E’doza 17

Agele lizari ecetaru e’yo azizani

1 # E’do 5:22; Yob 1:1 Iburamu ma eli ka ca kali oromi drini oromi, Yehova nga i e’da Iburamu dri, nga ’yo eri ma tia kini, Ma Mungu Okpoe’ini; mi aci 2#Gal 3:17, 18ma milia ovuzu ezatakokoru. Te ma nga aziza mani azi ama eselia mi be,ma nga fe mi ezu tre tu. 3#Efu 3:6Iburamu nga i eco o’bukuru va; te Mungu nga e’yo ’yo eri ’be kini, 4Te ma’iruni, mi ndre, aziza mani ovu mi be ’bo, mi nga ovu suru o’biru ma ata. 5#Rum 4:17Yi ngani mi ru omve Iburamu’i dika ku, te ru mini nga ovu Iburahimu’i; mani mi ’bale suru o’biru ma ataru ’borisi. 6Ma ,nga mi ’ba efi kazu tu; ma nga fe suru ndu ndu ma enga misi, opi ambo ambo ’diyi nga enga mi alia. 7#Luk 1:55; E’do 26:24; 28:13; Ebra 11:16; Rum 9:7-9Ma nga aziza mani ’ba ama eselia mi be, ori mi vutiari be indi, fezu erini pa sozu kirikiri kpere a’bianzi yini vusi dria, aziza ’dani ’daniriru, mani ovuzu ani Mungu miniru, ori mini mi vutiariniru indi. 8#’Yeta 7:5; Efu 6:7; 29:45; Lev 26:12; Azi 4:37; 14:2; 26:18; Zab 48:14; Eceza 21:7Ma nga angu mini ovuzu alenia ani’baruri fe mi dri, ori mini mi vutiari dri indi, ada angu Kananini dria, ovuzu emi ma afaru ’dani ’dani; ma nga ovu Mungu yiniru.

9 # Zab 25:10 Mungu nga ’yo Iburahimu ma tia, Te mi’iruni, mi ma mba aziza mani ma ta, mi’i ori mini mi vutiari be, a’bianzi yini vusi dria. 10#’Yeta 7:8; Rum 4:11Aziza mani emini ngale tani mbale ovupi ama eselia mi be, ori mini mi vutiari beri eri ’di: ’ba agupiru dria ma li yi agele ra. 11#’Yeta 7:8; Rum 4:11; Gal 6:15Emi nga agele emini ma enyi li; eri nga ovu ecetaru aziza ama eselia emi beri ecezu. 12#Luk 2:21; Yoh 7:22Anzi o’du be aro emi eselia ’diyi dria ma li yi agele ra; ’ba agupiru dria a’bianzi emini vusi, ’ba osile emi vile joari pi, ’ba jele suru andini dri silingisi ovupi emi ma oriru kuri pie dria. 13’Ba osile mi vile joari pi, ’ba mini jele silingi minisiri be, ma li yi agele ecekokoru; aziza mani nga ovu emi ruaa aziza ’dani’daniru. 14#Efu 4:24; Yos 5:2-7’Ba agupiru agele liza kokoru, yini eri ma agele ma enyi lile kuri, ma ja agu nde ’dari ma dri engazu suru erini ma aliasi; eri nyo aziza mani ’bo.

15Mungu nga ’yo Iburahimu ma tia, Te e’yo oku mini Sarainisi, mi ngani eri ma ru omve Sarai ku, te runi ma ovu Sara’i. 16#E’do 18:10; 21:1Ma nga asi ndriza fe eri dri, azini indi ma nga agupimva fe mi dri eri vurisi; ada ma nga asi ndriza fe eri dri, eri nga ovu suru ndu ndu ma andriru; ’ba, opiru suru drilia ’diyi nga enga eri ma alia ra. 17#E’do 18:12; 21:6, 7Iburahimu nga di i eco va o’bukuru, nga gu gu, nga ’yo i ma asia, ’Ba eli be turu aluri nga mva ti ada ya ? Sara ovupi eli be kali oromiri nga mva osi ra ya? 18Iburahimu nga ’yo Mungu ma tia, Isimaeli ka te eco ovu idriru mi milianini, onyiru tu fo! 19#E’do 18:10; 21:2; Gal 4:28-31Te Mungu nga ’yo ra, ’Dini yo, te oku mini Sarani nga mva ti mi drini, mi nga runi ’da Isaka’i. Ma nga aziza mani fe pa sozu eri be kirikiri ovuzu aziza ’dani ’daniru kpere ori erini eri ma vutia ’diyi vu. 20#E’do 16:10; 21:18; 25:12-16Te e’yo Isimaelinisi, ma eri e’yo mini ’bo; mi ndre, ma fe asi ndriza eri dri ’bo, ma nga fe eri ma ka efi tu, ma nga fe eri ma ezu kakau tu; eri nga opianzi oti mudri drini iri, ma nga fe eri ma ofu suru amboru. 21#E’do 21:2Te ma nga aziza mani fe pa sozu Isaka be kirikiri, Sarani ngale tile mi dri ewu va ’dorile eli vilerisiri.

22 # E’do 18:33; 35:9-15 Eri nga ku e’yo ’yoko ja, azini Mungu nga enga Iburahimu vurisi tu ra. 23#E’do 17:9Iburahimuni nga mva ini Isimaeli pi ’du, ’ba dria osile i vile joa ’diyi pie, ’ba dria erini jele i ma silingisi ’diyi pie dria, ada ’ba dria agupiru Iburahimu vile joa ’diyi, nga yi ma agele ma enyi li o’du nde alu ’dasi, Munguni ’yole eri ma tia ’borile. 24Iburahimu ma eli ca de di kali oromi drini oromi, yini eri ma agele liria. 25Mvi Isimaelini de eli be mudri drini na yini eri ma agele liria, 26#Zab 119:60O’du nde ’da ma vusi Iburahimu pi oli yi ma agele mvi Isimaeli be iri tro; 27#E’do 14:14; 18:19oli vini yi be tualu ’ba agupiru eri vile joa ’diyi pi ma agele indi, ’ba jele silingisi ’ba suru andini dri ’diyi pie dria.

Currently Selected:

E’doza 17: LB66

Highlight

Copy