E’doza 13
13
Iburamu pini yi esele cozu Loti beri
1Iburamu nga di fu Misiriarisi ra, eri’i oku erini pie, afa dria erini ovuzu yi be ’diyi pie dria, azini Lotini indi eri be, nga fi angu Uruleruria.
2 #
E’do 24:35; Zab 112:3; O’be 10:22 Iburamu ndra ’ba afa be turi, ti erini piyi, dahabu pie, mele be kakau. 3Eri nga aci ’dani acita erini ma alia engazu angu Uruleruria, kpere Beteli pari ndra erini ma hema asozu ndra okorisi, Beteli pi ma eselia Ai beria, 4#E’do 12:7, 8kpere pari edeta edezu erini ndra edele ’dale okorisiria; Iburamu nga Yehova ma ru omve ’daa. 5Te Loti indi, acipi Iburamu beri, ovu vini kabilo be o’biru, ti pie, hema pie. 6#E’do 36:7; Luk 12:17, 18Te angu nde cani yi dri, yini ovuzu tualu ’dinirisi ku; yi ma afani ovule turisi, econi ani yini ovuzu tualu ku. 7#E’do 26:20Agata nga efu ’ba Iburamu ma ti ocepi ’diyi ma eselia ’ba Loti ma ti ocepi ’diyi be, ’Ba Kananini piyi de ndra angu ndea indi, ’ba Perizini be.
8 #
Fil 2:14, 15; Zab 133:1 Te Iburamu nga ’yo Loti ma tia, Agata ma ovu ama eselia mi be ku, ma zi mi tia, azini ’ba ti mani ocepi ’diyi pi ma eselia ’ba ti mini ocepi ’diyi be ku; te ama adripini. 9#E’do 20:15; Rum 12:18; Ebra 12:14; Yak 3:13-18Angu dria ovuni mi drilia ku ya? Ma zi mi tia, mi co mi esele ma be. Mi ka le mu dri ejia, ma nga di mani mu dri ndia; te mi ka le mu dri ndia, ma mani mu dri ejia. 10#E’do 2:10; Kal 32:1; Azi 34:3; Zab 107:34; E’do 14:2; 19:22, 24Loti nga i mile enga uru, nga Angu Dalakaru Yoridaniniri ndre dria ra, kini yi alenia tu pari dri dria ekile nga Yehovanirile, ekile angu Misirini mini muria Zoariarile; de nga Yehova jani Sodomu pi ma dri Gomora be ku. 11’Dini Loti nga ini Angu Dalakaru Yoridaniniri pe dria, Loti nga mu etuni efurialeru; yi nga di yi ma esele co ndu ndu. 12#E’do 19:29Iburamu ovu di angu Kananinia, te Loti ovu aku Angu Dalakaru ’diyi ma alia, nga i ma hema ji kpere Sodomua. 13#E’do 6:11; 18:20; Eze 16:49; 2 Pet 2:7Isu de ’ba Sodomua ’diyi yi ’ba onzini, e’yo ezapi Yehova vu tu ’diyi.
14 #
Isa 49:18; E’do 28:14 Yehova nga ’yo Iburamu ma tia, Lotini i esele cozu eri be ’boria kini, Mi enga di mi mile uru engazu; pari mini ovuzuria, mi lu angu andraleru, azini uruleru, etuni efurialeru, azini etuni ’derialeru dria; 15#’Yeta 7:5; 2 Sur 20:7a’disiku ma nga angu dria mini ndreleri fe mi dri, ori mini dri, ’dani ’dani. 16#E’do 26:4; Efu 32:13; Kal 23:10; Azi 1:10; 1 Sur 27:23; Yer 33:22; Rum 4:16; Ebra 11:12Ma nga fe ori mini ma ovu kakau irifura nyakuarile; te ’ba ka te eco irifura nyakuari ma kalafe lazaru ra, eri eco te ori mini ma kalafe lazaru indio 17Mi enga, mi aci angu nde ma aliasi, oconi pi ma alia walani be, mani ngale eri fele mi dririsi. 18Iburamu nga di eri ma hema oja, nga emu ovu kumara Mamireni ovupi Hebironia ’diyi ma tia ogogo; eri nga pari edeta edezuri si Yehova dri ’daa.
Currently Selected:
E’doza 13: LB66
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.
