Zekaria 12
12
1Tunini dubbi AABBO Waaqi waan Israeli dubbate, AABBO Waaqi ka gubba dirirse, lafa yayabe, namale mid'aase lubbu keesa kaye. Inni waan jed'u, 2Anini dira Yerusalemu aka muduunu daad'ii tolcha; gochiti d'aatu isaa jirtu d'udde aka nama machae daat'i. Ammalle hojja Yerusalemu marsani dira Yuda d'ibile marsani. 3Ammo hojja guyyaani suni d'ufu, anini Yerusalemu aka d'akha ulfaata tolcha; gochiti imfuuti iti gamtu ufi madeesiti. Gochiti lafa ch'ufaa wolti d'ufte isa haati. 4Gaafasi anini fardoole worraa ch'ufa mudamsiise, yaabattu isii ch'ufa mamaraacha. Anini gosa Yuda eege qorqorad'a, ammo fardoole nyaapa isaani ila duucha. 5Duuba balbalti gosa Yuda ch'ufti waan woliini jettu, AABBO Waaqi Guddaani nama isaa ka Yerusalemu keesa tau jabeesa.
6Anini gaafasi balbala gosa Yuda ch'ufa, aka ibida badda keesa bobeesani yokhaani oobru mid'aani isii bilchaatte keesati bobeesani tolcha; worri gosa d'aatu worraa mirgafi bita jirtu imballeesa. Ammo worri Yerusalemu nagayumaani dira ufii keesa taa.
7Anini, AABBO Waaqi, qara duula gosa Yudati dabsacha keenna, aka ulfinni ilmaani Dauditifi worri Yerusalemu argatu ka worra Yuda ira injirre. 8Gaafasi AABBO Waaqi worra Yerusalemu keesa tau wonte tahefi qorqorata, ammalle nami worraa lalaafaleeni aka Daudi jabaata. Ilmaani Daudi, aka malaika AABBO Waaqa yokhaani aka Waaqa, worraani deemti. 9Gaafasi ani gosa ch'ufa ta Yerusalemu haatu imballeesa.
10 #
Yoh 19.37; Mul 1.7 #
Mat 24.30; Mul 1.7 Anini ilmaani Dauditifi worra Yerusalemu kaani d'ibi herega naasutiifi ka kad'achatiini guuta. Duuba namicha woraanaani ijeesani kaani laalani, akuma nama ilma tokocha bohu bohaniifi. Aka worri ilmi angafa iraa due bohu, garaa hamaatani bohaniifi. 11Gaafasi booti Yerusalemu keesa aka gaafa Hadadrimoni diida Megido keesa bohani taati. 12-14Worri lafa keesa jiru ch'ufti koba kobaa boha: worra Daudi iraa bahe, ka Nathani iraa bahe, ka Lawi iraa bahe, Shimei iraa bahe, ammalle worri kaani ch'ufti akasuma boha. Worri ch'ufti koba kobaa boha, nami d'iira ka worraa ch'ufti koba bohe, nad'eenileeni kobati booti.
Currently Selected:
Zekaria 12: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
