Intembauzyo 8
8
Lwiimbo lwa Devedi, mweendelezi aimbye bwiimbwa nyimbo zyagititi
1O Mwami, Simalelo wesu, akaka zina lyako ndipati
akati kabantu bamisyobo yoonse ansi.
Bulemu bwako bulainda azyoonse zyakujulu.
2Watondezya nguzu zyako mumajwi aabana bamvwanda.
Basinkondonyoko bazundwa babula amputo.
3Ndabona zyakujulu, akuti maanza aako ngaakazibamba,
mwezi anyenyezi eezyo nzyookabikka mumasena aazyo,
4ndati ino muntu ninzi kuti komulanganya?
Muntu uulya maila ninzi kuti komubamba?
5Nikuba boobo O Mwami okamulenga kuti abe musyoonto buyo kulinduwe.
Alimwi wamusamika musini wabulemu bupati.
6Wakamucita kuti aendelezye milimo yamaanza aako.
Wakamuzundya wabikka zintu eezi zyoonse kunsi aamaulu aakwe,
7banyama bavubwa abamusokwe,
8zyuuluka, nswi zyamumaanzi, alimwi azimpangaliko zyamumaanzi.
9O Mwami Simalelo wesu, akaka zina lyako ndipati akati
kabantu bamisyobo yoonse yaansi.
Currently Selected:
Intembauzyo 8: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
