St. Luka 20

1Ko akol tok, na yen aci koyc nyic ghûn e Dén-did-ic, ko aci uét, acî kût nim e tit ko koyc e gor keke koyc did, 2ko aci lek yen: Leke ghôg, yin a ryeló a loy kan? Kó ye-nga aci yin yek ryelé? 3Lone Yesus aci bêr ko aci lek kêk: Ghên ayá abi uêk wtyèc uet tok; bêrke ghên; 4Lak e Yoannes etong wnyal kó etong koyc? 5Ko kék aci tak ke rot ko aci luel: na ghóg a luel, etong wnyal, yen abi luel: ko yekan, ye-ngu uêk akeyʼ yen gam? 6ko na ghôg abi luel: etong koyc, koyc eben abi ghôg bòg; ké kêk a gam Yoannes ye ran e ting. 7Ko kêk aci bêr, kêk a kuyc yen etong teno. 8Ko Yesus aci lek kêk: Ghên ayá aci bi lek uêk e ryeló ghên a loy kan.

9Lone yen aci gol bi lek koyc luopé: Ran aci bid gor abyèc ko aci yen ryop etong koyc e pur, ko yen aci jal ghon cuec. 10Ko glioné yen aci aloang-de tōc etong koyc e pur bik yek yen ryop e gōr. Kak aci yen tât ko aci yen loyn ghabac. 11Ko yen aci aloang dé tōc. Lone kak aci kan tât ayá ko aci yen loyn ghabac. 12Ko ayá aci tōc callic; ko kak aci yen wtor ko aci yen cuat bey. 13Lone beyn e gor aci luel: Ghèn abi ngu loy? ghên abi tōc man-dia cî wnyâr; ayin, na kêk abi yen ting kêk abi ryoc. 14Na koyc e pur aci kan ting, kêk aci tak e kê rot ko aci luel: Kan abi nyang; nekku yen bûg nyang. 15Ko kêk aci yen cuat etong gōr ko aci yen nok. Ko yekan, ye-ngu beyn e gōr abi kêk rek? 16Yen abi ben ko abi ryok koyc e purké ko abi gōr yek koyc kok. Ko ka kék aci kan ping, kêk aci lek yen: aci bi loy! 17Lone kene aci kêk lyèc ko aci luel: Ko yekan ye-ngu ke cî gor? Kûr ye koyc e yik aci jay yen aci a nom e gèm. 18Tok eben ye yuik e kûré abî wnyac-ic; ko ye kûr abi yuik etong yen abi yen wnyac-ic.

19Ko nim e tit ko koyc e gor aci nong puou bi yen kuêk piñ ghoné; lone kék aci koyc ryoc; ké kêk aci nyic ké yen aci luel luopé etong kék. 20Ko kêk aci yen but, ko aci koyc e ting tōc bi kêk rot kuet apuat, bik yen mûk e uèl-ke ko bik yen tôn etong nim ko ryel e nom e bay. 21Ko kêk aci yen wtyèc ko aci luel: Beyn e nyic! ghôg a nyic yin a luel ko a nyec yic, ko acíe lor ran lone a nyec kuèr e Dén-did etet; 22Ye yic bûg yek kede etong Caesar kó ey? 23Ko yen aci ting tût-den, ko aci lek kêk; Ye-ngu uêk a tem ghèn; 24Nyodke ghên denar tok. Ye kene nga kare ko gore? Ko kêk aci bêr ko luel: Etong Caesar.

25Ko yen lek kék: Ko yekan, yekke etong Caesar ken e Caesar ko etong Dén-did ken e Dén-did. 26Ko kêk akeyʼ leu bik uet-de cil e koyc nyin tuèng, ko aci dyêr e bêr-de-ic ko aci byet.

27Ko aci ben etong yen tetok koyc Saddukaei, ke aci rêc jon e rot, ko aci yen wtyèc, 28ko aci luel: Beyn e nyic, Moses aci gor etong ghôg: na uanmêde etok aci tóu a nong tik, ko kan acin mîwt, uanmêde abi kâp tin-de ko abi rot jot myel etong uanmêde. 29Ko aci to tin uanmêdke deròu; ko ke tuèng aci kâp tik ko aci tóu acin miwt; 30Ko dé aci yen tyek, ko ke callic aci yen tyek ko aci tóu acin miwt; 31Ko kele ayá kedia ka deróu, ko akeyc pyal miwt aci tóu. 32Lone alé cyèng kak eben tik aci tóu. 33Ko yekan, ghon e jon rot ye kene nga tik? Ké ka deróu aci yen tyek. 34Ko Yesus aci lek kêk: Mîwt e piñé a tyak ko a tyek; 35lone kak ye abi joc piñ-túy ko jon rot etong tóu, kêk aci bi tyak ko aci bi tyek; 36ké kêk aci bi leu bi tóu ayá; lone kêk acit ajak, ko kêk mîwt e Dén-did, ké kêk mîwt e jon rot. 37Lone bi rot jot ka ci tóu, Moses aci nyic e tim [e kou lom], na yen a cak Beyn-did, Dén-did e Abraham, ko Dén-did Isaac, ko Dén-did Yakob. 38Lone Dén-did yen acíe Dén-did e koyc ci tóu lone koyc ci pir; ké koyc eben e pir etong yen. 39Alé tetok e koyc e gor aci bêr ko aci luel etong yen: Beyn e nyic, yin aci luel apuat. 40Ko kêk aci ryoc bik yen wtyèc kede ayá. 41Lone yen aci lek kêk; Kedí kêk a luel, Christus yen man e David? 42Ko David ye rot a luel e gor e ket-ic: Beyn-did aci lek beyn-did-dia: Nyuce etong cuej-dia, 43ghét ghên abi tau ka mân yin wtoyc e yi cok. 44Ko yekan David a cak yen beyn-did-de; ko kedí yen man-de? 45Ko na koyc eben aci kan ping, yen aci lek koyc-ke: 46Tyetke rot etong koyc e gor, ye nong puou bi jot e buong did, ko a wnyar mâd aburó-ic ko wtoyc tuèng ghut e nyic ko te tuèng tene ruay; 47kak a lyek ghut e bar ko a nyod cor bar; kêk abi kap auer duy.

Currently Selected:

St. Luka 20: CIEC1905

Highlight

Copy