Uumama 13
13
1Abramuuni lafa Misiri keesaa kae, niiti isaatiifi waan qabu ch'ufa fud'ate, Lutule woliini, lafa Kanaaniti gale. 2Abramuuni guddo dureesa, horifi qarsifi worqile qaba. 3Jennaani inni achii kae gama Betheli gula godaane. Fulla qara qubate taani, ta Bethelifi Ai jiddu, 4ta inni fulla sorio iti qalani jaare, gahe achiti AABBO Waaqa yaamate.
5Lutuleeni, ka Abramu woliini godaane, reefi loonifi worrale kama ufii qaba. 6Tanaafi lafti suni worra lachu wolti fuud'u dad'abde, waan worri hori guddo qabuufi. 7Duuba tissituuni Abramutiifi ta Lutu tikha irati woldidde. (Gaafasi worra Kanaanitiifi worri Perizi lafa suni keesa taa.)
8Jennaani Abramuuni waan Lutuuni jed'e, Nu fiit'a, wold'abu himmalle, yokhaani tissituuni teennaleeni woldidu himmalle. 9Lafa ballo si dura jirtu tana agarta? Naraa godaani. Hojja atini gara bitaa godaante, anini gara mirgaa godaana; hojja atini gara mirgaa godaante anini gara bitaa godaana. Toko filad'u.
10 #
Uum 2.10
Lutuuni mirgaafi bitaa millate, gara galaana Yordani haga lafa Zoari ilaale, aka isiini bisaani dansa qabdu arge, akuma oobru AABBO Waaqa yokhaani lafa Misiri. (Gaafasi gaafa AABBO Waaqi Sodomafi Gomora imballeesini.) 11Duuba Lutuuni arda Yordani filate gara ilaboru godaane; akasiini worri gargari bahe. 12Abramuuni lafa Kanaaniti qubate, ammo Lutuuni dira bale ke jiru qubate, d'aatu Sodomati waaro d'aabate. 13Ammo worri Sodoma worra ch'ubbicha hama, ka Waaqa durati daba tolchu.
Aka Abramuuni Hebroniti godaane
14Eegi gargari bahani, AABBO Waaqi waan Abramuuni jed'e, Fulla jirtu tana mirgaafi bitaa gama ch'ufa ilaali. 15#Huji 7.5 Lafa ati agarte tana ch'ufa siifi ilmaani teeti kenna, haga jiru jireenna teesani taati. 16Anini d'aloota kanke daraarse aka biyye tolcha; yo dandaani biyye hedani d'aloota keetile hedani. 17Kai, lafa tana haguma geetunu ke deemi, ilaalad'u, wonti akanatiifi anini ch'ufa sii kenna. 18Duuba Abramuuni kae godaane, mukeeni woyyu ta Mamre, d'aatu dira Hebroniti qubate, artiti fulla sorio iti qalani AABBO Waaqaa jaare.
Aka Abramuuni Lutu harka nyaapa keesaa baase
Currently Selected:
Uumama 13: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
