Bahisa 23

1 # Bah 20.16; Law 19.11-12; Qab-Ser 5.20 Waan d'ara indubbatiina, nama d'ara dubbatule d'uga intahiinaafi. 2Gumi waan hamtu tolchitu gula indeemina, yokhaani gumi d'ara gula yaatu gula baatani d'uga ind'ossina. 3#Law 19.15 Nama hiyyeesale fulla qorsumati d'ara ind'ugesiina.

4 # Qab-Ser 22.1-4 Yo sanga yokhaani harre nyaapa keesani ta badi deemtu agartani deebisaafi. 5Yo harre nyaapa keesani ta mihaani jidde agartani, olkaasu indidina, qarqaara.

6 # Law 19.15; Qab-Ser 16.19 Qorsuma dubbi keesati hiyyeesa indabsina. 7Nama dubbi d'araatiini inimatina, ammalle nama d'ugaa qajeela inijeesiina; wonti akanatiifi anini nama waan hamtu tolche imbaasu. 8Gumbo imfud'atiina, wonti akanatiifi gumbooni nama guddinna qabu ila duuchite nama d'ugaa qabu dubbi duraa balleesiti.

9 # Bah 22.21; Law 19.33-34; Qab-Ser 24.17-18; 27.19 Keessuma indabsina; d'iba keessumaa imbeetani, wonti akanatiifi isanileeni lafa Misiriti ya keessuma taatani.

Ganna torbeesofi guyya torbeeso

10 # Law 25.1-7 Ganna jaa keesa lafa teesani fach'aafattani ammalle waan isiini baaftu murattani. 11Ammo ganna torbeeso woma iti infach'aasina, ha bultuti, waan keesaa baha ch'ufa ha hiyyeesafi bineensi alaa nyaatu. Ammalle oobru zabibutiifi ta ejersa akasuma tolcha.

12 # Bah 20.9-11; 31.15; 34.21; 35.2; Law 23.3; Qab-Ser 5.13-14 Guyya jaa huji teesani tolfad'a, ammo guyya torbeeso boqod'a, aka loonifi harreeni teesanileeni boqotte, tisse teesanifi keessumaani teesanileeni boqottu.

13Waan ch'ufa ka anini, AABBO Waaqi, jed'e ch'aqasa, waaqoota d'ibi tokole inkad'atiina, maqa isaanile ind'aiina.

Jila sadi gugurdo

(Bahisa 34.18-26; Qaabacha Seera 16.1-17)

14Ganna keesa jila sadi naa tolcha. 15#Bah 12.14-20; Law 23.6-8; Hen 28.17-25Jia Abibu, jia isani lafa Misiri keesaa baatani, jila Qit'a bukho inqamne akuma anini qara isaniini jed'e naa tolcha. Qit'a bukho qabu guyya torba ka jila tana inyaatina. Nami tokoleeni harka duwa na dura ind'ufini.

16 # Law 23.15-21,39-43; Hen 28.26-31 Yo mid'aani qara oobrani murattani, jila tolfad'a ammalle gaafa wogaani geete, ka mid'aani tuultani galfattani jila Hoosa tolfad'a. 17Ganna keesa maro sadi d'iirti teesani ha AABBO Waaqa dura d'uftu.

18Yo sorio qaltani naa baaftani qit'a bukho qabu na imbaasina. D'ad'a hori jila naa qaltani lafti iti imbariini.

19 # Bah 34.26; Qab-Ser 14.21; 26.2 Ganna ch'ufa Mana AABBO Waaqa keesani mid'aani qara murattani kootaani.

Ilmoole haad'a hootu na ind'aabiina.

Kakhufi jecha Waaqaa

20Ilaala, anini malaika isanii erga, ta isani tissite isani geesite fulla anini isanii mid'aaseeni isani d'uftu. 21Aka dansaa ch'aqasa, waan isiini jette ch'ufa guuta. Isi jala indidina, wonti akanatiifi anati isi erge, isiini nama isi didu tokole inaraaramtuufi. 22Ammo hojja isani isi d'ageetani waan isiini jette ch'ufa tolchitani, anini nyaapa keesani ch'ufa isani iraa d'owa. 23Duuba malaikaani tiyya isani dura deemte lafa Amori, ta Hiti, ta Perizi, ta Kanaani, ta Hivi ammalle ta Yebusi isani geesiti, ammo anini gosa suni ch'ufa imballeesa. 24Waaqoota worraa durati jilbifattani inkad'atiina, ammalle aada worrale gula iyyaiina. Waaqoota worraa ka old'aabani sule ch'ach'absa balleesa. 25Duuba hojja isani naa, AABBO Waaqa, Waaqa keesani kad'attani, anini isani eebise sagaleefi bisaani isanii kenne fayyad'aba keesanile isani fayyisa. 26Lafa teesani keesa nad'eeni garaachi iraa bahu, ta yokhaani ijoolle ind'alle injirtu. Anini lubbu isani d'eeresa.

27Anini nama isaniini morku ufi sodaachisa; nama isani had'ule ch'ufa wowollaalchiise nyaapa keesani ch'ufa garagalche baqachiisa. 28Anini nyaapa keesani ch'ufa rifachiise, worra Hiviti, worra Kanaaniti, worra Hitile, ato isani d'uftanu, isani duraa baqachiisa. 29Anini ganna toko keesati worra arti imbaasu, wonti akanatiifi lafti danqaroofte, bineensi ira dabre, hegeri isani gaargalcha. 30Anini diquma diqumaani isani dura worra baasa, haga isani hortani lafa suni fud'attaniti. 31Anini lafa teesani haga galaana Diima qabe galaana Efrati d'aabe ammalle haga galaana Filistiti fuud'e lafa alooti d'aaba. Duuba anini worra qara lafa suni ke jiru harka keesaniti kenne, akasiini isani lafa suni keesaa baaftani. 32Wold'aqisa tokole woliini intolfatina, waaqoota worraale inkad'atiina. 33Worri sunini lafa teesani keesa intaiini; wonti akanatiifi worri ch'ubbu isani barsiise duuba hegeri nati ch'ubbamtani. Yo isani waaqoota worraa kad'attani, ya t'urura hama keesa ufi buuftani.

Aka wold'aqisa jabeesani

Currently Selected:

Bahisa 23: BOR

Highlight

Copy