Intembauzyo 5
5
Lwiimbo lwa Devedi, mweendelezi aimbye bwiimbwa nyimbo zyamitetete
1Koteya kutwi kumajwi aangu, O Mwami Leza.
Koswiilila kutongela kwangu.
2Swiilila mbwelilila lugwasyo O Mwami, O Leza wangu,
nkaambo nduwe ngwenkomba.
3O Mwami Leza, cifumo-fumo lyoonse ulamvwa jwi lyangu,
alimwi cifumo-fumo lyoonse ndakukumbila akulangila.
4Yebo toli Leza uubotelwa bubi pe,
zibi tazikonzyi kukkala anduwe.
5Balisumpula tabakonzyi kwiima kumbele lyako.
Ulibasulide boonse bacita zibi.
6Ulanyonyoona babeja. O Leza, ulasesemwa abasilweeno batila bulowa.
7Pele mebo, muluzyalo lwako lupati, ndanjila muŋanda yako.
Ndakomba mucikombelo cisalala cakukulemeka.
8Kondeenzya mubululami, O Mwami Leza,
akaambo kabasinkondoma. Lulamika nzila yako kulindime.
9Milimo yabo tayaambi zyamasimpe.
Mumyoyo yabo muzwide lunyonyooko.
Kameneno kabo ncuumbwe cikwazeme.
Baupaika buyo amilaka yabo.
10Ubaambilizye kuti balizulidwe, O Leza.
Abawe mumakanze aabo beni.
Kobatanda akaambo kazibi zyabo zinji nkaambo bakuzangila.
11Kobaleka boonse bajana mayubilo mulinduwe basekelele,
abaimbe cakusekelela lyoonse.
Kobakwabilila aabo bayanda zina lyako bakutangalile.
12Nkaambo nduwe ooleleka baluleme, O Mwami Leza.
Ulabakwabilila aluse lwako mbuli ntobo.
Currently Selected:
Intembauzyo 5: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
