Mateo 27
27
Yesu byo bamutwajile kwi Pilato
(Mako 15:1; Luka 23:1-2; Yoano 18:28-32)
1Kabiji pa kukya lukeelo, bang'anga bakatampe bonse ne bakulumpe ba bantu bamuchibijile kije Yesu amba bamwipaye. 2Kepo bamukashile kabiji bamutwajile ne kumupana kwi Pilato, ndamakyalo.
Lufu lwa Yudasa
(Byubilo 1:18-19)
3 #
Byu 1:18,19 Ponkapo Yudasa awa wamusolwele, pakuyuka amba wazhatwa walapijile, wibabwezhejile bang'anga bakatampe ne bakulumpe aa mali makumi asatu. 4Amba, “Nalenga mambo byo napana ku lufu muntu wabula mambo.”
Kumvwa abo amba, “Na ka mambo obe.”
5Ne aye watayile mali mu nzubo yazhila ya Lesa kabiji wafuminemo wakekujikile mwine.
6Kabiji bang'anga bakatampe bashikwile mali amba, “Kizhila kwiataya mu kilambwilo, mambo oa lupoto lwa mashi.” 7Kabiji pakumvwang'ana bapotele bujimi bwa mbumbi wa mapuki amba bazhiikengamo benyi. 8Onkao mambo ne leelo abwa bujimi bebutongola amba, “Bujimi bwa mashi.” 9#Zeka 11:12,13Ponkapo kyafikile akya kya ambile Yelemiya ngauzhi amba, “Kabiji bashikwile mali makumi asatu, lupoto lwa yewa ye banengezhejile lupoto bamo bena Isalela, 10kabiji bapotele bujimi bwa mbumbi wa mapuki, monka mo ankambizhizhe Nkambo.”
Yesu ku meso a Pilato
(Mako 15:2-15; Luka 23:3-5; Yoano 18:33)
11Kabiji Yesu waimene ku meso a ndamakyalo; kepo ndamakyalo amwipwizhe amba, “Obewa wi mfumu wa Bayudea nyi?”
Kumvwa Yesu amba, “Mwafikilapotu.” 12Kabiji byo bamushinawijile ku bang'anga bakatampe ne bakulumpe, wazhindaminepotu. 13Ponkapo Pilato wamwambijile amba, “Kechi waumvwa byavula byo babena kukushinawina nenyi?”
14Kabiji aye ne kukumbulapo nangwa ka kyambo kamotu ne. Onkao mambo ndamakyalo wakuminye bingi.
15Kabiji mu moba a kijiilo aye ndamakyalo wakelelwenga kwijikasulwila jibumba kaili umo, ye basakile abo bene. 16Kabiji bajinga na kaili wayukanyikilwe ku bonse, jizhina janji Balabasa. 17Kepo byo bapwijile pamo bonse, Pilato wibepwizhe amba, “Mwasaka nemukasulwile ng'anyi? Balabasa nyi, inyi Yesu yebateela amba, Kilishitu?” 18Pakuba aye wayukile amba, bamufikizha kuno na mambo a kichima.
19Kabiji byo aikajile pa kipona kya kije, mukazhanji watumine jiwi kwi aye amba, “Mumuleketu ao muntu waoloka, mambo leelo namulabukila byatama byavula.”
20Kabiji bang'anga bakatampe ne bakulumpe beakanjikiizhe mabumba amba, “Tulombelai Balabasa, Yesu tumonaune.” 21Kabiji ndamakyalo wibepwizhe amba, “Ng'anyi wa pabano babiji ye musaka nemukasulwile?”
Kumvwa abo amba, “Balabasa!”
22Pilato wibambijile amba, “Nanchi ikika kyo nsakumuuba Yesu, yebateela amba, Kilishitu?”
Kumvwa bonse amba, “Bamupope pa musalabu.”
23Kumvwa aye amba, “Nanchi, leelo kyabipa kyo auba ikika?”
Kepo babijikishe bingi kyakila amba, “Bamupope pa musalabu!”
24 #
Mpitu 21:6-9
Kabiji Pilato pa kumona amba kechi wamona mwa kwibakayinya ne, kabiji kiwowo kikatampe ke kibuuke, watambwile mema ka owe ku maboko ku meso a jibumba amba, “Nefungako mu ano mashi a yiwe muntu waoloka! Mambo enu anweba bene!”
25Kabiji bantu bonse baitabile amba, “Mashi anji etushinkamane atweba ne baana betu.”
26Ponkapo wibakasulwijile Balabasa, pakuba Yesu wamututawile, ne kumupana amba, bamupope pa musalabu.
Yesu byo bamwendelekele ku bashilikale
(Mako 15:16-32; Luka 23:26-43; Yoano 19:2-3)
27Ponkapo bashilikale bakwa ndamakyalo, bamutwajile Yesu mu kipango kya ndamakyalo, ne kwita bonse bamu kiombe kyabo. 28Kabiji bamuvujile bivwalo byanji, ne kumuvwika kivwalo kyachijisha. 29Kabiji balukile munchinya wa miba ne kumuvwika ku mutwe wanji, ne jitete mu kuboko kwanji kwa kilujo, kabiji bamufukamijilenga panshi, ne kumwendeleka amba, “Mutende, Mfumu wa Bayudea!” 30Kabiji bamushipijile mate, ne kumwangata jitete ne kumupumajo mu mutwe. 31Ne pa kupwisha kumwendeleka, bamuvujile kivwalo, ne kumuvwika bivwalo byanji mwine, ke bamutwale na kumupopa pa musalabu.
Yesu byo bamupopele pa musalabu
32Kabiji byo balupukile, bamwene muntu mwina Kilene, jizhina janji Shimona, ye bakanjikizhe amba, “Tuye ne obewa usende musalabu wanji,” 33Kabiji pakufika kuntu kobateela amba Ngolongota, ko kuuba amba, “Kuntu kwa kiboyongolo.” 34#Sala 69:21Bamupele binyu byavwangakana na ndulu amba, atome kabiji pa kutompapo, kechi waswile kutoma ne. 35#Sala 22:18Kabiji bamupopele pa musalabu, kasa bataaya bubale bwa kwiabenya bivwalo byanji. 36Kabiji baikajile konka na kumutala. 37Kabiji babikile peulu ya mutwe wanji kishinawino kyanji kyanembelwe amba, “UNO YE YESU MFUMU WA BAYUDEA.” 38Kepo bapopeleko pa misalabu pamo nanji batupondo babiji bapukula bintu, umo ku kilujo, mukwabo ku kipiko. 39#Sala 22:7; 109:25Kabiji abo bapichilenga konka bamubilenga mwenga kasa benauna ku mitwe yabo ne kwamba amba, 40#Mat 26:61; Yoa 2:19“Obewa onauna nzubo yazhila ya Lesa, ne kwiishimikulula mu moba asatu! Ipulushe obewa mwine umvwe wi Mwana Lesa, ikila ku musalabu!” 41Byonkabyo ne bang'anga bakatampe nabo bamwendelekelenga pamo ne banembeshi ne bakulumpe amba, 42“Wibapulwishenga bakwabo; bino mwine kechi wakonsha kwipulusha ne. Ye Mfumu wa Isalela; pano ekile pa musalabu bino tumwitabile! 43#Sala 22:8Wamuketekejile Lesa pano amupokolole umvwe wamuswa, mambo wa ambilenga amba, ‘Ne Mwana Lesa!’” 44Ne batupondo bapopelwe nanji, nabo bamwendelekelenga.
Lufu lwa Yesu
(Mako 15:33-41; Luka 23:44-49; Yoano 19:28-30)
45Kabiji kufuma pa kushinkimana juba kwaishile mfishi yakumbene ponse pano pantanda, kufika ne pa kulemba juba. 46#Sala 22:1Kabiji pa kulemba juba, Yesu wabijikile na jiwi jikatampe amba, “Eli, Eli, lema sabakatani?” Ko kuuba amba, “Lesa wami, Lesa wami, wandekela ka?”
47Bamo baimene konka byo baumvwine ba ambile amba, “Uno ubena kwita Elaija!” 48#Sala 69:21Ponkapotu umo wa mwi abo wayile lubilo, wakashikwile shipanja, ne kumuyuzha na binyu byasasa, ne kumusomeka ku jitete ne kumupa amba afyompeko.
49Kabiji bakwabo ba ambile amba, “Kilekai tumone kana Elaija usakwiya na kumupulusha.”
50Kabiji Yesu wabijikile jibiji na jiwi jikatampe ne kuleka walekele mweo wanji.
51 #
Lupu 26:31-33
Kabiji ponkapo kipembe kya mu nzubo yazhila ya Lesa kyatabukile ke bibiji, kufuma peulu ne kufika panshi. Ne mushiji watenkene ne mabwe nao alalaikile, 52ne bilende nabyo bya lajikile; kabiji mibiji yavula ya bazhijikwa bafwiile kala, nayo yasangwilwe. 53Ke balupuke mu bilende byo asangukile Yesu, batwelele mu muzhi wazhila ne kumweka ku bantu bavula.
54Kabiji mukulumpe wa bashilikale, ne abo bo ajinga naabo na kumutala Yesu, pa kwikimona kitentanshi, ne bintu byaubilwe, ke moyo mukatampe amba, “Kine uno wajinga Mwana Lesa!”
55 #
Lu 8:2,3 Kabiji kwajinga banabakazhi bavula kasa baimana kwalepa na kumutala, bonkaba bamulondejilenga Yesu kufuma ku Ngalilea na kumwingijila. 56Mwi abo mwajinga Maliya wa ku Magadala, ne Maliya inanja Yakoba ne Yosefwa ne ina baana ba Zebede.
Kubikwa kwa Yesu mu kilende
(Mako 15:42-47; Luka 23:50-56; Yoano 1:38-42)
57Kabiji juba pakufika mabanga, kwaishile munonshi mwina Alimatea, jizhina janji Yosefwa, ne aye wajinga mwana wabwanga wa Yesu. 58Aye wakamulombele Pilato mubiji wa Yesu. Pilato kepo akambiizhe amba bamupe. 59Kabiji Yosefwa wasendele mubiji wa Yesu, wamupombele mu kisapi kyatoka kya linenyi, 60ne kumubika monka mu kilende kyanji mwine kya katataaka, kyoasongele mu jibwe. Ne aye wa alumwijileko jibwe jikatampe ku kibelo kya kilende kabiji wafumineko. 61Kwajinga Maliya wa ku Magadala ne Maliya mukwabo, baikajile kasa batalang'ana na kilende.
62Kabiji juba jalondejilepo, jo juba jalondakana na ja kunengezhezha jimo bya kijiilo, bang'anga bakatampe ne Bafaliseo bapwijile kwi Pilato amba, 63#Mat 16:21; 17:23; 20:19; Mako 8:31; 9:31; 10:33,34; Lu 9:22; 18:31-33“Mwane nkambo twavuluka byo a ambile awa mujimbijimbi byo akijinga mumi amba, pakupitapo moba asatu ukasanguka. 64Onkao mambo mukambizhe amba kilende bekilame bulongo poso jikafike juba ja busatu, kuchiina amba baana banji babwanga bakamwangatamo, ne kwibabuula bantu amba wasanguka mu bafu. Byonkabyo bujimbijimbi bwapelaako bukakila butanshi.”
65Pilato wibambijile amba, “Bakalama muji naabo yainga, ne kwikilamisha byonka byo mwayuka kuuba.”
66Kabiji ke baye ne kuya, bekilamine kilende, ne kubikako kateetesho ku jibwe, bakalama kasa baji konka.
Currently Selected:
Mateo 27: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
