Matayo MATA DUBBII
MATA DUBBII
Kitaabi Matayo kunini Odu Dansa aka Yesoni baafama Waaqi namaa kakhate. Isa keesa Waaqi kakhu Wold'aqisa Dullacha keesati gumi ufiiti kakhate guute. Oduuni Dansaani tunini ta gosa Yahudi ta Yesoni keesaa d'alate keesati guddate ch'allaaniti, ammo ta nama lafa ch'ufaati. Dubbi kitaaba Matayo aka dansa kurfeesani. Isiini waan d'aloota Yesotiini iti keyate, ammalle waan batisofi ilaalacha isaatiifi aka inni huji isaa ta barsiisatifi ta nama fayyisiti Galilaya keesati jala qabate namati himti. Ammalle kitaabi kunini aka Yesoni imaltu Galilaya bahe Yerusalemu d'aqeefi waan torbaani eege inni tahe; duisafi kaisa isaa namati hima.
Kitaabi kunini aka Yesoni irreefi qalbi Seera Waaqatiini garagalche, ammalle waan finna Waaqa nama barsiisu hima. Barsiisani isaa fulla shaniti gargari qoodamti: (1) Barsiisa gaara iraa: barsiisani tunini waan adabaafi hujifi waan namaa maleefi muumme worra finna gubbati yaamani nama garsiifti (boqota 5—7). (2) Aka ergattu kud'ani lamaani ergani waan worri tahu male iti himani (boqota 10). (3) Mammaasa Finna gubbaa (boqota 13). (4) Barsiisa waan ergattuuni tahu malte (boqota 18). (5) Barsiisa muumme finna kanatiifi d'ufiisa Finna gubbaa (boqota 24—25).
Boqota waan kitaaba kana ke jira
1—2 Worra Yeso Kristoni keesaa d'alateefi d'aloota isaa.
3.1-12 Huji Yohana nama batisu.
3.13—4.11 Batisofi ilaalacha Yeso.
4.12—18.35 Huji Yesoni Galilaya keesati tolche.
19—20 Aka Yesoni Galilaya bahe Yerusalemu d'aqe.
21—27 Torbaani eege Yerusalemu keesafi d'aatu.
28 Kaisafi mullacha Aabbo.
Currently Selected:
Matayo MATA DUBBII: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.