Matayo 16

Yeso okwanga koorokia egekone

(Mar 8:11-13; Luk 12:54-56; 11:29)

1 # Mat 12:38; Luk 11:16 Abafarisai na Abasadukai bagaacha ase ogoteema Yeso, bakamosaba aborokie egekone buna ekemanyererio korwa igoro. 2Akabairaneria, “Rikoba mogoroba, mwaboora: Reero nerakeere, ekiagera igoro abariirire. 3Na mambia mwaboora: Reero netwe ey’omwaga, ekiagera igoro yababariirire na gosung’unana. Inwe imomanyete korora obosio bwa igoro, korende timomanyeti ebimanyererio bi’ebiro. 4#Mat 12:39; Luk 11:29Ekegori egeturutumbu geteegeneti kerigetie egekone, korende tigekoegwa egekone otatiga ekia Yona.” Erio akabatiga, akagenda.

Yeso ogotogonyera obouko bw’aborokigwa

(Mar 8:14-21)

5Ekero aborokigwa baika ng’umbu, konya beebire koirana emegati. 6#Luk 12:1Yeso akabateebia, “Rigereria, mwerende nememera y’Abafarisai na Abasadukai.” 7Bakaboorania, bagoteeba, “Titwarentete emegati.” 8Korende Yeso, konya omanyire aya, akabora, “Inwe abamore nokwegena ogoke, inki gekogera mokona‐koborania ng’a timori nemegati? 9#Mat 14:17-21Timokomanya gose koinyora emegati eria etano ase baria chilifu isano, na ebitonga mbirenga mwasangereretie? 10#Mat 15:34-38Nonya nemegati eria etano n’ebere ase baria chilifu inye, na ebitonga mbirenga mwasangereretie? 11Inaki inwe motari komanya ng’a tindi gokwana igoro y’emegati? Mwerende nememera y’Abafarisai na Abasadukai.” 12Erio bakamanya ng’a tare kobateebia okwerenda nememera y’emegati, korende nokworokereria kw’Abafarisai na Abasadukai.

Okoorokia gwa Petero ng’a Yeso nere Kristo

(Mar 8:27-30; Luk 9:18-21)

13Bono ekero Yeso acha ensemo ya Kaisaria Filipi, akaboria aborokigwa baye, “Inee! Abanto nigo bakobora ng’a Omwana-o-Mwanyabaanto nere ng’o?” 14#Mat 14:1,2; Mar 6:14,15; Luk 9:7,8Bakamoiraneria, “Abande nigo bagoteeba: Yohana Omobatisi; na abande: Elija; na abande: Yeremia gose oyomo bw’ababani.” 15Yeso akababoria, “Nainwe mokobora ng’a ninche ning’o?” 16#Yoh 6:68,69Simioni Petero akamoiraneria, “Aye naye Kristo, Omwana o Nyasae ore moyo.” 17Yeso akamoiraneria, “Nosesenirie aye Simioni, mosinto o Yona, ekiagera eri tomaanoreiri nomobere na amanyinga, korende na Tata one ore igoro. 18Na inche nagotebirie, ng’a aye naye Petero, na igoro ase egetare eke ning’agache ekanisa y’ane, ne chinguru chi’amakweri tichikoyebua. 19#Mat 18:18; Yoh 20:23Inche ninkoe ebigorero bi’oborwoti bwa igoro, na ande onsi orasibe ase ense nabe asibirwe na igoro, na ande onsi orasibore ase ense nabe asiboirwe na igoro.” 20Erio akabatianera bokong’u aborokigwa baye ng’a tibateebia onde nere Kristo.

Yeso okobana ogokwa na okoboka kwaye

(Mar 8:31-33; Luk 9:22)

21Korwa ekero ekio Yeso agachaaka kworokereria aborokigwa baye ng’a nemogwenerete kogenda Yerusalemu, agwo ase aranyare gochandwa mono ase amaboko y’abagaaka, na abakuani abanene, na aborokia b’amariiko, na goitwa; ase rituko ria gatato naboke. 22Petero akamoira ensemo, agachaaka komokania, akabora, “Omonene, ayio tabaisa gokonyora! Takoba ase ore buna ayio.” 23Korende Yeso akeonchora, agateebia Petero, “Irana magega y’ane, Saitani! Aye nigo origetie koba egetango ase inde, ekiagera ebirengererio biao tibiri ase ensemo ya Nyasae, korende nase Mwanyabaanto.”

Okorangerigwa kw’ogwekeyia omonyene

(Mar 8:34; 9:1; Luk 9:23-27)

24 # Mat 10:38; Luk 14:27 Erio Yeso agateebia aborokigwa baye, “monto onde bwensi origetie koba omotunyani one, tiga ekaane ere omonyene, etweke omosalaba oye, antunyane#Mar 8:34. 25#Mat 10:39; Luk 17:33; Yoh 12:25Inaki onde bwensi orarigie koegerera obogima bwaye, oyio nabosirie; na oyorasirie obogima bwaye ase engencho y’ane, oyio naboegerere. 26Ninki eragwenere omonto konyora ense yonsi, ko asirie omoyo oye? Gose omonto inki ararue ase ribaga ri’omoyo oye#Mar 8:36? 27#Mat 25:31; Zab 62:12; Abar 2:6Ekiagera Omwana-o-Mwanyabaanto naoroke nabamalaika baye ore nobonene bwa Ise, na ekero ekio ng’ae kera omonto koreng’ana buna are gokora. 28Nekeene nabateebirie: Abanto mbare aiga ase aba bateneine, barabwo bataigwe amakweri nonya ng’ake goika barore Omwana-o-Mwanyabaanto ogocha ase oborwoti bwaye.”

Currently Selected:

Matayo 16: EKGE

Highlight

Copy