मरकुस 8

यीशु थमां चार जार लोकें गी खाणा खलाना

1उनै धयाडें च, पी बड़ी पीड किठी ओई, ते उन्दे कोल खाण बासतै केछ नेई हा, ते यीशु ने चेलें गी अपने कोल बलाईयै उनेंगी आखया, 2“मिकी एस पीड उपर तरस ओंदा ऐ त्रैं धयाडें थमां ए मेरे कन्ने न, ते इंदे कोल केश खाणे गी नेई ऐ। 3जेकर आऊँ इनेंगी पुखें गै कर पेजां, तां उनै रस्ते च गै थकी जाना ऐ; किके इंदे बिचा केछ बड़ी दूर थमां आए दे न।” 4ओदे चेलें जबाब दिता, “एस सुनी जगै च इन्नी रुट्टी कोई कुत्थुआं लेई आऊग के ए रजी जान?” 5उनेंगी पूछया, “थुआड़े कोल किनीयां रुट्टीयाँ न?” उनै आखया, “सत्त।”

6पी यीशु ने लोकें गी जमीन च बैठन लेई उक्म दिता, ते ओनें सत रुट्टीयाँ लेतीयां ते पर्मेसरे दा शुकर कित्ता ते ओदे टुकड़े करियै चेलें गी दिते के लोकें गी दियो, 7उन्दे कोल थुड़ीयां मछीयां बी थीयां; यीशु ने उन्दे आस्ते शुक्र करियै उनै गी बी लोकें गी बंडने आसतै आखया। 8ते ओ सारे खाईयै रजी गै, ते उनै बचे दे टुकड़े दियां सत टोखरियां परीयां। 9ते उत्थें लग-पग चार जार लोक हे। ओनें उनेंगी विदा कित्ता, 10ते ओ तौलै गै अपने चेलें कन्ने किशती उपर चढ़ीयै दलमनूता जिले च चली गै।

गुरूएं थमां नशानीं दी मांग

11पी फरीसी आईयै ओदे कन्ने बैस करन लगे, ते उसी परखने आसतै उनै ओदे कोलां एक सोर्ग दा कोई चेन्न मंगया। 12ओनें गैरी आत्मा च आखया, “एस पीढ़ी दे लोक कि चेन्न तुपदे न? आऊँ तुसेंगी सच आखना ऐं, के एस पीढ़ी गी कोई नशानीं नेई दिती जाग।” 13ते ओ उनेंगी छुड़ीयै पी किशती उपर बैठे ते गलील दी चील दे दुए पार चली गै।

फरीसियें दे आटे दा खमीर

14ते चेलें रुट्टी लेना पूली गेदे हे, ते किशती च उन्दे कोल सेर्फ एक गै रुट्टी ही। 15ओनें उनेंगी खबरदार करियै आखया, “दिखो, फरीसियें दे खमीर ते हेरोदेस राजा दे खमीर कोलां चकने रवो।” 16ओ एदे बारै च अप्पुं बिचें वचार करा करदे हे। जेड़ा येशु ने आखया, “के साड़े कोल रुट्टीयाँ नेई ऐ न” 17यीशु ने ए गल्ल समझदे ओई उनेंगी आखया, “तोस एस सोच-वचार बेच कि पेई गै के थुआड़े कोल रुट्टी नेई ऐ? के अजें तकर नेई जानदे ते नेई समझदे? के थुआड़ा मन कठोर नेई ओई गीया ऐ? 18अखीयाँ ओदे ओई के तोस नेई दिखदे? ते कन ओदे ओई के तोस नेई सुनदे? ते के तुसेंगी चेता नेई? 19के जेसलै मैं पंज जार लोकें लेई पंज रुट्टीयाँ त्रोड़ीयां, ओसलै तुसैं टुकड़े दियां, किनीयां टोखरियां परीयां?” उनै उसी आखया, “बारा टोखरियां।” 20“ते जेसलै मैं चार जार दे लेई सत रुट्टीयाँ त्रोड़ीयां हियां ओसलै तुसें टुकड़े दियां किनीयां टोखरियां परीयां?” उनै उसी आखया, “सत टोखरियां।” 21ओसने उनेंगी आखया, “के तोस अजें बी नेई समझदे?”

अनें गी चंगा करना

22ओ बेतसैदा च आए ते लोकें एक अन्नें गी ओदे कोल अनदा ते ओदे अगें अर्ज कित्ती के उसी ठीक करै। 23ओ अन्नें दा अथ्थ पकड़ीयै उसी शैर दे बार लेई गीया ते ओदी अखीयाँ उपर थुकया ते ओदे उपर अथ्थ रखियै उसी पूछया, “के तुगी केछ लबा दा ऐ?” 24ओनें दिखियै आखया, “आऊँ मनुक्खें गी दिखना, किके ओ मिगी चलदे-फिरदे बूट्टे आला लेखा लबदे न।” 25पी ओनें दोबारा ओदी अखीयाँ उपर अथ्थ रखया, ते अन्नें ने तयान करियै दिखेया। ओ चंगा ओई गीया, ते सारा केछ साफ-साफ दिखन लगया। 26ओनें उसी ए आखीयै पेजया, “एस ग्रां बेच पैर बी नेई रखयां।”

पतरस थमां यीशु गी मसीह मननां

27यीशु ते ओदे चेलें बी बेतसैदा शैर गी शुडीये कैसरिया फिलिप्पी दे घरां च चली गै; रस्ते च ओनें अपने चेलें गी पूछया, “लोक मिगी के गलांदे न?” 28उनै जबाब दिता, “यूहन्ना पवित्रशनांन देने आला; पर कोई-कोई, एलिय्याह; ते कोई-कोई पविखवक्तें बिचा बी एक गलांदे न।” 29ओनें उनेंगी पूछया, “लेकन तोस मिगी के बोलदे ओ के मैं कोन ऐ?” पतरस ने उसी जबाब दिता, “तू मसीह ऐ।” 30पी ओनें उनेंगी समझांदे ओई गलाया के तोस मेरे बारै च कुसे कन्ने नेई बोलयो।

यीशु दा अपनी मौत दे बारै च सनानां

31पी ओ उनेंगी शिखया देन लगया के मनुक्ख दे पुत्तर लेई जरुरी ऐ के ओ दोख चलया, ते प्राचीन, प्रधान याजकें, शास्त्री उसी तोच्छ समझीयै मारी ओड़गन, ते ओ त्रिये देन च जिन्दा ओई जाग। 32ओनें ए गल्ल साफ-साफ बोली ओड़ी। एस उपर पतरस उसी बखरै लेईयै निखरना लगया, 33लेकन ओसने मुड़ीयै अपने चेलें दी बखी दिखया, ते पतरस गी डाटीये आखया, “ए शतान, मेरे अग्गें दा दूर ओ; किके तू परमेसर दियें गल्लें उपर नेई, लेकन मनुक्खें दी गल्लें उपर मन लाना ऐं।”

चेला बनने दा मतलब

34ओनें पीड गी अपने चेलें समेत कोल बलाईयै उनेंगी आखया, “जेड़ा मेरे पिछें औना चा, ओ अपने आप दा एनकार करै ते अपनी सूली चुकियै, मेरे पिछें आई जा। 35किके जेड़ा कोई अपना प्राण बचाना चा ओ उसी गुआग, लेकन जेड़ा कोई मेरे ते शोभ समाचार लेई अपना प्राण देग, ओ उसी बचाग। 36जेकर मनुक्ख सारी दुनिया गी आसल करी लै ते अपने प्राण दा नुक्सान करग, तां उसी के फायदा ओग? 37मनुक्ख अपने प्राण दे बदलै के देग? 38एसकरी जेड़ा कोई एस व्यभिचारी ते पापी जाती दे बेच मेरे कन्ने ते मेरी गल्लें कन्ने शरमिन्दा ओग, मनुक्ख दा पुत्तर बी, जेसलै अपने प्यो दी मैमा च पवित्र सोर्गदूतें दे कन्ने औग, ओसलै आऊँ उन्दे लेई बी शरमिन्दा ओगा।”

Currently Selected:

मरकुस 8: DOG

Highlight

Copy