Malaki 3
3
1 #
Mat 11.10; Mar 1.2; Luk 1.76; 7.27 AABBO Waaqi Guddaani waan jed'u, Anini ergattu tiyya erga, ta kara naa mid'aasitu. Duuba AABBO Waaqi ka isani barbaaddani tassa Mana isaa ka eebati d'ufa. Ergattuni isani guddo eeddani d'ufte, wold'aqisa kiyya odeesiti.
2 #
Yoe 2.11; Mul 6.17 Ammo guyya inni d'ufu eentu dandae obsa? Ammalle yo inni mullatu, eentu dandae dura eja? Inni ibida wo basse qulqulleese saabuna woya t'uri iraa baase qulqulleesu fakaata. 3Inni aka nama qarsi basse qulqulleesu tahe, ilmaani Lawi aka worqifi qarsi basse qulqulleesa, haga isiini waan AABBO Waaqaa baasu malani baaftuti. 4Duuba wonti worri Yudatifi ka Yerusalemu AABBO Waaqaa baasu isa gammachiifti, aka wonti duri isaa baasani isa gammachiifte.
5AABBO Waaqi Guddaani waan jed'u, Anini qorsumafi isaniti d'ufa, ammalle anini maruma toko worra falfala tolchu taanaani, d'iirafi nad'eeni aada male wolti yaatu taanaani, nama d'ara d'ugeesu taataanaani, ch'ubbicha nama hojattu isaati hori baasu didu taanaani, nama haad'a hiyyeesatiifi hiyyeeyi dabsu taanaani, nama keessuma ulfeesu didu taanaani, ammalle nama ch'ufa ka na insodaanne, d'uga intahuufi.
Qooda Waaqaa baasani
6Anini AABBO Waaqa, ka injijiramne. Tanaafi, ee ilmaani Yakobo, isani qara inhobaane. 7Haguma gaafa abba keesaniiti, isani ya aada tiyya iraa gortani tolchu diddani. Amma kara kiyyati deebia, anileeni isaniti deebia. Ammo isani, Nu akami deebina? jettani. 8Waan anini isani gaafad'u, Nami AABBO Waaqa insoba? Achiini isani na sobdani ammo, Nu akami si somna? jettani. Aki isani na sobdani, waan qabdani kud'ani keesa tokofi waan d'ibi ka naa baaftanile keesa na sobdani. 9Isani ch'ufti waan na sobdaniifi abaarsa qabdani. 10#Law 27.30; Hen 18.21-24; Qab-Ser 12.6; 14.22-29; Neh 13.12 Isani namu waan Waaqaa baasu maltani tokole inhambisina, Mana Waaqatini koota, aka sagaleeni hedduuni achi jiraattu. Duuba AABBO Waaqi waan jed'u, Na ilaalad'a, inagartani, aka anini gubba bane eeba tiyya, ta muumme inqamne, isanii buusu. 11Anini raamo mid'aani keesani balleesu d'owe, zabibu teesanile mid'aaniini qaqaarisa. 12Duuba gochiti ch'ufti, Worra eebaa jette isani yaamti, waan lafti teesani lafa dansa finna qabdu taatuufi.
Aka Waaqi namaa nahu
13AABBO Waaqi waan jed'u, Isani hameenna kiyya guddo dubbattani. Ammo duuba waan jettani, Nu akami hameenna kanke dubbanne? 14Woni isani jettani, Hujiini nu Waaqaa hojannu woma nuu imbaatu. Maal nuu baati, yo waan Waaqi fed'u tolchine, yokhaani ch'eera keenna AABBO Waaqa Gudda garsiimne? 15Aka nu agarru, worri gammachu qabu worra ufi saade ufi olfuud'e, nami waan hamtu tolchu hori ch'alla inhoratu ammo waan hamtu tolchu suniini Waaqa ilaalate duraa baha jettani.
16Jennaani biyyiti AABBO Waaqa d'eetu woliini haasoofte, AABBO Waaqi waan worri jed'e ch'aqase dubbi worraa d'agaye. Isa durati kitaaba toko t'aafani, ka waan worra AABBO Waaqa d'eete isaa saalfatule, keesati t'aafani. 17AABBO Waaqi Guddaani waan jed'u, Worri suni worra kiyya taha, guyya anini wo tolchu. Ani worraa naha, akuma abbaani ilma isaa ka isaa hojatuu nahu. 18Ammalle nama d'ugaafi ka d'ara, ka Waaqaa hojatufi ka inhojannele, gargari beekhani.
Guyyaani AABBO Waaqaa d'ufuu jira
Currently Selected:
Malaki 3: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
