Intembauzyo 32
32
Lwa Devedi Masikili
1Ooyo muntu uulekelelwa milandu yakwe ulilelekedwe, iiyi,
ulilelekedwe ncobeni ooyo uuzimaanyizilwa zinyonyoono zyakwe.
2Ooyo Leza ngwatabikkilili cinyonyoono ulilelekedwe,
nguwe ooyo uutajisi lweeno mumoyo wakwe.
3Ndakagonkelwa nindatakalyaambilila mulandu wangu,
buzuba abuzuba ndakali kwiide kutongela.
4Janza lyako lyakali ndidyaaminide sikati amasiku,
mbubonya buyuminizya zuba lyamweto, mbuzyakayuminina nguzu zyangu.
5Kuli nduwe nkundakalyaambilila zinyonyoono zyangu,
bubi bwangu nsiindakabuvumbilila pe, ndakati, “Njoolyaambilila
milandu yangu ku Mwami Leza.” Lino yebo okalekelela mulandu wangu.
6Ciindi camapenzi baluleme boonse abakombe kuli nduwe,
masimpe, ooko nkobabede maanzi manji naapaya buti taakooyoosika pe.
7Ciyubilo cangu nduwe, alimwi mumapenzi nduwe oondikwabilila,
nnyimbo zyalufutuko lwako nzyetiimbe, nkaambo wandivuna nduwe.
8Nzila njoelede kutobela njookuzibya akukuiisya,
njookulangilila nkekulailila.
9Mutabi mbuli bbiza naa myulu zitakwe luzibo,
zibikkwa tuzangala kumulomo, mukuti zikkale anduwe.
10Balijisi mapenzi manji basizibi,
pele kuli yooyo uusyoma Leza,
kuli luyando lwa Mwami Leza lutazungaani,
lulimuzingulukide ooyo uumusyoma.
11Nyoonse nobalulami amubotelwe muli Leza,
nyoonse nomululeme myoyo amusekelele.
Currently Selected:
Intembauzyo 32: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
