Zek 4
4
Kîoneki kiegiî gîtugî kîrîa kîrîkagîrwa taawa
1Mûraîka ûrîa waambaragîria nî aambarîîrie o kaîrî arambûkia ta muntû ûmami toro. 2Arambûûria atîrî, “Nîmbi ûkwona?” Naani ndîramwîra, “Ndîona gîtugî kîa thaabu kîrîa kûrîkagîîrwa taawa. Kîrî na gampakûri kathûmbîîne gaakîo, na taawa mûgwanja irîkîîri kîrî kîo, na o taawa îrî na rûtambi rwaayo. 3#Kûg 11.4 Ningî mîtî îîrî ya mîzeituni nî yaarî rûteere rwa gîtugî kîu: mûtî jûmwe rûteere rwa ûrîo na jûngî rwa ûmotho.” 4Naani ndîrooria mûraîka ûu atîrî, “Mwathi waakwa, into bibi nîmbi bikwonania?”
5Mûraîka ûu arancokeria arambûûria atîrî, “Ga-ûtîkûmenya into bibi nîmbi?” Naani ndîramwîra, “Arî mwathi waakwa, ntîkûmenya.” 6#Ezra 5.2 Mûraîka arambîîra, “MWATHANI Mweneinya arîîra Zerubabeli ûjû: Tî inya yaaku, kana ya njûûrî yaaku îgaakûretera ûûmbani, îndî ûkoona ûûmbani na inya ya Roho wa MWATHANI. 7Kinya irîma bibinene bitîrûngama mbere yaaku. Zerubabeli naagwe ûgaaka kîûrû kaîrî, na ûkîrîîkia gwaka antû bakauga, ‘Nî gîkîthongi, kîthongi mono.’”
8Ningî MWATHANI nî aambarîîrie arambîîra atîrî, 9“Zerubabeli nîwe wakîte mûsingi jwa kîûrû na nîwe ûgaagîaka mwanka akîûjûrie. Rîu nîrîo bûkaamenya MWATHANI Mweneinya nîwe ûntûmîte. 10#Kûg 5.6 Nîkwîthîrwa barîa baamenaga kagûgî gagakai karîa Zerubabeli aaritîte, bakaagwîrua boona agîîta na mbere na waaki.”
Mûraîka arambîîra atîrî, “Tawa iji mûgwanja nî meetho mûgwanja ja MWATHANI jarîa jakaraga jategeete nthîgûrû yonthe.”
11 #
Kûg 11.4
Rîu ndîramûûria atîrî, “A-mîtî îîjî îîrî ya mîzeituni îrî rûteere rwa ûrîo na rwa ûmotho rwa gîtugî kîa kûrîkîîra taawa nîmbi?” 12Ningî ndîramûûria kaîrî atîrî, “Mpang'i iji ijîîrî cia mîzeituni irî rûteere rwa mûberethi jwa thaabu jûrîa maguta jaaritagwa nî ciambi?” 13Mûraîka arambûûria, “Ga ûtîkûmenya nî ciambi?” Naani ndîramwîra, “Arî mwathi waakwa ntîkûmenya.” 14Mûraîka arambîîra atîrî, “Mpang'i iu nî antû baîrî barîa MWATHANI wa nthîgûrû yonthe athuurîte na njîra ya gwîtûûrîrua maguta nîkenda bamûtumîkagîra.”
Currently Selected:
Zek 4: KIMERUBIBLE
Highlight
Share
Copy
Want to have your highlights saved across all your devices? Sign up or sign in
KIMERU BIBLE WITH DC
©Bible Society of Kenya, 2009, 218
