Yohana 7

Yesu ma adripini eri a’izu kuri

1 # Mar 9:30; Luk 9:51 E’yo ’diyi ma vutia Yesu ad Galilia; te eri leni aci Yudiaa ku, ’ba Yahudini yini ndrule eri fuzurisi. 2#Lev 23:34; Azi 16:13Isu omu ’ba Yahudini, omu ’bani nyale borokoari, eri eca ogogo, 3#Yoh 2:12; Mat 12:46; ’Yeta 1:14Adripi erini nga di ’yo eri ma tia ani, Mi ku angu ’dori, mi mu Yudiaa, ’ba mini imbale ’diyi ma ndre ’yeta mini mini ’yele ’diyi indi beni. 4Te ’ba lepi i e’dapi mgboruri ma aluni ’yeni e’yo ndindiru ku. Mi ka e’yo ’diyi ’ye, mi ece mi ngulupi nyaku dri. 5#Mat 13:55Te ka adripi erini ti, yi a’ini eri ku. 6#Yoh 2:4Yesu nga ’yo yi tia ani, O’du mani ecani nga ku, te o’du emini eri ’dere ’dani. 7#Yoh 15:18Nyaku econi emi nguzaru onzi ku, te erii ngu ma’i, mani e’yoni ma eti nzele kini ’yeta erini onzirisi. 8Emi tu mu omua; ma ngani tu omu ’diria nga ku, o’du manini ecale nga parinia kurisi. 9Eri ka e’yo ’diyi ’yo yi tia ’bo, eri ovu ’dani Galilia.

Yesuni muzu omu nyale borokoaria

10Te adripi erini ka tu mu omua ’bo, eri nga di tu mu alu indi, muni mgboru ku, te ndindirule. 11’Ba Yahudini nga di eri ndru omu ma alia ani, kini, Agu nderi ngoa ya? 12’Ba ongulumuru ono yi eselia erisi tu. ’Ba azini ’diyi kini, Eri ’ba onyiruni; azini kini, ’Dini yo, te eri ’ba ongulumuru ici. 13#Yoh 9:22; 12:42; 19:38Te ’ba aluni ’yoni eri ma e’yo mgboru ku, yini ’ba Yahudini rulerisi.

14Te o’du omuni ’diyi ka ca agadua ’bo, Yesu tu fi hekalua ’ba imbazu. 15#Mat 13:54; Luk 2:47’Ba Yahudini yi osu tu kini, ’Ba ’diri ni buku lazu ngoni ngoni ya, de imbani ndra nga eri ku? 16#Yoh 12:49Yesu nga di e’yo omvi yi tia kini, Imbata mani eri maniri ku, te ’ba ma ti epepiriniri’i; 17te ’ba azini ka le e’yo erini leleri ’ye, eri nga imbatani ni ra, kani eri ibi enga Mungu vu, kani ma e’yo ’yo ma drisi yani. 18#Yoh 5:41, 44’Ba e’yo ’yopi i drisiri eri i ma ngulupi ma diza ndru’i; te ’ba ’ba eri ma ti epepiri ma diza ndrupiri, eri ’ba adani, e’yo onzi vini eri ma alia yo. 19#Yoh 5:16, 18, 47; ’Yeta 7:53; Rum 2:17-29Musa feni ndra azita emi dri ku ya? Te ’ba alu emi eselia azita nde ’yepini yo. Emi geri ndru ma fuzu a’disi ya? 20#Mar 3:21; Yoh 8:48, 52; 10:20’Ba ongulumuru omvi e’yo, Mi orindi onzi be! A’dini geri ndru mi fuzuni ya? 21#Yoh 5:16Yesu nga e’yo omvi ’yo yi tia, Ma ’ye azi alu ’bo, emi dria osu tu ani. 22#E’do 17:10; Lev 12:3Musa fe emi dri agele lizani (te di, engani Musa vu ku, te a’bipi vu); o’du sabatonisi emi di adri ’ba ma agele li. 23#Yoh 5:9Te ’ba ka agele liza a’i o’du sabatonisi, azita Musani kazu ovuzu ezazaru ku beni, emi di ovu adrasi ma vu mani ’ba pi ma rua atile dria alaru o’du sabatonisirisi ya? 24#Yoh 8:15Emi ma li e’yo ’ba ndrezu milesi ku, te emi li e’yo kililiru.

’Di Kristo’i ya?

25 # Yoh 7:19 ’Ba Yerusalemua ’diyi ma azi nga di ’yo ani, ’Dori agu ’bani gerini ndrule eri fuzuri’i ku ya? 26Te mi ndre, eri e’yo olu mgboru te ’ba ’yoni e’yo azini eri tia ku! Kani ’ba ’wara ni di ada ada ’ba ’diri eri Kristo’i ya? 27#Yoh 7:41Te di ama ni pari ’ba ’dirini ibizu engazuri ra; te Kristo ka emu ra, ’ba aluni ngani pari erini ibizu engazuri ni ku. 28Yesu nga di tre o’duko urusi hekalua, erini ’ba imbaria, ’yo kini, Emi ni ma ra, emi ni pari mani engazuri indi. Ma emuni ma drisi ku, te ’ba ma ti epepiri eri adaru, emini nile kuri’i. 29#Mat 11:27Ma ni eri ra, mani enga ale eri vurisi, eri pe ma tini. 30#Yoh 8:20; 13:1; Luk 22:53Yi ndru eri bizu; te ’ba aluni dri ’bapi ruaniani yo, eri ma etuni ecale nga kurisi. 31#Yoh 8:30; 10:42; 11:45; 12:42Te ’ba kakau ’ba ongulumuru ma eselia a’i eri ra; yi ’yo kini, Kristo ka emu ra, eri nga eceta ’ye kakau aga ’ba ’dirini ’yele ’diyi ra ya?

Asikari ti pezu Yesuni bizuri

32’Ba Farisaini eri ’ba ongulumuruni e’yo ’diyi onoria eri ma e’yosi, kuhani ambo piyi ’ba Farisaini be nga di asikari yini ti pe eri bizu. 33#Yoh 13:33Yesu nga di ’yo ani kini, Ace nga were ma ovu emi eselia, ma nga di mu ’ba ma ti epepiri vu ndo; 34#Yoh 8:21; 13:36; 17:24emi nga ma ndru ra, te emi ngani ma isu ku; emi econi muzaru pari mani ovuzuria ku. 35’Ba Yahudini nga ’yo yi eselia ani kini, ’Ba ’diri nga mu ngoaru, amani ngazu ani eri isuzu ku? Eri nga mu ’Ba yi Erepi ’ba Girikiru ’diyi ma eselia ’diyi vu, ’ba Girikini imbazu indi? 36E’yo erini ’yole kini, Emi nga ma ndru ra, te emi ngani ma isu ku; azini, Emi econi muzaru pari mani ovuzuria ku, ’diri a’di e’yoni ya?

Yi arayi idriruni ’diyi

37 # Lev 23:36; Yoh 4:10, 14 O’du omuni i dezurisi, o’du nde o’du amboni, Yesu nga pa so, nga tre o’duko urusi kini, Yi avijo ka ’ba fu ra, eri ma emu ma vu, ma mvu beni. 38#Eze 47:1, 12; Zek 13:1; 14:8; Yoe 2:28; 3:18; Isa 44:3; 55:1; 58:11’Ba ma a’ipiri, yi ara yi idriruni ’diyi nga era eri ma aliarisi, ekile e’yo sizani ’yolerile. 39#Yoh 16:7; 2 Kor 3:17Te eri ’yo e’yo ’diri Orindi ’ba eri a’ipi ’diyini ’yele a’ileri ma e’yosi; te Orindi ovuni nga fezaru ku, de nga Yesu fini diza erini ma alia ku,

’Bani agata gazu Yesusiri

40 # Yoh 6:14; Azi 18:15 ’Ba azini ’ba ongulumuru ma eselia ka e’yo ’diyi eri ra, nga di ’yo ra, ’Ba ’diri nabi nderi’i adaruri’i. 41#Yoh 1:46’Ba azini kini, ’Ba ’diri eri Kristo’i. Te ’ba azini kini, Kristoni nga enga Galilia ra ya? 42#2 Sam 7:12; Mik 5:2; Mat 2:5, 6; 22:42; Zab 89:3E’yo siza ’yoni Kristoni nga efu ori Daudini ma alia, engazu aku Betelehemua pari Daudini ovuzu ndra okori ma alia ku ya? 43#Yoh 9:16Agata nga efu ’ba ongulumuru ma eselia ani erisi, 44#Yoh 7:30’Ba azini yi eselia le eri bi, te ’ba aluni ’bani yi dri ruania ku.

’Ba aluni ’yoni agu ’dirile ku

45 # Yoh 7:32 Asikari emvi emu ani kuhani amboru ’diyi pi vu ’ba Farisaini be; ’ba ’dayi ’yo yi tia, Emi ejini eri ku a’disi ya? 46#Mat 7:28, 29Asikari yini nga e’yo omvi ani kini, Engazu drio ’ba aluni ’yoni ekile agu ’dirini ’yolerile ku 47’Ba Farisaini nga e’yo omvi yi tia, Fe vini emini abazu alu indi ya? 48#Yoh 12:42’Ba ’wara ’diyi ma azi ’ba Farisaini be a’i eri ra ya? 49Te ’ba ongulumuru azita nipi ku ’diyi yi ovu trita be yi ma dria. 50#Yoh 3:1-2Nikodemu ’ba ndra emupi Yesu vu oko, ovupi yi ma eseliari, ’yo yi tia, 51#Azi 1:16, 17; 19:15Azita amani adri e’yo ’bani li de nga ’ba erini e’yo agu nderi ma tia, e’yo erini ’yeleri nizu oko raka ku ya? 52#Yoh 1:46; 7:41Yi nga e’yo omvi, ’yo eri tia, Mi alu indi mi Galiliouni ya? Mi ndru, mi ndre indi kini nabi aluni engani Galilia ku.

53 # Yoh 4:12 ’Ba dria alu alu mu yi akua,

Currently Selected:

Yohana 7: LB66

Highlight

Copy