikosi nyona be,
’ba kakau yi nga ovu ayikosi osiza erinisi indi;
15 #
Kal 6:3; Lip 13:4, 5; 1 Sam 1:11 eri nga ovu amboru Opi ma milia,
te eri ngani patiefi ma su pi mvu ewa draza be ku;
Orindi Alatararuni nga ga eri asia tre,
kpere erini efuria andri ma opojo ma aliarisi.
16Eri nga anzi Israelini oja kakau Opi Mungu yini vu.
17 #
Mal 3:1; 4:5-6; Mat 17:11-13 Eri nga mu eri drilia orindi azini okpo Eliyanirisi,
atipi ma asi ojazu anzi yini vu,
fezu ’ba e’yo gapi ’diyini acizu ondua ’ba kililiru ’diyini ma alia;
suru ’bazu edezaru ngonde Opi dri beni.
18 #
E’do 18:11
Zakaria nga ’yo malaika tia, Ma nga di e’yo ’di ni e’yo ngosi ya? Ma ’ba dezani, oku maniri ’ba dezani indi. 19#Dan 8:16; 9:21; Ebra 1:14Malaika nga e’yo omvi kini, Ma Gabiraeli, pa sopi Mungu miliari’i; pe ma ti e’yo ’yozu mi be, e’yo baru ’diyi oluzu mi tia. 20#Luk 1:45Mi ndre, mi nga ovu ndindiru, mi ngani eco e’yo ’yozaru ku de nga etu e’yo ’diyini yi ’yezuri ecani ku, a’disiku mini e’yo mani ’yoleri a’ile kurisi, te yi nga yi ’ye yi paria ewu yini ka nga eca raria. 21’Ba nde yi ri ndra Zakariani te, yi osu tu erini i dri icile hekalu ma aliarisi. 22Erini efuria econi erini e’yo ’yozaru yi tia ku yi nga ni ani kini eri ndre afa ndreza hekalu ma alia; eri nga e’yo e’da yi dri drisi, eri awi ndindiru ’dani. 23Eri nga eca ’dini, etu erini azi ngazuri ka i de ra, eri nga mvi akua.
24O’du ’diyi ma vutia oku erini Elizabeti nga mva isu i ma alia, nga i zi mba towi, kini, 25#E’do 30:23Opi ’ye ma be ’dini ’bo o’du erini ma ndrezu, drinza mani nzezu ’ba ma eseliarisi.
Malaikani osita Yesuni ecezu
26Mba aziasi Mungu pe malaika Gabiraeli ma ti aku Galilia omvele Nazareti’iria, 27#Mat 1:16, 18; Luk 2:5aliria agu Daudi ma oriru omvele Yusufu’irini e’dole jeleri vu; aliria ma ru Mariamu’i. 28#Lip 5:24Malaika emu eri vu, nga ’yo ra, zi mi ci, mi ’ba ’yeta anzutiri a’ipi turi, Opi eri mi be! 29Te e’yo ’dirisi asini nga oti oti, eri nga i zi ceni kini, ziza ’diri eri ziza ngoni ngori. 30Malaika ’yo eri tia kini, Mi ru ku, Mariamu, mi isu ’yeta anzutiri Mungu vu ’bo. 31#Mat 1:21-23; Lip 13:3; Isa 7:14Mi: ndre, mi nga mva isu mi alia, mi nga agimva ti, mi nga eri ru ’da Yesu’i.
32 #
2 Sam 7:12, 13, 16; Isa 9:7 Eri nga ovu ’ba amboru, yi nga eri omve Mungu ovupi Uru Turi ma Mvi;
Opi Munguni nga eri dri oguna a’bi erini Daudiniri fe,
33 #
Mik 4:7; Dan 7:14 eri nga opi nya suru Yakoboni ma drilia ’dani ’dani;
opi nyaza erini ngani i de ku.
34Mariamu nga ’yo malaika tia, E’yo ’diri nga ovu ngoni ya, de isu ma lani nga agupi be ku ka? 35#Efu 13:12; Mat 1:18, 20Malaika nga e’yo omvi, nga ’yo eri tia,
Orindi Alatararu nga emu mi dria,
okpo Mungu ovupi Uru Turini nga ovu mi drilia endrilendrile;
e’yo ’disi afa nde alaru mini mule tileri,
yi nga eri omve Mvi Munguni.
36Mi ndre, mi amvi Elizabeti, eri ka tro de ’bo ti, te eri isu mva i ma alia indi; mba ’diri eri mba o’depi oku ndra omvele ondoniri ma dria aziari’i. 37#E’do 18:14A’disiku e’yo aluni ngani ovu ecokokoru Mungu vuni ku. 38Mariamu kini, Mi ndre, ma ati’bo Opini; e’yo ma ’ye i ma vu mini ’yolerile. Malaika nga di eri ku ra.
Mariamuni Elizabetini andrizu
39Mariamu enga o’du ’dayisi, mu angu uru oni driaria mbele, ca aku Yudania, 40nga fi Zakaria vile joa, nga Elizabetini zi ra. 41#Luk 1:15; E’do 25:22Eri nga eca ’dini, Elizabeti ka zita Mariamuni eri, coti mva mbu eri alia; Orindi Alatararu ga Elizabeti ma asia tre, 42#Azi 28:9; Lip 5:24eri nga oyu o’duko urusi, nga ’yo kini, Mi ovu asi ndriza be oku azini ma eselia, azini afa mi opoari eri asi ndriza be indi! 43E’yo ’diri ’ye i ma vu ngoni ya, Opi mani ma andrini ecazu ma vu ’donini ya? 44Mi ndre, o’duko mini ma zizuri ka eca ma bilia ra, mva mbu ma alia ayikosi. 45#Luk 1:20; 11:28Te ’ba a’ipiri ovu drilebaru; e’yo nde Opini ’yole tiniarini ngale ovule ’yezarurisi.
46 #
1 Sam 2:1-10
Mariamu nga ’yo ra, Asi mani eri e’yo Opini inzi,
47orindi mani ovu ayikosi Mungu ma Papirisi,
48 #
1 Sam 1:11; Luk 1:25; Zab 113:5, 6; Luk 11:27 a’disiku eri ndre ati’bo zanaro erini ma candi ’bo.
Te emi ndre, engazu curu’do a’bianzi dria yi nga ma omve drilebaru;
49 #
Zab 111:9
a’disiku ’ba ovupi okpo be turi ’ye ma vu e’yo amboni,
te ru erini ovu alatararu.
50 #
Zab 103:13, 17 Yiki erini nga eca ’ba eri rupi ’diyi ma dria a’bianzi vusi a’bianzi vusi.
51 #
Zab 89:10; 2 Sam 22:28 Eri ’ye e’yo okporu eri ma wusi,
eri ere ’ba afu be ’diyi asisile yi ma asiarisi ’bo,
52 #
Yob 5:11; 12:19; Zab 147:6; 1 Sam 2:7 eri onze opi oguna driarisi ra, eri ’ba ’ba ele ’diyi uru;
53 #
1 Sam 2:5; Zab 34:10; 107:9 eri fe ’ba abiri be ’diyini trazu afa onyirusi ’bo,
te eri dro ’ba afa e’ipi ’diyi mvizu pirini.
54 #
Isa 41:8; Zab 98:3 Eri ko ati’bo erini Israeli ma aza, ’dini eri ma ega yiki ani,
55 #
E’do 17:7; 18:18; 22:17; Mik 7:20 ekile ndra erini olule a’bi amani ma tia, ada,
Iburahimu pi ma tia ori erini be ’dani ’danirile.
56Mariamu ovu eri be kile mba nale, nga di mvi aku inia ndo.
Yohana baputizi Jepirini osizu
57Etu Elizabetini mva osizuri eca ra, eri osi agimvani, 58’Ba eri ma jotilea ogogo ’diyi pi ori’ba erini pie, yi eri kini Opi ’ba yiki ini eri vu amboru, yi nga ovu ayikosi eri be. 59#Lev 12:3; E’do 17:12Eri nga eca ’dini, 0’du arorisi yi mu mva ma agele lizu; yi ’ye eli omve Zakaria i ati ma ru vusi, 60#Luk 1:13te andrini nga e’yo omvi kini, ’Dini yo; te yi nga runi ’da Yohana’i. 61Yi ’yo eri tia, Ori’ba mini ma azi ’bani runi omvele ’dinini yo. 62Yi nga atini aku drisi lezu eri le ’ba ma omve mva ma ru ngoni yari nizu. 63Eri omve bau e’yo sizu driniari, eri nga si kini, Ru erini Yohana’i. Yi dria nga osu tu. 64Tileniri nga ovu zizaru coti, andreni nga ovu ayuzaru indi, eri nga e’yo ’yo Mungu inzizu. 65Uri eca ’ba dria ovupi yi ma jo ejelea ’diyi vu. E’yo ’diyi nga ku wakaka kpere angu Yudiaa oni dria ururia dria; 66’ba dria eripi ’diyi ’ba e’yo ’diyi yi asia ci, kini, Mva ’diri nga di ofu ’ba ngoniruni ya? A’disiku dri Opini ovu eri be.
E’yo Zakariani eceleri
67Orindi Alatararu nga ga ati Zakaria ma asia tre, eri nga e’yo ondri ’yozu kini,
68 #
Luk 7:16; Zab 41:13; 72:18 Ru Opi Mungu Israelinirini ma ovu inzizaru,
erini ’ba erini andrile azini azi ’ba onzezuri ’yele yi dririsi,
69 #
1 Sam 2:10; Zab 18:2; 132:17 erini o’yu pataniri engale uru,
ama dri ati’bo erini Daudi ma joarisi,
70(ekile erini ’yole nabi erini alatararu ovupi ndra drio ’diyi ma tisirile)
71 #
Zab 106:10
pata nde erini ama pazu ama juru dri,
azini ’ba ama ngupi onzi ’diyi dri driari’i;
72 #
Zab 105:8; 106:45; E’do 17:7; Lev 26:42 yiki ’bazu ama a’bipi vu,
aziza erini alatararuri egazu,
73 #
E’do 22:16, 17; Mik 7:20 oyo nde ndra erini sole a’bi amani Iburahimu vuri’i,
74 #
Tit 2:12, 14 kini eri pa ama juru amani dri ama ma nga azi erini uri kokoru beni,
75o’du amani ovuzuria dria,
e’yo alatararuri pisi eri ma milia e’yo kililiruri be.
76 #
Mal 3:1; Mat 3:3 Te mi indi, mvaa,
’ba yi nga mi omve Mungu ovupi Uru Turi ma nabi’i;
mini ngale mule Opi ma drilia leti erini edezurisi,
77 #
Yer 31:34
fezu suru erini ma ni e’yo patani i erini ezata yini wulerisi,
78 #
Kal 24:17; Isa 60:1, 2; Mal 4:2 asi ndriza yikiru Mungu amanirinisi,
asi ndriza ndesi angu atiza ibi esi ’bua eca ama andrizu
79 #
Isa 9:2; 58:8; Mat 4:16 diza fezu ’ba ripi angu iniciciru dra ma endrilendriari ma alia ’diyi dri, ama dri cezu pa ’bazu geri asi anzuruniria.
80 #
Mat 3:1
M va co ra, orindi erini eca Okporu, eri ovu angu didia de nga o’du erini i ecezu Israeli vuri ecani ku.
Currently Selected:
Luka 1: LB66
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.
