Mariko 13

Yeso ogokwana igoro y’ogotagorwa gwe Hekalu

(Mat 24:1-2; Luk 21:5-6)

1Ekero Yeso are gosoka korwa Hekalu, oyomo bw’aborokigwa baye akamoteebia, “Omworokia, rora buna amagena na amaagacho aya are amaya!” 2Yeso akamoteebia, “Norooche amaagacho aya amanene? Aiga tirigotigara rigena erimo igoro ase erinde, eritanyaare gotaagorwa.”

Amabe n’ogochandwa

(Mat 24:3-25; Luk 21:7-24)

3Ekero Yeso aikaransire ase egetunwa ki’Emezeituni korigereria Hekalu, Petero, na Yakobo, na Yohana, na Anderea, bakamobooria bobisi, 4“Toteebie, aya indiriri arabe? Ninki ekemanyererio kiaye ekero aya onsi arabe ang’e goikerana?” 5Yeso agachaaka kobateebia, “Mwerende, monto onde tabang’aina, 6ekiagera abange inabache ase erieta riane, babore: Inche ninche ere; inabasirie abange. 7Naende komoraigwe esegi, na ebirage bi’esegi, timoichanigwa, ekiagera bori, aya onsi nabe, ko moerio toracha. 8Inaki egesaku nkeimoke korwana negesaku kende, na oborwoti mborwane noborwoti bonde. Emetengecho y’ense n’ebe chinsemo ne chinsemo, na enchara. Amang’ana ayio nigo arabe buna obororo bw’eritang’ani bw’okoibora.

9 # Mat 10:17-20; Luk 12:11,12 “Mwerende inwe abanyene, ekiagera nababaire ase ebigambero, na ase chisinagogi, moakwe. Naende inamoirwe gotenena ase amasio y’abagabana na ase abarwoti ase engencho y’ane, koba kirori ase bare. 10Naende negwenerete enchiri erandigwe ritang’ani ase ebisaku bionsi. 11Ekero bakobaira ase ekiina, na kobabeeka ase amaboko y’ abanto, timochaaka gwechanda korengereria ayamorigetie gokwana; korende rinde rionsi moraegwe ase ensa eria, morikwane, ekiagera tari inwe morakwane, korende n’Omoika Omochenu. 12Na momura omwabo omonto narue oyomwabo, erinde aitwe, na ise narue omwana oye; na abana nabaimokere abaibori babo kobaita. 13#Mat 10:22Nainwe namogechwe n’abanto bonsi ase engencho y’erieta riane, korende oyoraremererie goika omoerio, oyio natooreke.

Emechando emenene

14 # Dan 9:27; 11:31; 12:11 “Korende komorakorore okogechia kw’ogosaria kogotenena aase atagwenereti, (oyogosoma amanye), erio abare Boyahudi batame gochia ase ebitunwa; 15#Luk 17:31na ere oyore kerama igoro taika gosoa nyomba ime, gose tasoa kobogoria egento korwa mwaye; 16na ere oyore mogondo tairana nyomba kobogoria eanga yaye. 17N’abe aakong’u ase abare morito na barabwo abakogonkia ase amatuko aria. 18Saba ng’a ogotama kwaino tikoba ekero gi’etoigo, 19#Dan 12:1; Okom 7:14ekiagera amatuko aria n’ebe emechando, buna etana koba korwa omochakano bw’ogotonga oko Nyasae atongete, goika bono, gose tekoba bo naende nonya ng’ake. 20Naende onye Omonene atanachete amatuko aria, anga monto onde bwensi tatooregete, korende ase engencho y’abachore, abachorete, onachire amatuko aria. 21Ekero ekio omonto karabatebie: Rora, oyo nere Kristo, gose: Oria aaria, timwegena, 22ekiagera abakristo b’oborimo, na ababani b’oborimo nabaorokie ebikone na amakumia, banyare gosiria nonya nabachore ko eranyarekane. 23Korende inwe mwerende! Rora, nakoorire koborokia onsi ritang’ani.

Ogocha kw’Omwana Omwanyabaanto

(Mat 24:29-31; Luk 21:25-28)

24 # Isaya 13:10; Yoel 2:10,31; 3:15; Okom 6:12; Isaya 13:10; Ezek 32:7 “Korende amatuko aria, magega y’emechando eria, erioba naribekwe omosunte, na omotienyi tokobara, 25#Isaya 34:4; Okom 6:13; Yoel 2:10ne ching’enang’eni nachigwe korwa igoro, ne chinguru chire igoro nachitengechigwe. 26#Dan 7:13; Okom 1:7Erio nario bararore Omwana-o-Mwanyabaanto ogocha ase amare ime amo ne chinguru chinyinge na obonene. 27Erio natome abamalaika baye basangererie abachore baye korwa chinsemo chie chinsinyo inye, na korwa chinsinyo chi’ense goika chinsinyo chia igoro.

Amorokererio korwa ase omoko

(Mat 24:32-36,42; Luk 21:29-33)

28“Korwa ase omoko eorokererie omobayeeno oyo. Orosagia rwaye korwachaakire koorokia amato aye, mwamanyire ng’a nekero ki’ogoseboka, egura gura ng’ang’e ere. 29Naboigo nainwe, komorarore aya aorokire, momanye ng’a obeire ang’e na gesieri. 30Nekeene nabateebirie: Ekegori eke tikegoeta nonya ng’ake goika aya onsi anyare koba. 31Igoro na ense nabiete, korende amang’ana aane takonyara goeta nonya ng’ake.

Onde taiyo omanyete rituko nonya n’ensa

32 # Mat 24:36 “Korende amang’ana ye rituko riria na ensa eria onde tari omanyete, nonya nabamalaika bare igoro, nonya n’Omwana, otatiga Tata. 33Rigereria, renda, saba, ekiagera timomanyeti engaki eria indi eranyare koba. 34#Luk 12:36-38Igo enga buna omonto ore kogenda ense eng’ao konya otigire enyomba yaye, oeire abasomba baye okobua, na kera omonto emeremo yaye; agachiika omorendi bw’egesieri arende. 35Renda boigo, ekiagera timomanyeti ekero omonene bw’enyomba agochi‐gocha, gose mogoroba, gose mbotuko gati, gose etuoni gekobuga, gose mambia, 36tacha ababasokanie, abanyore mwararire. 37Na erio nabateebirie inwe, nabateebirie bonsi: Renda!”

Currently Selected:

Mariko 13: EKGE

Highlight

Copy