VAROMA KUKHURAANJILILA
KUKHURAANJILILA
Ibarwa ya Paulu Yahandichila Varoma, yahandikwa khwirecheshitsa luchendo lwa Paulu yenyanga khucheniha likanisa liali mu litaala lia Roma. Yali ninganakani yu khukhola mihinzilu na Vakristayo, vamenyayo khumatukhu mati, mavamukhonye khutsililila nu luchendo lwelwe khutsia mu shivala shia Sipania. Paulu yahandika khwivaala khuli yamanya vulahi makhuva khulondokhana khu lisuuvila lia Vakristayo, khandi khuli likalukhanyinyanga limenya liavo. Ibarwa iyi, ili na makhuva ka Paulu yavoola mu vunyishi.
Paulu niyakhamala khuhaana milembe khu vandu vali mu likanisa lia Roma, khandi namali khuvavoolela khuli avasaalilanga, yivaalanga shivune shikali shi ibarwa iyi: “Ivanjeli imanyinyanga khuli Nyasaye, akholanga vandu khuva valunji imbeli wewe: nu khuvirila mu lisuuvila khuraanjila muliraanga khutukha mulimalilikha.” (1:17).
Paulu aranganga khwivaala mu vuraambi shivune shikali shienesho. Vandu voosi mu shivala, vave Vayahudi inoho vandu vi tsimbia tsindi venyekhanga vakholwi khuva valunji imbeli wa Nyasaye, shichila voosi vakhola vwoni. Vandu vakholwangwa khuva valunji imbeli wa Nyasaye, khuvirila mu lisuuvila mu Yesu Kristo. Lulondakhu, Paulu yivaalanga vulamu vuyia mu Kristo, vunyolekhanga khurula khu lihaambana liyia yili na Nyasaye. Mundu wasuuvila ali ni milembe na Nyasaye; khandi akholwangwa khuva muvoholole na Roho wa Nyasaye, khurula mu vwoni khandi mu likhutsa. Paulu yivaalanga mu miliango 5—8, vukhonyi vwa Malako ka Nyasaye nende tsingulu tsia Roho Mutakatifu mu vulamu vu mundu wasuuvila. Khulwa yako, murumwa Paulu achelitsanga khwivaala makhuva khulondokhana khu inganakani ya Nyasaye, khu vandu voosi mu shivala, Vayahudi nende vandu vi tsimbia tsindi va valitsilwangwa mu inganakani ya Nyasaye yeneyo. Paulu amalilanga, navoola ndi lwa Vayahudi vambakhana khusuuvila mu Yesu, ni injila indala yi inganakani ya Nyasaye yu khulomba vandu voosi mu shivala vanyole tsimbavasi tsia Nyasaye, khuvirila mu Yesu Kristo; khandi ali ni lisuuvila ndi Vayahudi shivaliitsa shia khase khosi khwambakhana Yesu tawe. Lukhumalilikha, Paulu ahandikanga khwivaala makhuva khuli vulamu vwa Vakristayo kenyekhanga vuve, khushila muno khulondokhana khu vuyaanzi vwa vandu vali navwo khu vandi. Paulu alolanga vivune vikali khuva yivi: khukhola muhinzilu kwa Nyasaye, khuli kenyekhanga Vakristayo vahambane nu vwamihi vwi shivala shiavo, khandi khuvene, khandi likhuva khulondokhana khu tsinganakani tsindahi tsiu mukari. Paulu amalilanga ibarwa iyi nu khuvoola makhuva keke kalolanga mwene, khandi makhuva ku khwitsominya Nyasaye.
Kalimu Muvwimbi
Kukhuraanjilila nende Shivune Shikali 1:1-17
Lienya liu Mundu Khuhonyinywa 1:18—3:20
Injila ya Nyasaye yu Khuhonyinywa 3:21—4:25
Vulamu Vuyia mu Kristo 5:1—8:39
Khuli Vaisraeli vali mu Inganakani ya Nyasaye 9:1—11:36
Mwiima ku Mukristayo 12:1—15:13
Limalila nende ni Milembe chia Paulu 15:14—16:27
Currently Selected:
VAROMA KUKHURAANJILILA: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013