Mariko AKITODIARET
AKITODIARET
Akiro nukajokak kwape igiritere Mariko Egeunete ebe, “Akiro Nukajokak ka Yesu Kristo, Okoku ka Akuju.” Itoduute Yesu erait etwan loka asomisio nepepe ka apedor. Apedor keng' etakani kakisisianakino keng', ka apedor keng' kuju ka ipara, nepepe ka arimanakin arokusio ka itung'a. Inera Yesu kuju keng' kelope ebala ebe, erait nesi Okoku ka Etwan, lo abu kopala akijar keng', kanuka alakun itung'a kotoma arokusio.
Itoduut Mariko akapolok ka Yesu kokipone kalo ideere, kokipone kalo egogong'. Itekekesaarit nesi nu abu Yesu kisoma, mere akiro keng' kere de akisisianakino keng'. Kedau alimor adis kuju ka Yoana Lokebatisan, nepepe ka akibatisao ka atamio ka Yesu, atipet kogeuni lokegirigiran akitoduun asoma ka Yesu nuka akitang'aleunun itung'a nepepe ka akisisianakin. Itolosit akolong', kosodete luketupito Yesu ajenun nesi kojokan. Konye kosodete ipading'atin ka Yesu adedeng'aar noi. Ikekia lukesial inerasi kuju ka asomisio ka Yesu kosabiti kaloka esial ka akijar keng' ka akwap, kacut akibubukino keng' omusalaba nepepe ka ajarun keng'.
Ang'etakineta aare nukesial ka Akiro Nukajokak, nu elukakiite, anyuto lu ipu ebe igirit itwan ice mere Mariko.
Nu Ejaasi Toma
Ageun ka akiro kanukajokak 1:1-13
Asoma ka Yesu ko otung'a ko Galilaya 1:14—9:50
Alomun ko Galilaya akitodol Yerusalem 10:1-52
Esabiti lokesial ejei toma nepepe ka ariri ka Yerusalem 11:1—15:47
Ajarun ka Yesu 16:1-8
Atakanunun nepepe ka adokar kuju ka Lokapolon lo ajaru 16:9-20
Currently Selected:
Mariko AKITODIARET: TESOP
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS