Henna 3

1Tunini ilmaani Harunitifi ta Musa, gaafa AABBO Waaqi gaara Sinai gubbati Musani dubbate. 2#Hen 26.60 Ilmaani d'iira ta Haruni tana; ka angafa Nadabu, taani d'ibiini Abihu, Eleazari, Ithamari. 3Worra kana muudani qaalole tolchani, 4#Law 10.1-2; Hen 26.61 ammo Nadabufi Abihu, worri ibida qulqullo intahini lafa aloo ta Sinai keesati AABBO Waaqaa bobeese, jennaani fit'ani. Worri ilmaani ind'alle, tanaafi Eleazarifi Ithamarini ato abbaani worraa jiru, huji qaalole hojatani.

Aka worra Lawi ka qaalole jala hojatu fohatani

5AABBO Waaqi waan Musani jed'e, 6Gosa Lawi gayaami, biyya duraani kooti, hojattu qaallicha Haruni jed'ani worra tolchi. 7Worri ha huji Waaro Woyyumati malteefi ta qaaloleetifi ta gumi ch'ufa hojatuti. 8Ammalle worri ha miha Waaro Woyyuma jabeese huji worra Israelile hojatuti. 9Hujiini worri Lawi hojachu male toko ch'alla aka Harunifi ilmaani isaa hojatani. 10Ammalle Harunifi ilmaani isaa ka atini qaalole tolchite, ha huji suni hojatani; nama d'ibi ka huji suniti d'iaatu ha ijeesaniti. 11AABBO Waaqi waan Musani jed'e, 12-13#Bah 13.2 Worri gosa Lawi amma kiyya. Gaafa anini angafa worra Misiri ch'ufa hobaase, anini ilma angafa ka worra Israeli ch'ufafi waan horini worra gorooruma d'ale ch'ufa fohad'e qulqulleese. Amatana fulla angafa Israeli anini ya worra Lawi fohad'e fud'ad'e: Worri kiyyuma. Anini AABBO Waaqa.

Henna gosa Lawi

14Lafa aloo ta gamooji ta Sinai keesati, AABBO Waaqi waan Musani jed'e, 15Worra gosa Lawi manafi balbala gosa gula hedi: Ijoolle d'iira ta haga d'alate jia toko teete oli ch'ufa henna keesa t'aafi: 16Duuba Musani akuma AABBO Waaqi isaani jed'e kaani tolche. 17-20Lawiini ilmaani sadi qaba; Gershoni, Kohathi, Merari; worri kunini abbooti balbala gosa worra. Gershonini ilmaani lama qaba: Libni, Shimei, Kohathini ilmaani afuri qaba Amramu, Ishari, Hebroni, Uzieli; Merarileeni ilmaani lama qaba: Maheifi, Mushi. Nami gosa worra ch'ufti worra kana iraa hore.

21Balbalti Gershoni, mana Libnitifi Shimei qabdi. 22Nami d'iira, ka haga d'alate jia toko oli, ka henna keesa t'aafani, nama 7,500. 23Balbalti tunini Waaro Woyyuma duuba, gama ila adu qubati: 24Nami balbala suni mataa Eliasafu ilma Laeli jed'ani. 25Hujiini Waaro Woyyuma ta worri kuni hojatu aka, golla isii ka keesatifi ka alaatifi golla balbala isiitiifi 26golla naabo Waaro Woyyumatiifi waan aka mesa ka sorio irati baasani marsufi, golla balbala naabo sunile jabeesani qorqoratani.

27Balbalti Kohathi mana Amramutifi ka Isharitifi ka Hebronitifi ka Uzieli qabdi. 28Nami d'iira, ka haga d'alate jia toko oli, ka henna keesa t'aafani, nama 8,600. 29Balbati tunini Waaro Woyyuma gama bitaa qubati, 30nami balbala suni mataa Elisafani ilma Uzieli. 31Hujiini worri kunini hojatu aka Sanduqa Wold'aqisatiifi mesafi waan ifseeni ira ejitufi waan mesa fakaata ka sorio irati baasani lamaanifi miha qaaloleeni fulla qulqullo keesati hojatunifi golla balbala Fulla Ira Qulqullooti jiru qorqoratani.

32Mataani gosa Lawi ch'ufa Eleazari, ka ilma qaallicha Haruni. Inni nama Fulla Qulqullo hojatu ch'ufa iti gudda.

33Balbalti Merari mana Mahlitifi Mushi qabdi. 34Nami d'iira, ka haga d'alate jia toko oli, ka henna keesa t'aafani, 6,200. 35Balbati tunini Waaro Woyyuma gama mirga qubati. Nami balbala suni mataa Surieli ilma Abihaili. 36Hujiini worra kanaa kennani, aka utuba Waaro Woyyumatiifi waan ira dadagalchaniifi waan jala d'ad'abaniifi waan woltiini d'aabani jabeesani qorqoratani. 37Ammalle hujiini d'ibiini worri hojatu, aka utuba naabo alaatifi waan inni ira ejaanjufi d'isa naabotiifi haada isiile jabeesani qorqoratani.

38Musafi Harunifi ilmaani isaa Waaro Woyyuma dura gara ilaboru qubatani. Hujiini worra aka Fulla Qulqullooti aada worra Israeliti tolchani. Nama d'ibi waan kanati d'iaatu inijeesani. 39Henni nama d'iira ka gosa Lawi, ka haga d'alate jia toko oli, ka Musani dubbi AABBO Waaqa gula balbala worra gula t'aafe nama 22,000.

Aka worri Lawi fulla ilmaani angafa fud'ate

40-41AABBO Waaqi waan Musani jed'e, Ilmi angafa ka Israeli ch'ufti kiyya. Tanaafi ilma angafa ka Israeli, ka haga d'alate jia toko oli, ch'ufa, maqa worraa t'aafi. Ammo fulla worra suni anini waan jed'u, Gochiti Lawi ch'ufti tiyya! Anini AABBO Waaqa! Ammalle anini, waan jed'u, Looni gosa Lawi ch'ufti fulla waan looni Israeli goroomuma d'alani kiyya. 42Musani ee jed'e, ilmaani angafa ch'ufa, 43ta haga d'alate jia toko oli maqa t'aafe: henni sunini ch'ufti wolti nama 22,273.

44AABBO Waaqi waan Musani jed'e, 45Fulla ilma angafa ch'ufa ka Israeli, worra Lawi eebisi, kiyya tolchi ammalle fulla waan qara d'alate ka looni Israeli looni gosa Lawi eebisi kiyya tolchi. 46Waan ilmaani angafa ka worra Israeli nama d'ibba lamafi torbatami sadini worra Lawi ira jirtuufi, ilmaani ira hafte suni bitachu malte. 47Ilmaani suni ch'ufa qarsi shanini bitad'i, aka biima qarsi ta gaafasi gula. 48Duuba beese tana Harunifi ilmaani isaati kenni. 49Musani ee jed'e, 50qarsi 1,365 fuud'e, 51Harunifi ilmaani isaati kenne.

Huji worra gosa Lawi ka balbala Kohathi

Currently Selected:

Henna 3: BOR

Highlight

Copy