Zekaliya 11
11
Kuzundwa kwabasikudyaminina
1Jalula milyango yako, O Lebanoni, kutegwa mulilo usyukute milombe yako!
2Amulile nomipulanga, nkaambo milombe yamana,
misamu mibotu yanyonyoonwa!
Amulile nomibanga yaku Basyani, lusaka lwamana kutemwa!
3Amuswiilile kulila kwabeembezi, macezezyo mabotu anyonyoonwa!
Amuswiilile kutimba kwabasyuumbwa, zyoonde zyamu Jolodani zyanyonyoonwa!
Zyabeembezi bobilo
4Mboobu mbwaamba Mwami Leza wangu ulati, “Embela mbelele ziyandika kujaigwa. 5Bazyuula balazijaya pele tabasubulwi pe. Aabo bazyuulisya balati, ‘Aalumbwe Mwami Leza, ndanota! Ndavuba!’ Beembezi babo tabazileki pe.
6“Nsikabeeteleli limbi bantu bamunyika, mbwaamba Mwami Leza. Umwi aumwi njoomwaaba kumweenzinyina akumwami wakwe. Bayoodyaminina bantu bamunyika, nkabela nsikabavuni kuzwa kulimbabo pe.”
7Nkaako ndakeembela mbelele eezyo ziyandika kujaigwa, kapati eezyo mbelele zidyaminidwe. Mpawo ndakabweza misako yobilo, umwi ndakuuulika kuti, “Uyandwa umwi ndakuuulika kuti Luswaangano, mebo ndakeembela butanga.” 8Mumwezi omwe ndakatanda beembezi botatwe. Mbelele zyakanditija, nkaako ndakakatazigwa kapati akaambo kanzizyo 9eelyo ndakati, “Nsikooba mweembezi wanu pe. Eezyo zifwa kazifwa buyo, eezyo ziloba kaziloba. Eezyo zyasyaala kazilyana buyo.” 10Mpawo ndakabweza musako wangu uutegwa Uuyandwa, ndakuutyola, ndamanizya cizuminano eeco ncindakacita amisyobo yoonse. 11Cakamanizigwa mubuzuba oobo, aboobo bazibamba mbelele bakandilangilide bakaziba kuti ndakacita oobo akaambo kamajwi aa Mwami Leza. 12Ndakabaambila kuti, “Kuti naa muyeeya kuti ncibotu, amundivozye, pele kuti naa pe, mutandivozyi buyo.” Nkaako bakandivozya mali aansiliva aali makumi otatwe.
13Mwami Leza wakati kulindime, “Amwaawaale muciyobwedo camali,” ooyo ngomuulo ngubakanduuzya! Aboobo ndakabweza mali aansiliva aayo aali makumi otatwe akwaasowela muciyobwedo ca ŋanda ya Mwami Leza. 14Mpawo ndakatyola musako wangu wabili uutegwa Luswaangano, ndakamwaya bunyina akati ka Juda a Isilayeli.
15Mpoonya Mwami Leza wakati kulindime, “Bweza alimwi zibelesyo zyamweembezi mufuba-fuba. 16Nkaambo ndiyanda kuleta mweembezi munyika uutakabambi zisweekede nokuba kuyandaula bana bambelele, nokuba kusilika ziliciside, nokuba kusanina zyuumbulu, pele uyoolya nyama yambelele zineneede, uyookwamauna nsumba zyazyo. 17Maawe kumweembezi mubi, uutija butanga! Ayaswe apanga ajanza lyakwe, aumwe aliso lyakwe lyalulyo! Janza lyakwe alipuutilile limwi, liso lyakwe lyalulyo lifwide limwi!”
Currently Selected:
Zekaliya 11: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
