Bahisa 6

1Jennaani AABBO Waaqi waan Musani jed'e, Amma waan anini Farao tolchu ingarta; inni irrumaani gosa Israeli lafa keesaa baasa, yokhaani irree jabduuni lafa ufii keesaa worra baasa.

Aka Waaqi Musa yaame

2 # Uum 17.1; 28.3; 35.11; Bah 3.13-15 Waaqi waan Musani jed'e, Anini AABBO Waaqa. 3Anini Abrahamufi Isaaqofi Yakobo aka Waaqa Gudda, waan ch'ufaa, iti mullad'e, ammo maqa kiyya qulqullo AABBO Waaqatini ufi imbeesimne. 4Anini ammalle wold'aqisa kiyya worra woliini tolfad'e, aka lafa Kanaani, lafa duri worri aka keessuma keesa tae, kennuufi. 5Ammalle anini boha worra Israeli, ka worri Misiri tisse tolche d'ageennaani wold'aqisa kiyya qaabad'e. 6Duuba waan worra Israelitini jettu, Anini AABBO Waaqa; anini huji hamtu gosa Misirii keesaa isani fuud'e, tissooma worrale keesaa isani baase, harka kiyya d'eerefad'e worra suni balleese isani baasa. 7Ammalle anini nama kiyya isani tolfad'e Waaqa keesani taha. Hojja anini tissooma lafa Misiri keesa isani baasu, aka anini AABBO Waaqa keesani beetani. 8Anini lafa Abrahamufi Isaaqofi Yakobo kakhad'e isani geese, lafa suni d'aaltani. Anini AABBO Waaqa. 9Jennaani Musani waan kana worra Israeliti haasae, ammo worri waan garaani hamaate tissooma gaargala gudda ke jiruufi isa jalaa qabu dide.

10AABBO Waaqi waan Musani jed'e, 11Beeni, gara Farao d'aqi, waan jettuuni, Worra kiyya ka Israeli lafa tante keesaa gad'iisi. 12Ammo Musani waan jed'eeni, Ufuuftu gochiti Israelitu na ind'ageetu, Faraoni eesaa fuud'e nama aka kiyya ka afaani laafa kana d'agaya re?

13Ammo AABBO Waaqi Musafi Harunini dubbate waan jed'eeni, Anini yayu isani fohad'e, aka isani yaatani gosa Israeli lafa Misiri keesaa baaftani, ammo qara waan kana gosa Israelitiifi Faraoti hima.

Ababoota Musafi Haruni

14Reubeni, ka angafa Yakobo, ilmaani d'iira afuri d'ale: Hanoki, Palu, Hesroni, Karmi; balbala worra kana maqa worratiini yaamani. 15Simeonileeni ilmaani d'iira jaa d'ale: Yemueli, Yamini, Ohadi, Yakini, Sohari ammalle Shauli, ka niiti gosa Kanaani d'alte; balbala worra kana maqa worratiini yaamani. 16#Hen 3.17-20; 26.57-58; 1 Od-dur 6.16-19Lawiini ilmaani d'iira sadi d'ale: Gershoni, Kohathi, Merari; balbala worra kana maqa worratiini yaamani. Lawiini gaafa due ganni isaa d'ibbafi sodomi torba. 17Gershoniini ilmaani d'iira lama d'ale: Libnifi Shimei. Worri sunileeni nama heddu d'ale. 18Kohathiini ilmaani d'iira afuri d'ale: Amramu, Ishari, Hebroni, Uzieli. Kohathiini gaafa due ganni isaa d'ibafi sodomi sadi. 19Merariini ilmaani d'iira lama d'ale: Malifi Mushi. Tunini balbala gosa Lawi, ilmaani isaa gula.

20Amramuuni oboleeti abba isaa Yokebedi fuud'e Harunifi Musa d'alteefi. Amramuuni gaafa due ganni isaa d'ibbafi sodomi torba. 21Ishariini ilmaani sadi d'ale: Kora, Nefegi, Zikri. 22Uzieliini ilmaani d'iira sadi d'ale: Mishaeli, Elisafani, Sithri.

23Harunini Elisheba, ta dubra Aminadabu, ta oboleeti Nashoni, fuud'e; isiini Nadabufi Abihufi Eleazarifi Ithamari d'alteefi. 24Korani ilmaani d'iira sadi d'ale: Asiri, Elkana, Abiasafu. Balbalti Kora, ta fulla saditi gargari baate, worra kana iraa baate. 25Eleazarini, ka ilma Haruni, dubra Putieli fuud'e, isiileeni Finehasi d'alteefi. Worri kunini nama gosa Lawi ch'ufafi balbala gosa sunile ch'ufa iti angafa.

26Harunifi Musani worruma AABBO Waaqi worra Israeliti erge, Beena, lafa Misiri keesaa worra Israeli baasa jed'eeni. 27Worri hayyu Misiritiini, Gosa Israeli galakisa jed'eenileeni worruma.

Waan AABBO Waaqi Musafi Harunini jed'e

28AABBO Waaqi gaafa Musani lafa Misiri keesati dubbate waan jed'eeni, 29Anini AABBO Waaqa. Waan anini siini jed'u ch'ufa Farao hayyu Misiriti himi. 30Ammo Musani waan jed'eeni, Anini nama araba laafati; hayyuuni eesa fuud'e na d'agaya re?

Currently Selected:

Bahisa 6: BOR

Highlight

Copy