Luka 10

Obotomwa bw’aborokigwa emerongo etano na ebere

1Magega ase aya Omonene agachora abande emerongo etano na ebere na babere (72), akabatoma babere babere bamotang’anere kogenda kera omochie na kera aase arengereretie kogenda ere omonyene. 2#Mat 9:37,38Akabateebia, “Rigesa nerinene, korende abakori emeremo nabake; gaki mosabe Omonene bwe rigesa atome abakori emeremo ase rigesa riaye. 3#Mat 10:16Bwatia enchera; rigereria, nabatomire inwe buna chimanwa chi’eching’ondi gati‐gati ye chisese chi’orosana. 4Timobogoria ekemoya#10:4 Ekemoya: engencho yaye nakauko agake gakogacherwa chitaabu, gose esaro, gose ebikoroto; gose timokwania monto nchera. 5Na enyomba ende yonsi morasoe, ritang’ani mobore: Omorembe obe ase enyomba eye. 6Onye omonto bw’omorembe oreo, omorembe oino noikaranse asare; korende onye taibo, nobairanere inwe. 7#1 Abakr 9:14; 1 Tim 5:18Mobeere ase enyomba eyio, morie na konywa ebi bakobaa, ekiagera omokori emeremo nagwenerete aegwe eng’eria yaye. Timoetanana enyomba ase enyomba. 8Na omochie onde bwonsi morasoe, na abanto b’omochie oyio baabaariganie, karie eki barabae. 9Mogwenie abarwaire abareo, mobateebie: Oborwoti bwa Nyasae bwabaikeire ang’e. 10#Ogok 13:51Kero kende gionsi mogosoa omochie, na barabwo batabaariganeti, soka korwa aroro, eta ase chinchera chiaye, motebe: 11#Mat 10:7-14; Mar 6:8-11; Luk 9:3-5Nonya norotu rw’omochie oino rwabwatereire amagoro aito twarwabusire ase more, korende manya aya, ng’a oborwoti bwa Nyasae bwaikire ang’e. 12#Omoch 19:24-28; Mat 11:24; Mat 10:15Nabateebirie, nabe aororo ase Sodomu ase rituko riria kobua omochie oria.”

Okoragererigwa ase emechie etari nokwegena

(Mat 11:20-24)

13 # Isaya 23:1-18; Ezek 26:1—28:26; Yoel 3:4-8; Amos 1:9,10; Zak 9:2-4 “Obobe nobwao, Korasini! Obobe nobwao, Bethisaida! Ekiagera onye mbiakoregete ase Turo na Sidoni ebikone bie chinguru ebiakoregete ase more, abanto b’aroro anga mbaonchogete kare na goikaransa babegete chianga chi’echigunia na beagete ribu. 14Korende nebe aororo ase Turo na Sidoni ase rituko riria ri’ekiina kobua ase more. 15#Isaya 14:13-15Naye Kapernaumu, noimokererigwe igoro? Noche goikigwa goika Eora y’amakweri.

16 # Mat 10:40; Mar 9:37; Luk 9:48; Yoh 13:20 “Oyorabaigwere inwe, nanyigwere nainche, na ere oyorabaange inwe, onyangire nainche, na ere oyoranyange inche, omwangire ere oyontomete.”

Okoirana kwa baria emerongo etano na ebere

17Baria emerongo etano na ebere na babere (72) bakairana nomogooko, bagateeba, “Omonene, nonya nebirecha biatoigwereire ase erieta riao.”

18Akabateebia, “Naroche Saitani okogwa korwa igoro buna okomesa. 19#Zab 91:13Rora, nabaeire okobua gotindacha ching’iti chionsi, na ebiuge, ne chinguru chionsi chi’oria omobisa; gose gento kende tikeri kerabaite. 20Nonya nabo timogoka ase aya, ng’a ebirecha biabaigwereire, korende goka ekiagera amarieta aino arikirwe igoro.”

Yeso okoiraneria ng’a mbuya mono

(Mat 11:25-27; 13:16-17)

21Ase ekero keria Yeso agasasoka ase Omoika Omochenu, akabora, “Nakobakire aye Tata, Omonene o igoro na ense, ng’a kwabisire amang’ana aya ase abare nobong’aini ne chisemi, na koyamaanora ase abana abake. Ee, Tata, oko nakwo kwarenge ogwancha kwao okuya. 22#Yoh 3:35; Yoh 10:15Naeirwe ebinto bionsi na Tata one; monto onde tari omomanyete Omwana gose nere ng’o, otatiga Tata, gose Tata nere ng’o, otatiga Omwana, na onde bwensi Omwana anchire komoorokeria.”

23Akaonchokera aborokigwa baye, akabateebia bobisi, “Nasesenirie amaiso aya arorire ayamwarorire inwe! 24Naki nabateebirie, ababani abange na abarwoti bakarigia korora ayamwarorire inwe, tibayarora, na koigwa aya mwaigure, tibayaigwa.”

Omoreng’anio bwo’mosamaria omuya

(Mat 22:34-40; Mar 12:28-31)

25 # Mat 22:35-40; Mar 12:28-34 Na rora, omworokia bw’amachiiko agatenena okomoteema, okobora, “Omworokia, inki ndakore nyore obogima bwa kare na kare?”

26Ere akamobooria, “Ase amachiiko inki keriikire? Naki ogosoma?”

27 # Okoir 6:5; Abal 19:18 Akairaneria, “Mwanche Omonene Nyasae oo nenkoro yao yonsi, na omoyo oo bwonsi, ne chinguru chiao chionsi, na obong’aini bwao bwonsi, na omogisangio oo buna bweanchete.”

28 # Abal 18:5 Akamoteebia, “Kwairaneirie buya. Kora iga, nario oramenye amatuko amange.”

29Omonto oria akarigia gwekora omonyene oboronge, akaboria Yeso, “Omogisangio one nere ng’o?”

30Yeso akairaneria, “Narenge omonto ore gotirimboka korwa Yerusalemu kogenda Yeriko. Ere akaumera abauri, na barabwo bakamoumokera, bakamorusia chianga, bakamoaka chingoma, bakagenda, bakamotiga oisire gokwa. 31Ekaba agwo Omokuani oyomo akaoroka, ogoeta ase enchera eria, akamorora, agaeta ensemo. 32Na Omolawi boigo agachia goika aase aria, akamorora; nere agaeta ensemo. 33#2 Amg 28:15Korende Omosamaria oyomo, kagoeta, agacha aase arenge; ere agachia komoorora, akamororera amaabera. 34Nabo akamoika ang’e, akamoboa chingoma chiaye, akamoaka amaguta na edivai; akamoriinia ase etigere yaye igoro, akamoira ase enyomba y’abageni, akamorwaria. 35Goika mambia yaye akarua chisiringi ibere, akaa omonyene enyomba, akamoteebia: Morende buya; na kende gionsi orarue kobua, kondairane naende, ningoakane. 36Naki rende orooche ase aba iga batato, norori orenge omoamate oye ere oyogwete ase amaboko y’abauri?”

37Akabora, “Noria omoororerete amaabera.”

Yeso akamoteebia, “Genda naye okore boigo.”

Yeso ogosoa ase enka ya Martha na Mariamu

38 # Yoh 11:1 Ekero bare kogenda orogendo rwabo, agasoa ase agachie akamo, na omokungu oyomo, erieta riaye Martha, akamoarigania nyomba mwaye. 39Ere narenge nomosubati omwabo ore korokwa Mariamu oyio oikaransete ase amagoro a Yeso, koigwa amang’ana aye. 40Korende Martha nigo arenge gochandeka ase ogokora okonge, akamochiera, akabora, “Omonene, torochi aye buna oyominto antigire ngokora kera egento inche bweka? Moteebie ankonye.”

41Omonene akamoiraneria, “Martha, Martha, nigo okwerosia na gweichania ase engencho y’ebinto ebinge, 42korende egento ekemo gioka keganeirie. Mariamu ochorire ensemo ere engiya, eye ataurwe nonde.”

Currently Selected:

Luka 10: EKGE

Highlight

Copy