Yohana 15

Omosabibu ne chinsagia

1“Inche ninche omosabibu bw’ekeene, na Tata one nomooroiseria. 2Kera orosagia ime ase ’nde orotameti, nigo akoronacha, na kera orokwama nigo akorososa, erinde romente kwama. 3Inwe mwaikire koba abachenu ase engencho ye ring’ana nabateebirie. 4Menya ime yane, na inche ime yaino. Buna orosagia rotanyare kwama rwoka oronyene, rotabeti ime ase omosabibu, naboigo nainwe motamenyeti ime yane. 5Inche nomosabibu, na inwe nechinsagia. Oyo omenyete ime yane, na inche ime yaye, oyio name mono, ekiagera ntaiyo inche, timokonyara gokora kende gionsi. 6Omonto otamenyeti ime yane, nigo aratugutwe isiko buna orosagia rwomete. Chinsagia chiomete nigo chigosangererigwa, na korutwa ase omorero, na koyia. 7Komoramenye ime yane, na amang’ana aane karabe ime yaino, saba kera ekemoganetie na inwe namokorerwe. 8Ase ayio Tata abakwe ekero mwamire mono; na inwe namobe aborokigwa baane. 9Buna Tata anyanchete inche, na inche nabanchire inwe, menya ase obwanchani bwane. 10Komorabwate amachiiko aane, namomenye ase obwanchani bwane, buna inche nabwatete amachiiko a Tata one na komenya ase obwanchani bwaye. 11Aya nabateebirie, erinde omogooko one obe ime yaino, naende ng’a omogooko oino oikeranigwe.

12 # Yoh 13:34; 15:17; 1 Yoh 3:23; 2 Yoh 1:5 “Richiko riane nario eri: Mwanchane buna nabanchete inwe. 13Onde tari ore nobwanchani obonene kobua obo, obw’omonto akorua obogima bwaye ase engencho y’abasani baye. 14Inwe nigo more abasani baane, komorakore aya nabachiikire. 15Tinkobaroka naende abasomba, ekiagera omosomba tamanyeti eki omonene oye agokora; korende inwe nabarokire abasani, ekiagera onsi aya naigwete korwa ase Tata nabaorokeirie. 16Tari inwe mwanchorire inche, korende ninche nabachorire inwe, nababekire mogende kwama, okwama kwaino goikaranse; erio rinde rionsi mogosaba Tata ase erieta riane, nigo arabae.

Ense na Omoika bw’ekeene

17“Aya nabachiikire naro aya: mwanchane. 18Ense kerabageche, momanyete ng’a yangechire inche etarabagecha inwe. 19Onye nab’ense mware, anga ense ’yancha abare abaye, korende ekiagera inwe timori ab’ense, otatiga inche nabachorire korwa ase ense, ase ayio ense yabagechire. 20#Mat 10:24; Luk 6:40; Yoh 13:16Inyora ring’ana riria nabateebeetie: Omosomba tari omonene kobua omonene oye. Onye banchandete inche, nabaabachande nainwe; onye babwatete ring’ana riane nabwate neriaino. 21Korende aya onsi nabaabakorere ase engencho y’erieta riane, ekiagera tibamomanyeti oyontomete. 22Onye ntachete gokwana nabarabwo, anga tibarenge nebibe, korende bono tibari nogwekengera ase ebibe biabo. 23Oyongechete inche, nigo amogechete na Tata one. 24Onye ntakorete emeremo ase bare eye monto onde atakoreti, anga tibabete nebibe, korende bono barorire, naende batogechire inche na Tata. 25#Zab 35:19; 69:4Korende igo riikerane ring’ana eriarigetwe ase amachiiko abo: Nigo bangechete bosa. 26Korende karache Omokonyi, oyo ndabatomere korwa ase Tata, Omoika bw’Ekeene okorwa ase Tata, ere nambere kirori. 27Na inwe boigo mwambereire birori, ekiagera korwa omochakano mwarenge amo nainche.

Currently Selected:

Yohana 15: EKGE

Highlight

Copy