Matayo 12

Riborio igoro y’Esabato

(Mar 2:23-28; Luk 6:1-5)

1 # Okoir 23:25 Ase ekero keria Yeso ngoeta arenge gati y’emegondo ase rituko ri’Esabato, aborokigwa baye mbarenge nenchara, bagachaaka kobutora ebigara, bakoria. 2Korende ekero Abafarisai bachia korora aya, bakamoteebia, “Rigereria, aborokigwa bao buna bagokora eritari boronge gokorwa ase rituko ri’Esabato.” 3#1 Sam 21:1-6Akabateebia, “Timwana gosoma aya Daudi akorete, ekero arenge nenchara, ere na abarenge amo nere, 4#Abal 24:9buna asoete ase enyomba ya Nyasae, akaria emegati yarenge korugwa ase Nyasae, nero tiyarenge boronge asare ayerie, gose ase abwo barenge amo nere, otatiga ase abakuani boka? 5#Omob 28:9,10Gose timwana gosoma ase amachiiko buna ase rituko ri’ Esabato abakuani be Hekalu nigo bagosaria Esabato, na barabwo tibakoba nokomocha? 6Inche nabateebirie, nkere aiga egento ekenene kobua Hekalu. 7#Mat 9:13; Hos 6:6Korende onye mwamanyete engencho y’amang’ana aya: Inche nigo ndigetie amaabera, gose tari ekeng’wanso, anga timwagambia abatari nokomocha, 8ekiagera Omwana-o-Mwanyabaanto nere omonene bw’Esabato.”

Okogwenigwa kw’omonto ogataete okoboko

(Mar 3:1-6; Luk 6:6-11)

9Akarua aroro, agasoa ase esinagogi yabo. 10Na rora, narengeo omonto, okoboko kwaye kwagataete. Bakaboria Yeso, “Inee! Mboronge kogwenia ase rituko ri’Esabato?” Nigo bamoboretie igo erio banyare komosoera. 11#Luk 14:5Nere akababoria, “Ning’o ase more ore neng’ondi eyemo, na eng’ondi eyio onye yagure ime ase engoro rituko ri’Esabato, takoyebwata ayerusieo? 12Inee! Omonto tabueti rigori ri’eng’ondi? Ase igo mboronge gokora amaya ase rituko ri’Esabato.” 13Erio agateebia omonto oria, “Rambora okoboko kwao.” Agakorambora; gokagwena, gokaba okogima buna okonde. 14Korende Abafarisai bagasoka isiko, bakagaamba igoro ya Yeso buna barakore bamoite.

Omosomba omochore

15Ekero Yeso achia komanya aya, akarua aroro. Abanto abange bakamotunyana, akabagwenia bonsi. 16Akabachika tibatebia abande igoro yaye. 17Eri nigo riabeete, erinde rinyare goikerana eriatebetwe nomobani Isaya,

18 # Isaya 42:1-4 “Rora, omosomba one oyo nachoorire,

omwanchwa one, omoyo one ogokirie nere.

Nimobekere Omoika one,

nere naraarerie abanto b’Ebisaku ekiina.

19Takwomana, gose tagoaka eriogi;

nonya nomonto takoigwa eriogi riaye

ase chinchera chinene.

20Egetonto giatachetwe tagokebuna,

gose orotambe rw’etaya rokoimoka erioki,

takororimia, goika arete oboronge ase okobua;

21na ase erieta riaye abanto b’Ebisaku mbasemerie.”

Yeso na Beelizebuli

(Mar 3:20-30; Luk 11:14-23; 12:10)

22Ekero ekio akarenterwa omonto obwatire nekerecha; ere nomouko orenge, naende nigo arenge rimama. Akamogwenia, goika oria orenge omouko ne rimama agakwana na korora. 23Abanto bonsi bagakumia, bakaboorania, “Inee! Oyo nanyare koba omwana o Daudi?” 24#Mat 9:34; 10:25Korende Abafarisai bagachia koyaigwa, bagateeba, “Oyo tari korusia ebirecha otatiga ase chinguru chia Beelizebuli omonene bw’ebirecha.” 25Yeso Konya omanyire ebirengererio biabo, akabateebia, “Kera oborwoti kobwatananekire borobwo obonyene tibogotenena; na kera omochie na enyomba kobiatananekanire, birobio ebinyene tibigotenena; 26na Saitani karaserie Saitani, igo bweatananire ere omonyene, Inee, oborwoti bwaye, naki boratenene? 27Na inche, onye ngoseeria ebirecha ase Beelizebuli, Inee, abana baino nase ng’o bakobiseeria? Ase engencho eyio, barabwo inababe abagaambi baino. 28Korende onye ngoseeria ebirecha ase Omoika o Nyasae, igo oborwoti bwa Nyasae bwabacheire. 29Gose inaki omonto aranyare gosoa ase enyomba y’omonto omonyene chinguru na gosakora ebinto biaye, atamosibeti ritang’ani omonto oria omonyene chinguru? Erio magega anyare gosakora enyomba yaye. 30#Mar 9:40Omonto otari amo nainche nigo are mamincha ase ’nde. Nere oyotari gosangereria amo nainche nigo agoserebania. 31Ase engencho eyio nabateebirie, kera ebibe na okorama Mwanyabaanto nabaaberwe, korende onye bagochecheria Omoika tibakwaberwa. 32#Luk 12:10Na omonto onde bwensi orakwane ring’ana riibe ase Omwana-o-Mwanyabaanto, naaberwe; korende onde bwensi orakwane ring’ana riibe igoro ase Omoika Omochenu takwaberwa ase ense eye, nonya nase eria egochi‐gocha.

Omote na amatunda aye

33 # Mat 7:20; Luk 6:44 “Kora omote obe omuya, na amatunda aye abe amaya; gose kora omote obe omobe, na amatunda aye abe amabe; naki omote nigo okomanyekana ase okwama kwaye. 34#Mat 3:7; 23:33; Luk 3:7; Mat 15:18; Luk 6:45Inwe oroiboro rwe ching’iti! Naki moranyare gokwana amaya ekero more ababe? Ekiagera ebiichire ase enkoro, nabio omonwa ogokwana. 35Omonto omuya, ase emonga#12:35 Emonga: engencho yaye okogacha gose okobekerania biria biraganerigwe ae ebiro bia motwe yaye engiya nigo akorua amaya, na omonto omobe, ase emonga yaye embe nigo akorua amabe. 36Korende nabateebirie, ng’a ase kera ring’ana ritari nengencho Mwanyabaanto barakwane, ase rituko ri’ekiina ’nabache korua omobaro. 37Inaki ase amang’ana ao noegwe oboronge, na ase amang’ana ao nogaambigwe.”

Yeso okwanga koorokia egekone

(Mar 8:11-12; Luk 11:29-32)

38 # Mat 16:1; Mar 8:11; Luk 11:16 Erio abande ase aborokia b’amariiko na Abafarisai bakamoteebia, “Omwarimu, ntorigetie torore egekone buna ekemanyererio korwa ase ore.” 39#Mat 16:4; Mar 8:12Korende akabairaneria, “Ekegori ekebe ki’obotomani kerigetie egekone, korende tigekoegwa egekone otatiga eki’omobani Yona#Yona 1:2; 3:5. 40#Yona 1:17Inaki buna Yona abeete ime ase enda y’enswe enene ase engaki y’emebaso etato na amatuko atato, nabo na Omwana‐o‐Mwanyabaanto nere arabe ime ase enkoro y’ense emebaso etato na amatuko atato. 41#Yona 3:5Abanto ba Ninawi nabatenene ase rituko ri’ekiina amo n’abanto b’ekegori eke, na barabwo nabakenachere ekiina, ekiagera barabwo nigo baonchogete ase okorandia kwa Yona, na rora, oyobuete Yona naiga are. 42#1 Abar 10:1-10; 2 Amg 9:1-12Enting’ana ya Irianyi netenene ase ekiina amo n’abanto b’ekegori eke; ere nabanachere ekiina, ekiagera arwete ase chinsinyo chi’ense anyare koigwa obong’aini bwa Sulemani#Abag 10:1-13; 2 Amg 9:1-12, na rora, oyobuete Sulemani naiga are.

Okoirana kw’ebirecha

(Luk 11:24-26)

43“Ekero ekerecha ki’eubi kiarure ase omonto, nigo kegoeta gati aase atari namaache, kiarigia aase kegotimokera, korende tigekonyora. 44Erio kiabora: ‘Ning’irane ase enyomba y’ane aase narwete.’ Gakegocha kiayenyora nenchwa, yaabusirwe, yaroisigwe. 45Erio kiagenda, kiarentana ebirecha binde bitano na bibere (7), ebire ebibe kobua kerokio ekenyene. Nabirobio biasoa na komenya aroro; okoba kw’omoerio kw’omonto oyio kwaba okobe kobua okwe ritang’ani. Naboigo erache koba ase ekegori eke ekebe.”

Abamwabo Yeso b’ekeene

(Mar 3:31-35; Luk 8:19-21)

46Ekero arenge gokwana n’abanto, rora, ng’ina na bamura bamwabo nigo bateneine isiko, barigetie gokwana nere. 47Omonto oyomo akamoteebia, “Rora, nyoko na bamura bamino mbateneine isiko, barigetie gokwana naye.” 48Korende akairaneria oria omotebetie, akabora, “Baba nere ng’o? Na bamura baminto mbarabi?” 49Akarambora okoboko kwaye ase aborokigwa baye, akabora, “Rora baba na bamura baminto! 50Ekiagera oyorakore ogwancha gwa Tata one ore igoro, oyio nere momura ominto, na mosubati ominto, na baba.”

Currently Selected:

Matayo 12: EKGE

Highlight

Copy