Ogokora Kw’abatomwa 7

Ogokwana gwa Stefano

1Omokuani omonene akaboria Stefano: “Inee! Amang’ana ayio naboigo are?”

2 # Omoch 12:1 Stefano akairaneria.

Abaminto na abatata, ntegerere. Nyasae bw’obonene naorokerete sokoro yaito Aburaamu, ekero arenge ase Mesopotamia, ritang’ani ataramenya Harani, 3akamoteebia: Karue ase ense yao, na ase eamate yao, ogende goika ase ense ndakworokie. 4#Omoch 11:31; Omoch 12:4Erio akarua ase ense y’Abakalidayo, akamenya Harani. Magega ise gakuure, Nyasae akamong’anyia korwa aroro goika ense eye inwe momenyete bono. 5#Omoch 12:7; 13:15; 15:18; 17:8Tamoete omwando ime aa, nonya koreng’ana ase akobeeka okogoro, korende akamoriera eira ng’a namoe ense eria ebe obomenyo bwaye, na obw’oroiboro rwaye magega yaye, nonya tarenge nomwana. 6#Omoch 15:13,14Nyasae agakwana iga: Oroiboro rwa Aburaamu inababe abamenyi ase ense y’abanto bande, na barabwo inababakore babe abasomba babo, na kobakorera bobe, ase engaki y’emiaka amagana ane. 7#Okong’ 3:12Nyasae agateeba: Ninkegambie ekiina egesaku keria kerabakore babe abasomba babo, na magega y’ayio nabaruo, na barabwo nabansasiimere aase aiga. 8#Omoch 17:10-14; Omoch 21:2-4; Omoch 25:26; Omoch 29:31—35:18Akamoa okwaroka buna ekemanyererio gi’okobwatana. Erio Aburaamu akaibora Isaka, akamosara rituko ria gatano na gatato. Isaka akaibora Yakobo, na Yakobo akaibora baria ikomi na babere, abagaaka baito ba kare.

9 # Omoch 37:11; Omoch 37:28; Omoch 39:2,21 Baria abagaaka baito ba kare bakarorera Yusufu ribero, bakamoonia gochia Misiri. Korende Nyasae akaba amo nere, 10#Omoch 41:39-41akamorusia ase emechando yaye yonsi, akamoa ogwancherwa na obong’aini ase obosio bwa Farao, omorwoti o Misiri; ere akamobeka akaba gabana igoro ya Misiri na enyomba yaye yonsi. 11#Omoch 42:1,2Erio enchara ekaba igoro ase ense yonsi ya Misiri na Kaanani, na emechando emenge, ne chisokoro chiaito tichianyora endagera echiisanete. 12Korende Yakobo gachia koigwa ng’a endagera nekare Misiri, agatoma chisokoro chiaito aroro ase orogendo rwe ritang’ani. 13#Omoch 45:1; Omoch 45:16Ase orogendo rwa kabere Yusufu akemanyekania ase bamura bamwabo, na eamate ya Yusufu egaacha, ekamanyekana ase Farao. 14#Omoch 45:9,10,17,18; Omoch 46:27Erio Yusufu agatoma abanto gochia korangeria Yakobo ise, na eamate yaye yonsi, abanto emerongo etano na ebere na batano. 15#Omoch 46:1-7; Omoch 49:33Yakobo agatirimboka, agaika Misiri; ere agakwera aroro, ere omonyene ne chisokoro chiaito. 16#Omoch 23:3-16; 33:19; 50:7-13; Yosh 24:32Bakabogorigwa goika Sekemu, bagatindekwa ase embeera eria Aburaamu agorete ase chifeta korwa ase abana ba Hamori, aaria Sekemu.

17 # Okong’ 1:7,8 Ekero eira eria Nyasae aete Aburaamu yachia goika ang’e goikeranigwa, abanto baria bakamenteka na kobucha mono aaria Misiri, 18goika omorwoti onde akabeekwa Misiri, oyotamomanyete Yusufu. 19#Okong’ 1:10,11; Okong’ 1:22Oyio agakorera egesaku giaito obong’ainereria, na agakorera chisokoro chiaito amabe, na barabwo bagachiikwa ng’a batugute abana babo ebing’werere, erinde tibaaba moyo. 20#Okong’ 2:2Ekero ekio Musa akaiborwa, ere nigo arenge omuya mono, akagwenera Nyasae. Akarererwa nyomba mwa ise ase engaki y’emetienyi etato. 21#Okong’ 2:3-10Ekero achia gotugutwa, omoiseke o Farao akamoira, ’akamotuga na komorera buna omwana oye. 22Musa akaorokererigwa chiseemi chionsi chia Misiri, akaba omokong’u ase amang’ana na ase ogokora.

23 # Okong’ 2:11-15 Ekero akoorire emiaka emerongo ene, akarengereria ase enkoro yaye kogenda korora abamwabo, Abaisraeli. 24Akarora oyomo obo ogokorerwa bobe n’Omomisiri, akamokonya; agaakanera oria orenge gochandwa egesiomba, agaaka Omomisiri oria akamoita. 25Nigo akagete ng’a abamwabo mbamanye ng’a Nyasae nabae obosibore goetera ase okoboko kwaye, korende tibamanya. 26Rituko rikobwatia akaorokera Abaisraeli babere ekero baare korwana, akarigia kobatorania agateeba: Abaminto, inwe nabamo, nase ki mokorwana? 27Korende oria orenge gokorera oyomwabo bobe, akamosukeria are, agateeba: Ning’o okobegete koba omonene gose omogambi ase tore? 28Inee! Norigetie kong’ita buna gwaita Omomisiri oria igoro? 29#Okong’ 18:3,4Ase engencho y’amang’ana aya Musa agatama gochia ase ense ya Midiani, akamenya aroro buna omomenyi. Akaiborera abana babere abamura aroro.

30 # Okong’ 3:1-10 Ekero emiaka emerongo ene yachia koera, omomalaika akamoorokera ase ogwoka kw’omorero ase egetutu aaria erooro y’egetunwa gia Sinai. 31Musa agakumia ase okorora koria, na ekero achia goika ang’e gokorora, eriogi ri’Omonene rikamocheera, rigateeba: 32Ninche Nyasae bwe chisokoro chiao, Nyasae o Aburaamu, na o Isaka, na o Yakobo. Musa akaiguswa, tarenge na boremu bw’okorigereria. 33Omonene akamoteebia: Rusia ebikoroto biao korwa ase amagoro ao, ekiagera aase agwo oteneine nase aachenu. 34Ekeene, narorire ogokorerwa bobe kw’abaanto baane abare Misiri, naigure okorera kwabo, naikire mbasibore. Inchuo bono, ngotome goika Misiri.

35 # Okong’ 2:14 Musa nere oyio bangete, bagateeba: Ning’o okobegete koba omonene gose omogambi? Nere otometwe na Nyasae, goetera ase amaboko ’omomalaika oria omoorokerete ase egetutu keria, koba omonene na omosibori. 36#Okong’ 7:3; Okong’ 14:21; Omob 14:33Omonto oyio nere obarusetie korwa aroro magega gakorire amakumia na ebikone ase ense ya Misiri, na ase Enyancha Embariri, naende ase erooro ase engaki y’emiaka emerongo ene. 37#Okoir 18:15,18Musa oyio nere oteebetie Abaisraeli ng’a: Nyasae nabaimokerie omobani onga buna inche korwa ase egati y’abamino. 38#Okong’ 19:1—20:17; Okoir 5:1-33Naende nere orenge ase baria basangererekanete ase erooro amo nomomalaika oyokwanete nere ase egetunwa gia Sinai, naende amo ne chisokoro chiaito; nere oetwe amang’ana ’obogima atoe. 39Omonto oyio chisokoro chiaito chikaanga koimoigwera, chikamosukeria are. Na ase ebirengererio biabo bakairana Misiri, 40#Okong’ 32:1bagateebia Aroni: Tokorere chinyasae echiranyare gototang’ana. Titomanyeti eriamonyorire Musa, oyotorusetie ase ense ya Misiri. 41#Okong’ 32:2-6Ase amatuko aria bagakora omogwekano bw’emori, bakarenta ekeng’wanso ase omogwekano oria basasiimete, bakagokera emeremo y’amaboko abo. 42#Amos 5:25-27Korende Nyasae akeonchora korwa ase bare, akabatiga basasiime erioba na omotienyi ne ching’enang’eni chia igoro, buna ariikire ase egetabu y’ababani:

Inwe Abaisraeli,

Inee, ase engaki y’emiaka emerongo ene,

eyio mwarenge ase erooro,

mwandeterete ebing’wanso amo nokoruegwa konde?

43Yaya, nigo mwabogoretie Moleki, enyasae yaino,

na eng’enang’eni y’enyasae Refani,

emegwekano eyio mwakorete, erinde moyesasime.

Ase ayio nimbang’anyie goika ng’umbu ya Babiloni.

44 # Okong’ 25:9,40 Eema y’oborori nigo yarenge amo ne chisokoro chiaito ase erooro, buna Nyasae achigete, ekero atebeetie Musa ng’a ayekore buna ekiorokererio keria aroche. 45#Yosh 3:14-17Chisokoro chiaito nchiayenyorete buna omwando, chikayesoyia amo na Yoshua, ekero bairete ense y’ebisaku biria Nyasae aseretie korwa ase obosio bwe chisokoro chiaito. Nigo babete nero goika amatuko a Daudi, 46#2 Sam 7:1-16; 1 Amg 17:1-14oyio onyorete ogwancherwa ase obosio bwa Nyasae, agasaba ng’a anyorere Nyasae o Yakobo obomenyo. 47#1 Abar 6:1-38; 2 Amg 3:1-17Korende Sulemani nere omoagacherete enyomba. 48Korende Ere Oyore Igoro Mono tari komenya ase chinyomba chiagachire namaboko, buna omobani agoteeba:

49 # Isaya 66:1,2 Igoro nekerogo kiane ki’obonene,

na ense negeteni kiane ki’amagoro.

Omonene oteebire: Inyomba ki moranyaare kong’agachera?

Gose ng’ai aase are ndanyaare gotimokera?

50Inee! Tari okoboko kwane gwakorete ebinto ebi bionsi?

51 # Isaya 63:10 “Inwe abamore nebigoti ebikong’u, motarogeti ase chinkoro, nonya namato, motaonchogeti; botambe nigo mokoamereria Omoika Omochenu. Buna chisokoro chiaino chiarenge gokora, nainwe nabo mogokora. 52Ning’o ase ababani chisokoro chiaino chitachandete? Na barabwo mbaitete baria babanete amang’ana igoro y’ogocha kw’oria Omonyene Oboronge. Inwe bono mwabeire abamorua na abamoiti. 53Inwe abamwanyorete amachiiko ayarentetwe nabamalaika, korende timwayabwata.”

Ogokwa gwa Stefano

54Ekero bachia koigwa amang’ana aya, bakagechigwa ase chinkoro chiabo ime, bakamoromananeria amaino. 55Korende ere oichire n’Omoika Omochenu, akarigereria mono gochia igoro, akarora obonene bwa Nyasae, na Yeso oteneine ensemo y’okoboko gw’okorio kwa Nyasae. 56Agateeba: “Rora, narorire igoro amaanokire, na Omwana‐o‐Mwanyabaanto oteneine ensemo y’okoboko gw’okorio kwa Nyasae.”

57Korende bagaaka egeturi ase eriogi rinene, bagakuneka amato abo, bakamorindokera bonsi amo, 58bakamosokia isiko y’omochie, bakamoaka amagena. Na kirori bakabeeka chianga chiabo ase amagoro ’omomura oyomo, ore korokwa Saulo. 59Bagaaka Stefano amagena ekero arenge gosaba, ogoteeba: “Omonene Yeso, ira omoika one.” 60Akabeeka amaru inse, akarera ase eriogi rinene: “Omonene, tobabare ebibe ebi!” Ochia gokoora gokwana aya, agakwa.

Na Saulo nigo aroche buya ase ogoitwa kwaye.

Currently Selected:

Ogokora Kw’abatomwa 7: EKGE

Highlight

Copy