St. Luka 16

1Lone (Yesus) aci lek koyc-ke: Aci to tin ran akuet a nong ran e tit; ko kan aci rac rin-ke ye nyin tuèng ké yen aci pyal uèu-ke. 2Ko aci yen côl ko aci lek yen: Ye-ngu ghên a pyeng kan etong yin? Loy kuen etong tyen-du; ké yin acî bi leu bi tit ya. 3Ko ran e tit aci luel ye rot: Ghên a loy ngu? ké beyn-did-dia a ngay etong ghên luoy e tit. An acíe leu ba uèc piu, ko ghên a ryoc nyin ba lim. 4An a nyic ba loy ngu, bi koyc lor ghên e bey-ken na ghên aci cyèc etong tit.

5Ko yekan yen aci côl koyc a-nong ken ebeyn-did-de ko aci lek ke tuèng: Ekedi yin a nong ken etong beyn-did-dia? 6Ko yen aci luel: Tòyn buót e mok e tim. Aci lek yen: Kâp gor e cól-du, ko dayʼ nyuc ko gor wtyer-wdyec. 7Alé aci lek dé: Lone yin, yekedî yin a nong ken? Ko aci lek: tem buôt e lób. Aci lek yen; Kâp gor-du ko gor wtyer-bêt.

8Ko beyn-did aci ran e tit rac lēc, ké yen aci loy a-ngeyn; ké mîwt e piñé a-ngeyn auer etong mîwt e gher e kuât-den. 9Ko ghên a lek uêk: loy ke etong uêk mêd-kuen e mammon rac, bi lor uêk e bey atêr wynal na uêk a dak. 10Ke ye lacit e kekòr-ic yen ayá lacit kedîd-ic; ko ke ye rac kekòr-ic yen ayá rac kedîd-ic. 11Ko yekan na uêk akeyʼ lacit e mammon rac, ye-nga abi yek uêk bik ting keyic? 12Ko na uêk akeyc lacit e ke lé-ic, ye-nga abi yek uêk ke yeke-dûn? 13Acin aloang tok a leu bi loák bayn rou; ké yen abi tok mán ko abi dé wnyar; ko abi buot tok ko abi dé lyal. Uêk aci bi leu bak loák Dén-did ko mammon.

14Lone koyc Pharisaei, ye aci kôg, aci ping kak eben ko aci yen buy. 15Ko yen aci lek kêk: Uêk a koyn ue rot e koyc nyin tuèng; lone Dén-did a nyec puot-kûn; ké ye wtoyn koyc, e bul e Dén-did nyin. 16Tét e Dén-did ko rōr e ting ghêt e Yoannes; ko alé ghonke aci uét pan e Dén-did, ko tok eben a lóc rot etong yen. 17Lone auer pyal bi uer wynal ko piñ e bi yuik toat etong têt e Dén-did.

18Tok eben ye puol tin-de ko abi dé tyak yen a kuel; ko ke ci tyak tik cî loyn etong moyn-de yen a kuel.

19Aci to tin ran tok ci kuet, a ruok purpura ko alán yem; ko akol eben aci rom a nyak. 20Ko aci to tin lim tok a côl Lazarus; aci tòc ghut-wtok ko aci tyan ghontōk, 21ko aci nang puou bi kuet e kòy cî loyn bey etong jang e ran ci kuet; ko acin-tok aci yen yek; lone jok aci ben ko aci ghontōk-ke nyan. 22Ko aci a ké aci tóu lim, ko aci jot etong ajâk Abraham yóu. Lone aci tóu ayá ran ci kuet, ko aci wtyòk e rang; 23ko piñ-tar-ic a rēm, yen aci ye nyin jot ko aci Abraham ting te mec ko Lazarus ye yóu. 24Ko aci cyú ko aci luel: Uâ Abraham, dyau puón-du ke ghên ko tōc Lazarus bi yen lyang ye mey-e-cyèn-nom e piu ko bi lir gha lyeb; ké a rēm arêd e dêbé-ic. 25Ko Abraham aci lek: Man-dia, tak yin aci kap kapuàt e pir-du-ic ko Lazarus ayá karác; lone yémanic yen aci dud ko yin aci duy. 26Ko acin kak eben akeu-da ko uêk a to te tût, kele bi nong puou bi lo ten e uêk, ko etong tetúy ghêt ten aci bi leu. 27Ko kene aci luel: Ko yekan, uà, ghên a lim yin ba yen tōc pan e uâ; 28ké ghên anong uanmêd-kia wdyec, bi yen kêk gam dûn kêk ayá bi ben tede e duy. 29Ko Abraham aci lek yen: Kêk a nong Moses ko rōr e ting; ye bi kak ping. 30Ko kene aci luel: Ey, uâ Abraham, lone na tok etong ka ci tóu abi ben etong kêk, kêk abi long loy. 31Aci lek yen: Na kêk aci bi ping Moses ko rōr e ting, kêk ayá aci bi gam na tok etong ka ci tóu abi rot jot.

Currently Selected:

St. Luka 16: CIEC1905

Highlight

Copy