Amosi 2

1 # Yes 15:1-9. Uku ni k’Uhoraho agize, ati Kubg’ ibicumuro bitatu vy’i Mowabu, mbere ni bine, sinzovyirengagiza; kuko baturiye amagufa y’umwami w’Abanyedomu, bayahindura nk’ishwagara. 2#Yer 48:24.Nuko nzokwanda umuriro i Mowabu, utongore ingoro z’i Keriyoti; kandi Mowabu hazopfa har’ amaruru n’urwamo n’inzamba zivuga. 3#Yer 48:7.Kandi nzohahenebereza ūhaganza, ndamwicane n’abaganwa baho bose, ni k’Uhoraho agize.

4 # Lew 26:14, 15; Ezk 20:13; Dan 9:11; Rom 1:25. Uku ni k’Uhoraho agize, ati Kubg’ ibicumuro bitatu vy’Abayuda, mbere ni bine, sinzovyirengagiza; kuko bātītūye ivyagezwe vyanje, jewe Uhoraho, ntibitondere amabgirizwa yanje, kand’ ibigirwamana vyabo vy’ibinyoma vyarabajimije, ari vyo ba sekuruza babo nyene bākurikira. 5#Yer 17:27; Hos 8:14.Nuko nzokwanda umuriro i Buyuda, utongore ingoro z’i Yerusalemu.

Imbūri yo ku Bisirayeli

6 # Lew 25:39; Am 8:6. Uku ni k’Uhoraho agize, ati Kubg’ ibicumuro bitatu vy’Abisirayeli, mbere ni bine, sinzovyirengagiza; kuko bāguze umugororotsi amahera, n’umukene bakamugura inkweto. 7#Yob 24:4; Yes 10:2; Ezk 22:11; Am 5:12; 1 Kor 5:1.Basiribangira imitwe ya ba nyarucari mu mukungugu wo hasi, bakagoreka inzira z’abicisha bugufi; umwana na se binjirana umwigeme umwe, bagatukisha izina ryanje ryera. 8#Kuv 22:26.Bīryāmira i ruhande y’igicaniro cose ku mpuzu z’inkizurano, kandi mu ngoro y’Imana yabo bakahanywera vino baciriye abantu kw iciru. 9Yamar’ ari jewe naranduye Abamori imbere yabo, uburebure bgabo bgari bumeze nk’ubg’ amasederi, kandi bari bakomeye nk’ibiti vy’imyeloni; ariko nahenebereje ivyo bamye mpereye hejuru, n’imizi yabo, mpereye hasi. 10#Kuv 12:17, 51.Yamara mweho nabadūganye mbakuye mu gihugu ca Egiputa, mbarōngōra mu bugaragwa imyaka mirongwine, kugira ngo mwegukire igihugu c’Abamori nyene. 11#Guh 6:2, 3.Kandi mu bana banyu natoyemw’ abo nzovugisha, no mu misore yanyu abo kuba Abanaziri. Mbega si ko vyābaye, ga yemwe Bisirayeli? ni k’Uhoraho abaza. 12#Yes 30:10; Am 7:13, 16.Ariko mwebge mwāhaye Abanaziri vino ngo bayinywe, mutako mubuza abo mvugisha, muti Ntimukavugishwe. 13Umve, ngira mbashikamire aho muri, nk’uk’ umukogote wuzuye ibinyankinda ushikamira hasi. 14#Zab 33:16, 17; Am 9:1.Ūbangutse azobura ukw ahunga, n’umuhizi nta co ubuhizi bgiwe buzomumarira, n’intōre ntizoruha yikiza; 15uw’ umuheto ntazoshobora guhagarara, n’impayamaguru ntizoshobora kwikiza, cank’ ūgendera kw ifarasi: 16kandi n’uwar’ inshirabinya mu bahizi kur’ uwo musi azohunga yambaye ubusa, ni k’ Uhoraho agize.

Currently Selected:

Amosi 2: RUN1967

Highlight

Copy