Matayo 19

Ukwahukana ntikubereye

1 # Mat 7:28; 11:1; 13:53; 26:1. Yesu arangije ayo majambo, ava i Galilaya, aja mu gihugu c’i Yudaya hakurya ya Yorodani.#Mrk 10:1-12. 2Ishengero ryinshi riramukurikira, abakirizayo.

3 # Mat 5:31, 32. Abafarisayo baza kuri we bamugeza, baramubaza, bati Mbega biremerwa k’umuntu yirukana umugore kubg’ inyanduruko y’ikintu cose? 4#Ita 1:27.Na we arabishura, ati Nta ho murasoma yuk’ uhereye mbere na mbere Rurema yabaremye bar’ uburyo bubiri, 5#Ita 2:24; Ef 5:31.ikavuga, iti Ni co gituma umuntu azosiga se na nyina, akabana n’umugore wiwe akaramata, bompi bakaba umubiri umwe? 6#1 Kor 7:10, 11.Bituma batakiri babiri, ariko baba babaye umubiri umwe. Nukw ico Imana yamatanije, umuntu ntaz’ akimature. 7#Gus 24:1.Baramubaza, bati None se, n’iki catumye Mose agera ko bamuha icete co kuvāvānura, akamwirukana? 8Arabishura, ati Mose yabarekuye kwirukana abagore banyu kukw imitima yanyu ikomantaye. Arik’ uhereye ubga mbere hose ntivyari bimeze birtyo. 9#Luk 16:18.Ariko ndababgire: Umuntu wese yirukana umugore wiwe atamuhōye ubusambanyi, akābīra uwundi, aba asambanye; kand’ uwābīra uwahukanye aba asambanye.

10Abigishwa baramubgira, bat’ Ivy’ umugabo n’umugore asangwa bimeze birtyo, noneho kurongora n’ikigoye. 11#1 Kor 7:7, 17.Na we arababgira, ati Si bose bashobora kwemera iryo jambo, atar’ abābihawe. 12Kuko har’ inkone zavutse zirtyo uhereye kuva mu nda za ba nyina, kandi har’ inkone zakonwe n’abantu, kandi har’ inkone zīkona ubgazo kubg’ ubgami bgo mw ijuru. Ūshobora kuvyemera n’avyemere.

Yesu ahezagira abana bato

13 # Mrk 10:13-16; Luk 18:15-17. Bamuzanira abana bato, ngw abarambikekw ibiganza, abasabire. Arikw abigishwa barabakankamira. 14#Mat 18:2, 3.Yesu arababgira, ati Ni mureke abana bato, ntimubabuze kuza aho ndi, kuk’ ubgami bgo mw ijuru ar’ ubg’ abameze bartyo. 15Abarambikakw ibiganza, avayo.

Umusore w’umutunzi

16 # Mrk 10:17-31; Luk 18:18-30. Haza umuntu kuri we, aramubaza, ati Mwigisha, nkore iciza ki ngo ndonke ubugingo budashira? 17#Luk 10:26-28.Aramubaza, at’ Umbariza iki iciza? Inziza n’Imwe. Arikw asangw’ ugomba kwinjira mu bugingo, witondere ivyagezwe. 18#Kuv 20:12-16; Gus 5:17-20.Aramubaza, ati N’ibihe? Yesu aramwishura, ati Ntukice, ntugasambane, ntukibe, ntukāgirize abandi ibinyoma, 19#Kuv 20:12; Lew 19:18; Gus 5:16.wubahe so na nyoko, kand’ ukunde mugenzawe nk’uko wikunda. 20Wa musore aramubgira, at’ Ivyo vyose naravyitondeye; har’ ikindi mpajije? 21#Mat 6:20; Luk 12:33.Yesu aramubgira, at’ Asangw’ ugomba kuba agahore, genda ushōre ivyo utunze, ugabire aboro, ni ho uzogira itunga mw ijuru, utek’ uze, unkurikire. 22#Zab 62:10.Uwo musore yumvise iryo jambo, agenda ababaye, kuko yar’ afise itunga ryinshi.

23Yesu abgira abigishwa biwe, ati Ndababgire ukuri: Biragoye k’umutunzi yinjira mu bgami bgo mw ijuru. 24Kandi ndababgira yukw icoroshe ar’ ingamiya guca mu zuru ry’urushinge biruta k’umutunzi yinjira mu bgami bg’Imana. 25Abigishwa bavyumvise baratangara cane, bati None rero, ni nde ashobora gukizwa? 26#Ita 18:14; Yob 42:2; Zek 8:6.Yesu arabītegereza, arababgira, ati Kubg’ abantu ico ntigishoboka, ariko ku Mana vyose birashoboka.

Inshumbushanyo z’ivyaretswe

27Buno Petero aramubaza, ati Mbega twebge ko twaretse vyose tukagukurikira; none tuzohabga iki? 28#Luk 22:30; Dan 7:9, 10.Yesu arababgira, ati Ndababgira ukuri yuko mwebge abankurikiye, ah’ Umwana w’umuntu azovyagirira ku ntebe y’ubgiza bgiwe, igihe co kuvyarwa ukundi gusha, namwe muzokwicara ku ntebe cumi na zibiri, mucire imanza imiryango cumi n’ibiri y’Abisirayeli. 29#Heb 10:34.Umuntu wese yasize urugo canke bene nyina canke bashiki be canke se canke nyina cank’ abana cank’ itongo kubg’ izina ryanje, azobishumbushwa umurengera, kand’ azoragwa ubugingo budashira. 30#Mat 20:16; Luk 13:30.Ariko benshi b’imbere bazoba ab’ inyuma, kand’ ab’ inyuma bazoba ab’ imbere.

Currently Selected:

Matayo 19: RUN1967

Highlight

Copy